,’ .. ’,

(( قصـه من بنيّات أفكاري .. / بطولة
الكـرز , الحولا , سكون , ملاذ القلب ))

في القصـه أنا خالة حوحو ^_^



7


7



ذاك اليوم وانا جالسه مرررووحه في قلعة وادرين ..
ما دريت الا الحولا طابتن علي ومخربه خلوتي الشرعيه

حوحو : خااااااااااااااااااله
الكرز : ياااااااا وجع
حوحو : ياربيييييييييه متى بأعرس .. زهقت ..
أبي اركب قدام مع رجلي ونروح نسير على اهله خميس وجمعه
الكرز : اقول ليتس والله تاخذين ذيك المخده
وتنجعفين عليها وتاكلين تراب
حوحو : ياربييييييه وانتي دايم تحطميني
الكرز : وش تبين اقولتس؟ حنا الحين في حال عرس انتي ووجهتس ..
اللي تسنه مسطرة بدون ترقيم
اقول تلايطي واذلفي عن وجهي انا ابي أكون في عزلة من نفسي
حوحو : يا بغضي لتس بغضااااااه

و طراااااااخ بالباب .. عشان تحرق دم الكرز
اللي مير ما جابت خبرها .. و هي جالسه تفكر و تفكر
و تفكر .. << -- خلاص درينا انها تفكر بقوه

(( ياويلوو ياويلوو .. واللي تحدااه ..))

رن جوال الكرز على هالنغمه .. المتصدعه ..
مسكت جوالها .. و شافت الرقم .. ( شوشتي سر عذوبتي )
الكرز : والليل وش تبي ذي الحين
ألووووووووووووووه
ملاذ القلب : مساؤ الخيروو
الكرز : هاه وش تبين
ملوّذه: ابد بس حبيت أقط السلام
الكرز : ايوه
ملوّذه : ياختي وش بلاتس الخلفيه عندتس مهوب صافيه
الكرز : وش دخللتس يعني عشاني صديقتس
لازم تعرفين كل شي عني هذي والله النشبه
ملوّذه: طيب طيب .. بالهواده علي
الكرز : ياختي تبين تقولين شي والا خليني اصك الهاتف
ملوّذه: ايه ابي اعزمتس انتي و حوحو على عرس
الكرز : مانيب جايه
ملوّذه: يحوووووووول تكفيييين
الكرز : طيب بشوف بشاور عمري
ملوّذه : ان شاء الله عمرتس توافق خخخخخخ
الكرز طراخ قفلتها بوجهها
<< -- ماعندها وقت ابد

اليوم الثاني :


الكرز : حوووووووووووووووح
حووح وهي طالعه من المطبخ ترشح من عقب غسيل المواعين
: لبيه
الكرز : ترانا معزومين في عرس النهاردئه
حوحو : يااااااااا سلااااام اخيرا بيشوفني احد ويخطبووني
الكرز : يا دين العباد .. اقول تزهبي بس ترا الساعه ثمان وانا ماشيه
حوحو : طيب طيب


الساعه ثمان طلعت حوح وهي كاشخه



أما الكرز لبست بنجابي خخخخخخخ




طلعوا في الشارع و خذوا ليموزين
و مشوا لم القصر بعد ما مروا ملاذ
و خذوها معهم .. عشان تدلهم ع القصر

الكرز : كم المشوار يا صديق
صديق : سبئه تلاتين ماما
الكرز : تعقب وتخسى يا أبو ...
صديق : نهي نهي ماما ..مافي فلوز مافي ودّي
الكرز : جعل الوهم يفصم رقبتك يهالهندي المخنز
حوح : خااله لا تهاوشينه اخاف يبخ علينا شي
الكرز : ابك اعقبي انتي بعد
حوح : طيب
الكرز : اقول هيه صديق .. مافيه الا عشرة تريل تبيها والا اقضب الباب
صديق : نهي نهي ماما .. انتا في يقضب باب

الكرز قامت من مكانها في حركه خطاافيه ولا جيمس بوند
و هي تمسك شوشة الهندي المسكين
و منه ومنهاااااا .. و منه ومنهااااااااا الا يوم تشقلبت السياره
طن طن طرربخ كرخ سسسسسسسسسس
<< -- صوت السياره وهي تدربى في الوادي
وتستقر في تسبده ..

