جيناكم من صباحية ربنا قلنا نجاوب على الاسئله قبل لا تجينا اسأله جديده و نتوهق مب يقولون خير البر عاجله <<<< مال امها دخل
نجي للاسئله
س1 / لو طب على بيتكم حرامي واهلك كلهم مسافرين وما فيه الا انت قايم وكنت تتروش والحرامي اخذ ملابسك الداخليه وما خلى لك شي حتى الفوطه اخذها ومامعك جوال وجالس قدامك يناظر تلفزيون ويفتش في شنطتك اللي فيها شقى عمرك وش بتسوي ؟ بتروح له ؟ يارجال رح له من زينك عاد و العياذ بالله تبيني اروح له و يصير الي مالا تحمد عقباه <<< مصدق عمره الاخ
شوف الدعوه خربان الحرامي شاف كل شي ابطلع <<< خربانه خربانه و اروح لغرفة اخوي و اخذ منها ملابس و اوريك فيه <<<< جواب مقنع <<<< ما اردى من الجواب الا السؤال
س2 / لو تم ترشيحك لبرنامج ستار اكاديمي وش اول شي تسويه ؟ ابتعرف على البنات و اخذ ارقامهم <<< مهب ضامن انه يقعد اسبوع قل لا يطردونه قبل كل شي ابدق عليك و اقهرك
س3 / وش هي الديره اللي ودك تسافر لها وما هي احلى ديره سافرت لها .. ؟ ودي اسافر للنمسا <<<< قاعد يجمع فلوس علشان يروح لها احلى ديره ما يبيلها كلام ... سدير الحبيبه
س4 / وش اصعب موقف مر عليك في الدارسه الجامعيه ؟ الحمد لله كل المواقف في الجامعه صعبه ما فيه شي بالبال لكن اول ما اذكر شي راح انزله بأذن الله
س5 / من تحب اكثر انا ولا انت ؟ عبودي ما يبيله سؤال انت عارف الاجابه ما راح اجاوب على السؤال اخلي قبلك يجاوب عليه
رجاءً يا جماعه لا تفهمون كلامي شي غلط ... ترا الي بيننا حب عذري <<< امحق حب عذري
صراحتن ما طلعت الصوره بس طمعه رهيب <<<< تلعب على بزران
نجي للاسئله :
1 _ وش نوع الكتب اللي تحب تقراها ؟ ووش آخر كتاب قريته غير كتب الجامعه ؟ افضل الكتب الي فيها طرائف احب كتب الي تتكلم عن شراط الساعه
اخر كتاب : (يأجوج و مأجوج من الوجود حتى الفناء) يتكلم عن قبيلة يأجوج و مأجوج و كيف كانت حياتهم و من هم اصلن ؟؟؟
2 _ عطرك المفضل ؟ الي ريحته زينه ... ما فيه نوع معين مفضل لي بس اخر ما لقيت انه رهيب ( اقنر ) الجديد
3 _ موقف الى الحين في ذاكرتك ياليت لو تذكره لنا ؟ فيه موقف صار لي و انا صغير .. ايام الابتدائي كان لي ولد عمه من السويدي .. و زي ما انتم عارفين هم قشران ( يحبون المطاق ) و كان يجي مع امه لبيتنا يسلمون على جدتي ( الله يرحمها ) و يتغدون عندنا احيانا و طبعا اول ما يجي يعيث في الارض فسادا
و لي اثنين من عيال عمي يحبون يحارشونه و يتسطرون في الاخير ... و انا ما كنت اجي معاهم لاني عارف اني ابتسطر من الحين (( رحمه الله امرئ عرف قدر نفسه )) وكنت اتجنب مواجهت مره <<< مسوي فيها ثقل وهو خايف كانوا عيال عمي اذا تسطروا جو عندي وانا اصرفهم <<<< مانيب فاضي اتسطر و جاء اليوم الموعود الي يا مقتول يا مذبوح قلت لازم حط حد للي يصير و كان و متعلم كاراتيه و معه الاصفر <<< هو خلقه يطق وشلون و معه حزام
رحت قابلته في الحوش و انا معصب<<<< الا خايف ... و اقول له : اذا انت رجال طقني انا على نياتي احسبه بيخاف مني و بينحاش الرجال ما صدق خبر و يمزعني برجله على يدي ((حول الكتف)) وانا بغت تتخدر و بغيت اصيح قلت له : هذا الي عند ... طبعا لو طقني مره ثاني يمكن اموت ... قال : ايه ... و فجأه و بدون مقدما اطب عليه و اكتفه .. انا ما ادري وش اسوي والا الرجال منحاش مني خايف
بعدها و انا اقوى واحد ولا حاولت اني اتهاوش معه مره ثانيه و اتسطر و الى الان وانا اذا كلمته او كلمني نتذكر ذي السالفه <<<< اكبر فخر لي
داري ان السالفه طويله بس بناءا على طلبك <<< لو درت كل هذا بتكتبه ما قالت شي
4 _ وش تفكر فيه في هاللحظه ؟ هل انا يم اجاوب على السؤال الي فوقي طولت و الا لا ؟؟؟
رحت قابلته في الحوش و انا معصب<<<< الا خايف ... و اقول له : اذا انت رجال طقني انا على نياتي احسبه بيخاف مني و بينحاش الرجال ما صدق خبر و يمزعني برجله على يدي ((حول الكتف))
