,’


مسيتم بالخير ..

جيتكم اليوم بروايه من كتاباتي الخاصه << أخس يا رجاء الصانع

المهم أخليكم معهاا .. مع الأخذ بالإعتبار انها قصتن خياليتن بحته
ولا تمّت للواقع بصله ولا بثومه بعد


7



7



أنسدحت على حافة سريري في حالة من الدمار الشامل


جت امي وانا على غفلتن من نفسي ..



- هو!! وشفيتس تسذا؟


وراتس ما انسدحتي زين؟


قومي ضفي عمرتس لا يدخلتس براد..!



- يحوووووووول مااانيب ..



وين رجلتس بس أبيه




- وش تبين به الله لا يبيتس



- يحووووووول .. وش دخلتس عاد انتي


أبوي و أبيه بكلمة راس لازم يعني تعرفين


ياربي يا صبر ابوي عليتس



- اقول أها بس .. قومي صلحي لي فطيّر تراني ما كليت حبوبي


تسبدي عليها مرر



- طاايب << بدون نفس



قمت من سريري البرتقالي المخضّر ذا النقوش الورديه


المهم اني قمت .. وطلعت من غرفتي الكريستاليه



ومير ينطحني ابوي مع السيب ..



- قلت : هلاااااا وغلااااااا


<< مصلحه مهوب حبٍ له



- هلا بـ بنيتي الغاليه ..



( يا حبي له يموت فيني بس ما أعطيه وجه )


تعرفون شيبان هاليومين ما يصدقون على الله


<< ماتلاحظون اني فالتها مع الوالدين



المهم اني سلمت عليه .. وبارك لي بالنجووح


(( وش نجوحه؟ ))


أيه آسفه ما قلت لكم تراي نجحت


وتخرجت من معهد الرقص الشعبي


اختصاص هز كتوف ..



- قال ابووي : أيش تبغي يا حبيبتي يا شيري ..



هدية النجاح هادي السنه؟



<< ترا ابوي تقلب لكنته حجازيه اذا قام يدلعني




ظاهره عجزنا نحلها ونفسرها التفسير المنطقي



بس على كلام امي انها وراثه في العائله ..
هما جدي يوم انه صغير يعني يوم انه كبر ابوي
كان ينقلب لسانه أردني اذا جاء يدلع أبوي ..
عاد هذا اللي صار لأبوي .. الله مير يخليه لي ,,



عوده لي ولأبوي في السيب الأحمر



ابوي :هاه يا شيري أيش قولتي يا حبيبتي؟




انا : والله مدري يبه .. اللي تبيه انا موافقه عليه الراي رايك



<< يالخبله ذا جواب الخطبه مهوب هناااا غلط غلط امسحي الرد




ديلييييييييييييييييييت



أنا : ايه يبه ابي هديتن سنعه
تراني عاد متخرجه مهوب يعني زي كل أبو دايم تصفقني مية ريال
خمسين اشتري بها عشاء وخمسين اشحن بها جوالي ..
ما أمرح الليل الا وهي زد طارت كلهن


ابوي : يا كبدة ابوكي انتي .. لا تتضايقي يا قلبي ..

خلاص اطلبي .. تبغي خومسمايه ريال .. وإلا نروح لـ جده أم الرخاء والشده؟

انا : لالا يبه مالقيت الا جده المخيسه مابيهاا الله لا يبيها
انا ابي شي مدري وشلون قايل

ابوي : قولي .. ماراح ابخل عليكي

انا : ابغى .. بصراحه ..
أبغى أصير ايقونه

ابوي : طيب يا حبيبتي

<< والله الأبو الفلــه ..



بعد عشر دقايق ما لقيت نفسي الا ووانا كذا ..

وانااااا استانس واقعد أهز رقبه ..
و أدخل في عالم الأيقونات .. من أوسع ابوابه ..

أول ما دخلت المدينه .. (( مدينة الأياقين )) << هي كذا اسمها عاد وش اسوي بعمري انا
أستقبلتني ذي الحلوه

وقالت : هلا وغلا بمن لفانا
حياتس الله يالكرز ..

انا : هو! وش دراتس عن اسمي؟


هي : أفااا وهل يخفى القمر .. أصلا أبوتس داقن يقول استقبلوا بنتي الليله ..

انا : ايييييه ... يا حليلكم والله انكم اجواد تعرفون تستقبلون
هي : هو وش قالوا لتس؟ اكيد حنا مثلنا مثلكم ..بس حنا فينا صفار شوي

أنا : ايه طيب اخلصي ورينا الرئيس حقكم
هي : ؟؟؟؟؟؟؟؟؟؟؟؟؟ خبله انتي؟ رئيسنا ذا شدييد ما يطلع الا في الشديد القوي
انا : احلاااااا .. من يكون عااد ..؟ ايقونه لا راح ولا جاء !
أبك ناديه بس

الرئيس : نعم يا ست كرز وش تبين؟؟ لتس خمس دقايق
انا : يا هوووووووووووووه وراك أحمر عاد يا كافي؟
الرئيس : اقول اخلصي راحت دقيقه
انا : أبد والله بس حبيت أشوفك .. خلا ص رح
<< وجه قوي

الرئيس : يا جنوووووود .. أمسكوها وحطوها تتعفن بالسجن واذا لزم الأمر أعدموها مره وحده

أنا :
الرئيس : لا خلّتس تدرين

أنا : آآآآآآآسفه خلاص ماتعودها
الوزير : خلاص يا سيادة البيه المعظم .. خلها تذلف وش نبي بها
وبعدين ابوها مرسلها تستانس يومين وترجع
الرئيس : طيب طيب ..