..

بعد ساعه من المأساة ..
و بالقرب من السيارة المنكوبه ..

طلع رويس وحدتن من البنات ..
شوي الا يوم طلعت من السياره بصعوبتن متهوله ..

و تقعد تصاايح .. : ياويلي ويلاااااه .. خاااله وينتتتتتس
و تدخل في السياره مره ثانيه : خااااااااااله .. لا تمووتين
و تقوم تسحبها لين طلعت ..
و تسوي لها تنفس صناعي << -- مهيب سهله حوح

الا يوم قام لها كحيح الكرز ..
قامت حوحو تضمها وتبتسي ..
الكرز : ابتس وخري عني كتمتيني
حوح وهي تشاهق وتنشق : طيب طيب
بروح أطلّع ملاذ ..
قامت الكرز تشوف الهندي .. يوم ذا الاه جالس يدخن
أعقب يهالهندي المخنز تحسبين انه انقذنا ..
مغير يشفط شفطوك في دزليب ماله قاع ان شاء الله

حوح : خاله لا تدعين ياربي خلاص ..
خن نرقى فوق .. يلله

الكرز : مير مافيني حيل ارقى .. والسياره انعدمت
وذا الهندي زامر علينا ..

حوح : خاله .. ملاذ شوفوا
التفت الكرز لمّ الجهه اللي تأشر عليها حوح
والاهي عجيّز تمشي مع عصاها .. و وراها غنم ..

الكرز : بسم الله الرحمن الرحيم .. اكفينا الشر ياربي
حوح : يا حليلها بروح أسلم عليها
الكرز : يااا وجع .. ليّها واحد متجنس عليها بسم الله الرحمن الرحيم
حوح طقتها الغلقه : يمااااااااه

جتهم العجيز .. و تناااااااااظر
العجيز ( سكون ) : أبك وش ذا القوم؟
الكرز : هلا يا خاله
العجيز : تخلخلت عظام العدو بلا .. من انتي يا هالمملطخه
الكرز : حنا رايحين لعرس بس صار علينا حادث و طحنا في هالوادي
الكرز تكمل سالفتها والعجيز تلمّس ثوب حوحو ..
: ابك وش ذا البلا اللي انتي لابسته
ياا دافع البلااا .. ابك ما تعطيني اياه أحطه سقى ..
حوحو عييناتها تلاقط .. خاايفه ومرقطه ماتقوى تقول شي و تناظر الكرز
الكرز : يا خاله .. حنا نبي نروح اسمحي لنا
سكون : وييييييييش .. ما أوحيتس
الكرز بصوت عالي : حناااااا بنروووووح مع السلامه
سكون : وجع يوجعتس بلا ..
وراتس تهوشين يقطعتس انتي و هاللطوخ في وجهتس وش انتي شاربه ..

الكرز : ما شربت شي .. ذا مكياج لاحول ولا قوة
سكون : ويييييييش .. ما أوحيتس
الكرز : والله الليــــــــل

جاء كومار ..



و قاطعهم بسؤال غبي : ماما وين هادا همّام؟
الكرز : شايفني في قصر الحين .. أندري وين حنا فيـه عشان تسأل
كومار : مسكل كبير ماما .. أنا فيه يبقى همّام مرة وازد
الكرز : أصبر طيب يا جعلك تدخل فيه ولا عاد تطلع
أقول يا خاله ..
سكون : هااه
الكرز : و ين بيتكم فيـه .. الله يعافيتس
سكون : وش تبيـن به الله لا يبيتس ..
الكرز : ابد .. نبي نسير عليتس
سكون : بس تعطيني هالبنت الطخما اللي معتس لولدي فالح
الكرز : أيه ايه ابشري .. << -- تبي الفكه
حوح : وااااااو وناااااااااااسه بأعرررس
لخصتها سكون بنظره .. و هي تحلطم : يا والله اللي ماعاد به حيا

و راحو للبيت ..
أم فالح ..و الكرز و حوحو و ملاذ والهندي كومار

يوم اقبلوا على الديار .. و هن ينفجعن
خياام ..!!



