قصه ( شامله لاعضاء همس الخليج ) .. حصريـــاا ً !!

^ اماراتيه كشخه ^ · 8-24-1440هـ, 07:09 مساء

السلام عليكم ..

هلا والله بالاعضاااء .. ^_^

هذي قصه كتبناها انا وعبودي >> صندليقي الصندلوق

فـ .. عاد اذا عيبتكم بنكمل .. واذا ماعيبتكم .. بعد بنكمل

يلااا انخليكم ويا الفصل الاول

..

غريب امركـ تنادي على قمورهـ : يله يا قموره بسرعه نبي نروح للسوق تاخرنا .

قمورهـ : سوق ..؟ اي سوق ..؟ هالمكان اخر مره رحت له .. قبل العيد

غريب آمرك : ليش انتي محد قال لك ان اليوم بنروح السوق !

قموره : هههههههههههاي ضحكتيني من اللي بيودينا اصلن ؟

غريب امرك : النوخذه امس قال انه بيودينا عشان نشتري الاغراض اللي صار لنا سنه محتاجينها >>> مايسوى عليكم خخخ

قموره : النوخذه عليه اختبار نحو بكرة موب فاضي لنا .

غريب امرك : اجل مالنا الا عبــــودي انسان عاطل باطل ما عنده لاشغل ولا مشغله نقوله عشان يودينا للسوق وش رايك ؟

(عبودي) ..جيت انا طبعاً عقب ما سطرت 5 لاني كنت معصب ونمت العصر ولا قدرت العب في سوق الاسهم

قمت ووديتهم للسوق ولما رجعنا دخلنا ولقينا اماراتيه تدرس النوخذه وانواع الاغلاط على اماراتيه لدرجه ان النوخذه يصحح لاماراتيه

النوخذه : ااااااااااف يا كشخوهـ .. انتي تبين ترسبيني ف الامتحان بكرا !

اماراتيه : اصلا انته تحمد ربك اني يالسه مفضيه عمري من النت والمنتدى عشان اجابلك وادرسك

النوخذه : لا والله .. يعني بتذليني على هالغلطتين اللي صلحتلك اياهم !

اماراتيه بحياا : هـا ! اصلا منو قالك ان اللي درستك اياهم غلط ..! بالعكس انا قارتنهم من المنتدى

النوخذه : عز الله فلحنـا دامه من المنتدى .. اكيد عبودي ماغيرهـ صاحب الموضوع

في هذه اللحظه دخل جريح الوقت وقام النوخذه على طول طبعاً عرف ان اماراتيه ما عندها ما عند جدته

النوخذه : جابك الله يا جريح تكفى ابيك تدرسني نحو ياخي حروف الجر عجزت افهمها

اماراتيه : الله على اليووووور .. !! انا الحين من الصبح اشرح لكـ .. صدق مافيك خير ياخي ..انا احسن لي اسير المطبخ

النوخذه : انا مافيني خير يالدبـاا .. ماعليه .. ان ماحصلتي بااااند لمدهـ دقيقتين
>> وايد عليك خخخخخ

جريح : خلاص مو مشكله يله جب كتابك وتعال

ولما شرح جريح للنوخذه ..

قال النوخذه : تصدق ان الدرس سهل وانا واماراتيه ماندري اثره ما عندنا سالفه ؟

اماراتيه من المطبخ : سمعتــك يادوووووب !

النوخذهـ : صدقيني راح اسوي لك بااند لمدهـ 4 دقائق ..>>> مذله ياخي

جريح :يارجال خلك اعقل منهاا .. طيب وش اريك اعطيك سؤال بسيط عشان اشوف انت فاهم ولا لا؟

النوخذه : جزاك الله خير <<<< مسوي مطوع عشان رمضان بس ترا

وكان السؤال اللي كتبه جريح على النحو التالي :

اختر الاجابه الصحيحه /

1/ خالي من الدسم
2/ خالي في الدسم
3/ خالي على الدسم

وكانت اجابته على النحو التالي :

لاتوجد اجابه صحيحه لان خالي عندنا في البيت يتغدى جريش وبعدين خالي مو من الدسم خالي من السدير

اول ما قرا جريح الوقت الاجابه سكر الكتاب ونادى النوخذه وكفخه تكفيخ غير طبيعي

ودرا ان النوخذه ما يدري وين الله حاطه

هذا الجزء الاول ..