وطلعت منهم وانا مو مصدقه ..
و في طلعتي لقيت في حديقة الرئيس واحد يصيح وانا اجي عنده

انا : هو وش بلاك ؟؟ وش فيك تجاغر؟ << قااطه
: أنا حزين
انا : عاد انا قايله انك سعيد .. خابرتك حزين بس وش بلاك؟
هو : من يوم ما تخرجت وانا مالقيت لي وظيفه .. كل المنتديات ما تبيني ..
يقولون وجهك يجيب الهم ..

انا : والله هم صادزين ..
وجهك يقطع الخلفه .. بس عادي ان شاء الله بتلقى وظيفه في منتدى يجيب الهم .. لا تهتم

<< يقال لها تواسي الحين

المهم اني طلعت من البيت الرئاسي ..
و رحت لـ مرقص

عاد عشان أثبت جدارتي .. و أوريهم كيف انا سنعه
دخلت المرقص اللي ما شاء الله يجهر من كثر اللمبات الحمر والصفر ..
والقاهم يغنون ..
(( غنوا لحبيبي وقدموا له التهاني ))

وأجي وأقط في الحلبه مدري المسرح .. وانا اجيب شووطي
وارقص .. بكل الحركات اللي تعلمتها في المعهد


عاد انبهروا فيني

وقال صاحب الدي جي
انتي لازم تتوظفين فيذا ..واللي تبينه يصير
انا : لا والله اسمح لي .. بصراحه انا ما اقدر والا ودي
لله مير يسلمك ويعافيك

انا قلتها والا ما قلتها الا يوم قاموا يجغروون




انا : لا حوول وش هالمرقص اللي يضيق الصدر ..

منيب فاضيتن اراضيهم اقول بس .. مع السلامه

وانا اطلع مع الباب .. وجغيرهم واصلني عند الشارع

قعدت ادرعم .. وين اروح الحين ..
مالقيت الا اني أنادي ابووي يرجعني انسان ..
دبلوا تسبدي هالأيقونات ..
مغير يجغرون .. فيهم عاطفه زايده عن اللزوم ..

دقيت على ابوي بيجر ..
لأن المدينه مافيها جوالات توهم مابعد تطوروا ..
و جاء عاد ابوي على شكل ايقونه بعد
و خذاني وطلعنا .. ورجعنا للبيت

,,,,


ما سنتفاد من القصه :

1- لازم ترضى بواقعك وخلقتك ولا تتمادى في امنياتك
2- بر الوالدين من أهم الحاجات للإنسان
3- لا تختار تخصصات بايخه في دراستك واختار تخصص يخدم ويستفاد منه
4- كل الايقونات عاطفيه بزياده



بقلـم .. ومحّاية ../ الكــرز


,’ .. ’,

وربي أنها فلتن فلة

يعني بس وين هذا من طرف القصة

<< كلهم يصيحون وذا أبوهم وراه ما دخل

الا والله أحسن واحد فيهم الرئيس

مسوي عصبي ونفخة لوووووووووووووووول

المهم ما اطول

يسلموا ع الفكرة الحلوة وإن شاء الله بتلقينها في كم منتدى << بينشرها

,’


ههههههههههههه
هلا برق النهااار

أجل احلاهم الريـس لا بلاااه الا يا شينه بغى يذبحني يامال السلال

يسلمك و يعافيك برقوق ..

,’

هههههههههههههههههههههههههههههههههههههههههههه

مررررره رهيبه والله لك مستقبل بالتالييف<<ميته ضحك..


يسلمووو كروزه ع الموضوع الرائع مانننجرم منك

اختك القلب المجروح..

,’


يسلمتس و يعاافيتس يالقلب المجرووح

خليتس دايم فيذيا ..

يا لبيتس ^_^

,’

خخخخخخخخخخخخخخخ

يالله منذو مبطي لم ارى ذا موضوع فيذا القسم

ويه ويه يه ابد ماعندتس وقتـ على طول طنقرتي ^_^

إقتباس:

( يا حبي له يموت فيني بس ما أعطيه وجه )

إيه يالقويه اموط أنا

إقتباس:

- قال ابووي : أيش تبغي يا حبيبتي يا شيري ..

هو ياكافي وراهـ ابوتس قلبـ فؤاد << دخلتـ جو

إقتباس:

تراني عاد متخرجه مهوب يعني زي كل أبو دايم تصفقني مية ريال خمسين اشتري بها عشاء وخمسين اشحن بها جوالي ..

خخخخخخخ وقسمن قسمن انتس صادزهـ بذي

إقتباس:

انا : أبد والله بس حبيت أشوفك .. خلا ص رح

خخخخخخ تصدقينـ زينـ ماسوى فيتس << بتتكفخ

إقتباس:

بس عادي ان شاء الله بتلقى وظيفه في منتدى يجيب الهم .. لا تهتم

سعال الحينـ انتي تواسينه واللا تزيدينـ همه ..

إقتباس:

بقلـم .. ومحّاية ../ الكــرز

الله مير يسلمتس اني وقلمتس وحايتتس ^_^

والله انـ هالقووصه طخيرتن مثلتس ..