حوحو : يووه وناااسه
الكرز : وش وناسته بعد انتي الثانيه
سكون : يا كثر بربرتكن يهالبني .. ادخلن مع الرواق
الكرز : طيب طيب .. كوماااااااار رح مناك و سو اللي تبي .. مافيه حمامات
كومار : ايس هادا في كلام ماما .. ايس سوي ما سوي .. نهي نهي
الكرز : اجل اعقب .. وش اسوي بك
كومار راح وهو يتحلطم

حوحو : ياسلااااام بيوتهم حلوة مررررررره
الكرز : اللهم هون علي مصيبتي
حوحو : خااله .. صدق صدق بتخليني اعرس؟
الكرز : يااااااااااااا جعل اللي بتاخذينه يجلّع بتس للهند .. هماي بس افتك منتس
حوحو تضحك مستانسه ..

في هاللحظه سمعوا صوت رجال ينادي

يمــــــه .. يمـــــــــه

سكون : لبيــه يا بعد تسبدي
فالح : مسيتس بالخير يمه شلونتس
سكون : طيبه يا وليدي .. خن اجيب لك العشاء
فالح : لا يمه متعشي بروح اخمد ..

و راح يمشي يم الرواق ..

سكون : ابك ابك .. الحريم فيه
و هو مير ما سمعها .. الا يوم دخل و جهه في وجه حوحو

حوحو انفجعت وطقتها ام الركب
و هو نفس الشي ..

و تلاقت النظرات البريئه المستديمه في بحور العشق
<< -- اخلصي بس

الكرز : وججججججججع بلا ماتشوووف!
فالح : وش وش .. وش ذولا
سكون : ابك اطلللللللللللللللع

و هي تسحبه

يوم جوو في صدر البيت
فالح : يمه من ذولي؟؟
سكون قامت تقص عليه القصه
فالح : اييه .. بس والله ان البنت طخما يمه
سكون : ابشر بأخطبها لك ..
فالح استحى عاد


ساعات الفجر الأولى ..

حوحو مجيمه الى هالحين ..
والكرز تفكر بوضعهم وتحاول تلقط ارسال للجوال
حووح .. حووووووووح
حوحو : هلاااااااااا خااااااااااااااالتي يالبيــــــه
الكرز : وضربه بلااااااا اااااساعه اناادي ما تسمعين
حوحو : هاه .. ايه اسمع
الكرز : وشفيتس مجيمه
حوحو: يا زينه زيناااااااااااااه
الكرز : منهو؟
حوحو : فالح يا لبيـه
الكرز : حمدالله والشكر يالله انك تخلف بس

دخلت عليهم سكون ( أم فالح ) فـ هاللحظه
تبن فطور أمشن فيذا عندي .. وإذا ما تبن أبركها من ساعه

الكرز : ابشري يا خاله بنجي
حوحو وهي متشققه : ان شااء الله يا قلبي انتي يا خالتي بجي أعاونتس



و على الفطور .. سوالف و اسئله وااجد
تخللها الخطبه بشكل مباشر ..
وبعض من اللزخ والمعاير ..

الكرز : عاد كم تدفعون مهرها ؟
سكون : يسدها 500 ؟
الكرز :500 الف ؟ لا واااجد والله لوها بيت في شمال الرياض
سكون :تعقبين انتي وياها جاياتني مملطخات ويبن 500 الف بعد
الكرز : أجل وش تقصدين بـ 500 ؟
سكون :500 ريال وش تبين غيرها ..؟
أجل وليدي بنك الأهلي << -- ادعس عليها تعرف البنوك
الكرز : ياسلاااااااااااااااااااااااااااام من زينكم
ياهالشهبان شافونا ضايعات استرخصونا اعقبووو لابوووكم ياذوولا
حوحو تهمس في اذن خالتها : خاله تكفين لاتهاوشين همن تهوون مشي السالفه
لو يعطوني خمست اريل مشقوقه رااااااااااااااضيه
الكرز رحمت حوحو والتفتت على سكون وقامت تمجمج العلم
: اقوول ياخاله 500 زينه بس اهم شي يسكنها في خيمه بعيدتن عنتس ..والله يوفقهم
سكون تلخصها بنص عين وهي تلوي وجهها
:
اييه التوفيدز من الله ..

