توقعت البكى: دمع ٍ يغطـي عورتـه منديـل
وأثاري لمسة المنديل تنقص من علو شانـه
تأملت المسار اللي بدت فيه الدمـوع تسيـل
إلين إن زلزلت حصن الجفن من ركل بيبانـه
دريت إن الحزن قام يتنكر فـي عبـاة الليـل
على هيئة عجوز ٍ من بنات الفكر .. غيرانـه
تريد من الحشى : بيت المواجع والقهر والويل
ولاتملك سوى ترديد جملة (( راحت فلانة ))
يقولون السماء لغز النهار وسـره المكنـون !
وأنا أقول السماء ثوب النهار ولبسـه الدافـي
غيومه كنها قطعة قطن تمسح جـروح الكـون
إلى من سال مع دم الشفق دم أكثـر أطرافـي
وأنا ماسك جسد كنه شجر صبار وأرجي عون !
وترفات الورق تضحك علـي لا مـرت خفافـي
جسد بنت ٍ نوت درب الرحيل وغمضت العيون ..
عشان إن طاح دمعي ما تشوف شكثر أنا وافي !
مطار .............................,
وناس تحجز للمفارق .. عمد !
( شمس ) .. ضمي يديّ .. أبغى دفى يديك !
زاد .. بـرد الغيـاب اللـي بـصـدري ..
وأنا .. عبد ٍ ضعيف إحتاج يبكي .. كثر
هواجيـس الغيـاب لصاحـب ٍ غالـي !
ولا اجمل من حنين القلب .. غير الصبـر
يعيشنـي " أمـل " لـو مـا تهيـالـي
برد صدري وأنا " أشهق " من لقاك و " أزفر " بفرقاك
ترى ما أقسى من غياب الحبايـب .. غيـر أوهامـي
نبت بأرض السنين المجدبة حبك .. وصـرت أهـواك
رضيـت أعيـش بآجمـل ذكرياتـك باقـي أيـامـي
حبيبي لو لقيت اللي تبـي مـن هالحيـاة .. هنـاك
أنـا باقـي ( هنـا ) ليـن الليالـي تزهـق آلامـي
على بابك وقفت أمـس أبتسـم لـك كنـي أترجـاك
تعيـد اللـي سرقتـه مـن هنـاي إن كنـت قدامـي
فمـان الله .. رح فـج الغيـاب ولــوح بيمـنـاك
أبرسـم صورتـك فـي داخلـي وأحييـك بإلهامـي
جمعنا ماضي الحـب الحقيقـي يـا عسـاي أفـداك
أبيـك تطمـن رمـوش السهـر وتقـولـه نـامـي
فزع بعض القصيـد بهاجسـي مـن هـزت الشبـاك
كتبت آخـر تفاصيـل اللقـا .. وإنقطعـت أحلامـي
ما على عقلي سلاسل ولا قلبـي قيـود !
وماني منزه على الناس بالصح والخطا ..
حظي اللي حط رجلي على خط الحـدود
لين نامت ذكريات بـلا ستـر وغطـا !
لو بيدين العاشق الراحل لغيرك .. يعود !
كان بان الصدق بعيونه وبـان العطـا ..
وط صوتك حبيبـي .. السمـاء تسمعـك !
ليه تفضـح زعلنـا البارحـة لـالمطـر .
ماتخاف إن لمحك تصيح .. جـاء يتبعـك
وتغرق هالمدينـة .. مـن سبايـب قهـر
صب كـل الحكـي بإذنـي ترانـي معـك
وإن سكرت .. إعرف إن عيني تحسبك خمر
يا رب إمتلى جوفي ذنوب وثقل ممشاي !
وأنا الخايف اللي يرجي العفو والتوبـة
تاقف على رمل البعاد ..
وحـولـك أحبـابـك !
عينك على كل الفضاء ..
وعينـي علـى بابـك
لا تخيلت بكره .. وش يبي يصير !!
قلت : ربي .. عسى يعطيه خيـره
جاء لقلبي .. وهو شيخ الغناديـر ..
وغاب عني .. وهو عيني البصيرة ..
ما يزيد الحمول .. إلا المشاويـر
يا عسى سكـة الغالـي قصيـرة !
ضاق صدري عليه بحزة عصيـر
قلت يا الله عسـى بالأمـر خيـرة
~ واليوم انا والفراق و .. " ليلة الجمعه " , 