وفي المطبخ

سكون : بسرعه يا الحولا قطعي الطماط علعوووول عازم اعضاء المنتدى اللي جنبنا

الحولا : اقول انقلعي فيذاك الله يرحم والدينك ما تشوفيني قاعده اعاون عبودي عشان نلعب بالسوق شوي ؟

سكون : الحين انا خويتك اللي تحبك وتساعدك تقوليلي هالكلام .. وعبودي لو تقطعينه حتت حتت ماتطلع منه كلمه عدله ؟! >>

الحولا : اووفــ .. بداا الفلم الهندي .. زين زين .. بساعدك .. بس بقطع الطمااط .. لاتطلبين شي ثاني !

سكون : حبيبتي والله .. >> دايما سلاح الدموع ينفع ويا اهل البيت هع

ودخل سلطان بن عبد العزيز عليهم وقال

سلطان : وين باقي الاعضاء ؟

سكون : سلم بالاول !

سلطان (بدون نفس ) السلااام عليكم

سكون : وعليكم السلام والرحمه >> على نياتها حليلهـاا !

سلطان : ارتحتي ..! يلاا جاويبيني بسرعه ..

سكون : اجاوب على وشو ..!!

سلطان : السؤال اللي سألته قبل لااسلم !

سكون : اممممممممم .. مااذكر انك سألت !

سلطاان ونفسه وصلت خشمه : انقلعي من قداامي لاارتكب فيك جريمه بالسكين اللي فيدك !

سكون : زين زين

الحولا وهي تضحك .. شف نجــــد وبيسان وهموسه وغريب امرك قاعدين يلعبون بلوت ( جنجفه )
وهذي اللعبه 70 ولا بعد طفشوا

قال سلطان : شكل هذولي ناس ما عندهم لا شغل ولا مشغله شكلي بروح انادي عبـــودي عشان يجي ويسطرهم

وناداني سلطان واول ما دخلنا عليهم في الغرفه الا ونسمع نجد تقول

نجـــد : 400 يردفها سرا

انا وسلطان تحمسنا وقعدنا نشوف اللعب

طبعاً هموسه ما تعرف اللعبه وانواع التكويش

وفي الجهه المقابله اسمع عشوووق

عشووووق: بلنتي يا حكم

شقاوي : اقول العب الحكم ما قال شي وبعدي على الكورة .

عشوووق: انا اوريك الحين اذا ما دخلت ( خواكين ) لاخليه يهبل فيك يطلع فيك الشيب مثل ما طلع في عبودي

وكانوا يلعبون سوني ( دوري ياباني )

دخل علينا النوخذه في الغرفه وقال انا زعلان شوي ( عقب ما تسطر ) بطلع اغير جو انتم ناس قاسيه قلوبكم <<< الرجال متأثر من ام بي سي

النوخذه : في احد بيجي معي ؟

اللي قال بسلامتك واللي قال ودي بس معزوم في منتدى جديد وبروح اجيب لهم نزاله

ولما جن الليل <<< متعوب عليها جن

المهم جو اخويا علعوووول وتعشوا عنده في المجلس

هع ها يالاعضاااء .. شرايكم

لنا عوده بالفصل الثاني

*عـ$ــازف جيــتــ$ــار* · 8-24-1440هـ, 08:07 مساء

إقتباس


	لاتوجد اجابه صحيحه لان خالي عندنا في البيت يتغدى جريش وبعدين خالي مو من الدسم خالي من السدير

هههههههههههههههههههههههههههههههههههههههههههههههههه هههههههههههههههه النوخذهـ يمشي بقوطي صلصه مهوب راس ع هالاجابه خخخخخخ << باند 15 دقيقه ههههه