و حوحو شوي وتقوم ترقص من الوناسه



/


على الظهر جاء فالح طااااير يبي يعرف وش صار

: يمه يمه .. وش قالت الطخما عساني بس معجبها
عسى ما عيت
أني والله داري انها بتعيي .. يا فالي شيـن ينااه

سكون : هو هو وش بلاك ارفق على عمرك يا وليدي
فالح : يالله يمه قولي الله يطول بعمرتس
تراني من اليوم عند الغنـم و قلبي فيذا
سكون : يالبيه يا وليدي أثر الحب ماصعن قلبك أبك أبشرك الورعه
موافقه و شكلها ميتة عليك
فالح من الفرحه قام و حب راس امه ويدها و الدمعه في عينه
هاه يمه اروح اجيب الشيخ ناصر يملكّنا
سكون : ابك اهكب شوي .. بكره ان شاء الله لامن جو عمانك
يصير خير
فالح : طيب طيب يا بعد عمري انتي يمه
<< -- انخبل الولد

..

عقب ما طلعت سكون من عند الكرز و حوحو
قامت حوحو تفرفر في الرواق ..
ما تقضبها الأرض .. رايحه جايه تخفّج من دون فتسر ..
الكرز : ابك أهكبي .. والله من الشفاحه ..
لو انتس معرستن على جوني ديب وش بتسوين
حوحو : ياربيـه اهم شي أبعررس ..
و اعيش مع رجلي واستانس ..
الكرز : بشري امتس عاد ..
أقول بس شلون نجهزتس للعرس ومامعنا دراهم؟
حوحو : مهووب لازم .. ناخذ من خالتي أم فالح
الكرز : عز الله راحت وطي هالبنت ..
اقول بروح ادور هالمارج كومار جعل ما به كومار
ملاذ : انا شفته راح مع فالح يشترون أغراض من المدينه
الكرز : والليـل .. ليتني داريه تسان رحنا معهم وافتكينا
ملاذ : ولا يهمتس انا دقيت على أخوي وبيجي السبت الجاي
الكرز : زين سويتي

..

بعد يومين من التحضير للعرس و عزيمة العربان كلهم ..
تحدد العرس بيوم الخميس ..
و تكشخت حوحو و لبست جلابية سوداء مزركشه
من خياطة خالتها أم فالح .. وخذنا له صورة بالبرقع



و تجهزوا البنات الكرز و ملاذ .. و بنات القبيله زعلااات
ولا رقصن ولاتحركن

و هذي بنت عمه .. حصه صورناها وهي غافله



عشان فالح هو المعشوق و الحبيب لهن كلهن
<< -- وش هالقبيله اللي مافيها شباب



نقل حي مباشر من صالة الأفراح




و صورة للمعرس و عمـه





أعرسوا العرب .. و رقصوا و تردحوا و ترنحوا ..
و كلن راح لبيته .. و راحت حوحو مع رجلها فالح ..

و الكرز قامت تهشـم / تصيح لاول مره في حياتها
ملاذ : يحوول .. وشفيتس انتي ..؟
الكرز : موب قادره أودعها .. يا ربي يا شين الفراق أثر
ملاذ : الله يهديتس بس .. هماتس تقولين متى تعرس و نفتك
الكرز : عاد انتي تصدقين كل شي اقوله ..؟ ذي حوحوو مربيتها على يديني
من يوم جت وهي عندي .. انا أمها و خالتها و ابوها و كل شي ..

