هلا بك خيوو النوخذه ..
1ِِ-يقولون اعذب الشعر اكذبه .. هل انتي مع او ضد هالمقوله؟ بينما دانه تقول " أعذب الشعر أصدقه " ..
دائماً مايشد أنتباهي في أي نص أدبي .. سواء كان شعراً أم نثراً ..
هو الصدق .. " وليس بـ الضروره هُنا ان يكون الصدق .. صدق الأحداث ..
أو الموقف الذي كُتب فيه النص "انما صدق الإحساس ..
هذا الإحساس الذي يخرج من روح الكاتب .. إلى روح المتلقي .. !
2- موقف صارلك .. كان ودك الأرض تبتلعك وقتها ؟؟ أممممم كثير والله .. بس ناخذ اخر المواقف ..
هذا ياطويلين العمر والسلامه << تحكي قصه مهوب موقف ..
المهم خالتي جايه لمنا من القصيم .. وخالتي ذي من النوع الي جياته خطافيه ..
مسويه فيها يعني بزنس ويمن ومهيب فاضيه ..
المهم جت الشغاله وقالت لي انو خالتي موجوده .. وقلت في نفسي خليني الحق عليها قبل ماتروح .. رحت لم الصاله مالقيتها رحت لم مجلس الحريم برضو مالقيتها ..
قلت يمكن بمجلس الرجال مع انو امي مهوب عادتها تستقبل بمجلس الرجال غريبه ..
المهم وأدخل وانا في كامل ثقتي وقاعده الوح وبيديني وأقول " اشوف الرياض منوره اليوم "
ياهلا ياهلا .. ماشاء الله أنتي خالتي فلانه " الأسم مشفر "
تصدقين ماعرفتك صايره بنت ام 15 الله يسلمك ..
أمي منصدمه .. وبرضو خالتي منصدمه وقاعده تبتسم في ذهول ..
وقاعده أقول في نفسي قايله شي غلط أنا ياسمح الله ..
يعني بالعاده خالتي تمزح وصدرها وسيع ومهيب تخالف ابد ..
وناظر للجهه الثانيه واقول غريبه نويدر اليوم ماعلق ولا قال شي ..
الا اناظر بالولد واحد يشابه نويدر بس مهوب هو ..نفس الهيئه نفس الشخصيه ..
بس الولد وجه أحمر ومستحي وعيونه بالأرض ..
قسم عشر دقايق يمكن مو مستوعبه الوضع .. تمنيت بجد الارض تنشق وتبلعني ..
وطيران بعدها لداخل بس وش عقبه
.. وقاعده أقول لعمري تستاهلين يالمطفوقه
سؤال لـ الأعضاء الي مركزين مع القصه << صارت قصه ..
كم مره ورد ذكر كلمه " المهم " في هذا المقطع ؟؟
3- ثالثاً وش هو شعورك اذا شفتيني راد عليك خاصه بهالموضوع ؟؟ هههههههه الا قل وش شعور الكيبورد تراه يئن من كثرة أسئلتك ..
<< خصوصاً اني معطيتن كيبوردي أجازه ومريحته على الآخر ...
بس أنت فاجئته الله يصلحك ..
 | إقتباس: |  | | | | | | | | | | <<< تحسين مافيه تسلسل بالاسئله خخخخ | |  | |  | |
ايه من كل بحر قطره
4
- لو قلت لك وجهي كلمة للاعضاء
ايش الكلمه اللي راح توجهينها لهم ؟ حسيت اني مديرة مدرسه ..
" دعوت الرب .. أن لا تكون خربشاتي سبباً لـ أرقكم ..
ولا دانة الرياض دافعاً لـ حيرتكم .. فـ عساه كان " .. !
| | إقتباس: | | | | | | | | | | | يالله وبكذا انا اكتفي يا دانووه وصدقيني ماراح اسألك
بس وش رايك هالمره اقل صح | | | | | | |
ايه صح ..
<< الكيبورد يقول الله يجزاك خير ويكثر من أمثالك
خيوو النوخذه .. هلا بك مره ثانيه ..
وعادي والله خذ راحتك ..
هذا من باب المزح لا أكثر
شاكره لك هذا التواجد الممتع
كُن بخير
النمط الخطي