و تقعد تجغررر

ملاذ : أدعي لها يا بنت الحلال .. الله يوفقها ..
و يرزقها الخير

الكرز من بين شهاقها : آمين آميـن


و يوم السبت .. جاء اخو ملاذ .. و راحوا معه الكرز و ملاذ

و كومار
عيـّـا يروح جاز له الوضع عند الغنم ..



و عاشوا في تبات ونبات .. و رجعت الكرز و ملاذ للرياض مع هالطريق
الغير معبد << -- تكفيــن





و بعد عاام من الزواج الحافل ..
جت حوحو لخالتها في زياره رهيبه




ماشاء الله عليها سمنت
ههههههههههههههههههههههههه

و بس .. خولصت الحدوتـه



/



ما سنتفااد من القووصه :


1- عدم خروج الفتيات العفيفات من دون أهاليهن
2- لا تركبوون مع سواقن مطفووق ..
3- إن الخـاله أم << -- وش ذا
4- إذا جاكم من ترضون دينه بزوجوّه ..





و أتمنى انكن استمتعتووا بالقووصه

والزعل مرفوع ..


,’ .. ’,

ايــوهـ كملي
ياليت صدق ياخالتي
<<مازالت مصدقه القصه

هههههههههههههههههههههههههههههه
وربي كأنك درايه عني امس اقول لمي ابي اعرس لووول وربي
ياحلووو فستاني والله بس لو انه مفتوح لووول والله اني مستحي وانا مرت فالح هههههه

إقتباس:

الكرز قامت من مكانها في حركه خطاافيه ولا جيمس بوند و هي تمسك شوشة الهندي المسكين و منه ومنهاااااا .. و منه ومنهااااااااا الا يوم تشقلبت السياره

هههههههههههههههههههههههههههههههههه
هههههههههههههههههههههههههههههههههههههه
ماادري وش اقوووووول غييييير اموت علييييييك ياشييييخه

إقتباس:

و تقعد تصاايح .. : ياويلي ويلاااااه .. خاااله وينتتتتتس و تدخل في السياره مره ثانيه : خااااااااااله .. لا تمووتين

ياحبيلي بس والله بس المفروض افرح علشان اتزوج لوول

إقتباس:

سكون : بس تعطيني هالبنت الطخما اللي معتس لولدي فالح الكرز : أيه ايه ابشري .. << -- تبي الفكه حوح : وااااااو وناااااااااااسه بأعرررس

يالييييته صدق خخخخخخ

إقتباس:

حوحو : خااله .. صدق صدق بتخليني اعرس؟ الكرز : يااااااااااااا جعل اللي بتاخذينه يجلّع بتس للهند .. هماي بس افتك منتس

الله ينتقم من الظالم ياعمري يا انا مصدقت اني بعرس

إقتباس:

و هو مير ما سمعها .. الا يوم دخل و جهه في وجه حوحو

وهــ


يامــلح انــا وام رجــلي

إقتباس:

حوحو تهمس في اذن خالتها : خاله تكفين لاتهاوشين همن تهوون مشي السالفه لو يعطوني خمست اريل مشقوقه رااااااااااااااضيه

ياقلبي ياانا مره رحمتني

إقتباس:

الكرز : ابك أهكبي .. والله من الشفاحه .. لو انتس معرستن على جوني ديب وش بتسوين

ياختي وش جاب جوني ديب لفلوحي حقي مقي جعلي اشوفه في القريب العاجل



وهـ ياقلبي علييييه والله ياهو اطخم بعد
غطا على حق ملاذي ذاك مدري وش اسمه خخ

وهـ عليك ياشيخ
وربي علييك اسلوب خطييييير مره مره
ميييييييير والله اشوا انك خالتي مو ام رجالي في القصه ولا كان انا وانتي شيل وحط على فلوحي

لي رجعه لـ تفصفص الماضوع

<- وجه نشبه

,’



بإنتزار تفصفصك

ههههههههههههههه

حياك توتي





,’

ههههههههههههههههههههههههههه
ههههههههههههههههههههههههههه
هههههههههههههههههههههههههههه

والله انك فله يالكررررز انبسط على مواضيعك وردودك وربي لك مستقبل بالتأليف

ياملحتس بس