بس مو حلوهـ القصه

ولا عجبتني ابد ... وانت ياعبدالله شغلك في البيت ... اما اماراتيه كشخه

زعيل << ماد اصبعه

ليه ماحطيتوني بالقصه ؟؟

<< بيخرب القصه يبي يخليهم يعدلون بالجزء الثاني هههههه

يعطيكم العآآآفيه ^_^ ... وماشاء الله عليكم سيناريو ممتاز <<< توهـ قاري سيناريو بالتلفزيون ههههههه

مشكووووووورين ننتظر الجزء الثاني بكل شوق ببطوله *عـــ$ـــازف جيــــتـــ$ـــار* << مانشب نفسه ابد ههههههههه

^ اماراتيه كشخه ^ · 8-24-1440هـ, 09:43 مساء

هههههههههههههههه ياعليها الضحكه دايمه

وابشروا ..

كلكم موجودين

..

ولاتزعل نفسك .. كم عزوف عندناا ^^

وكفايه انك اخو صندليقي الصندلوق

مـُبسٍمُ هـٌٍيآًًًًٍٍ · 8-24-1440هـ, 10:39 مساء

هههههههههههههههههههههههههههههه
ههههههههههههههههههههههههههههههههه
ههههههههههههههههههههههههههههه
توووووووحفه والله العظيم

بطـله بطـله

يعطيك العافيه انتي وعبوووودي

بالتوووفيق

يلا نبي الجزء الثاني

عبــــودي · 9-25-1440هـ, 12:24 صباحاً

خخخخخخخخخخخخخخخخخخخخخخخ

والله كل ما قريت السؤال حق النوخذه واجابته هاللي ما ادري وش تبي مت ضحك عليه

الحمد لله ان القصه الى الحين اعجبتكم

وان شاء الله الردود في ازدياد خخخخ

اخيرااا يا اماراتيه ما بغيتي تحطينها صار لها اكثر من شهر

عبـــــــــــــــودي

حمران النواظر · 9-25-1440هـ, 03:15 مساء

ههههههههههههههههههههههههههههههههههههه
ههههههههههههههههههههههههههههههههههههه

الله عليك والله حلوووه مررررررره

بس ليش حاطني بالقصه كومبارررس

عبووودي نحن في انتظار الجزء الثاني

النوخذهـ · 9-25-1440هـ, 04:35 مساء

تثبت

ولي عوده للقراءه

غريب امرك · 9-25-1440هـ, 05:32 مساء

يووووووووووووه

وناستون
اهم شي اني اول وحده طبيت في القصه ههههههههههههههه

صراحه مره مره خطيره

ننتظر وجود عازف والاحول وامير
ودي اصير في القصه اتطاق معهم ووباند 3 ايام <<== هم مو انا هع هع

يسلموووووو ..
والله من جد مدري وش اكتب قسمن فله وفنتكه ..

^ اماراتيه كشخه ^ · 9-25-1440هـ, 07:00 مساء

ههههههههههههههههههههههههههههههـ

عفيه عليناا ^_^

اهم شي عايبتنكم ..

ان شاء الله الادواار يايه ..

لاحد يزعل

الكل بيااخذ دورهـ

..

>> عبوديـــ .. ^^ هع

بنت القصيــم · 9-25-1440هـ, 07:11 مساء

//

ـهههههههههههههههههـ

مـآشـآء الله عليتس أمورهـ تعرفين تكتبين قصص ,,
ننتظر الفصل الثـآني على أحر من الـ ج ـمر ,,

//


		شرايك بالعضو الي قبلك ؟! (اخر مشاركة : Mr.blloo6 - عددالردود : 14813 - عددالزوار : 37093 ) » أدخــل وعتــرف لـنا اليوم بشي (أي شي)ههههههههاااي (اخر مشاركة : "احساس الكون" - عددالردود : 13620 - عددالزوار : 37236 ) » ايش يقرب لك هذا الاسم ؟ (اخر مشاركة : Mr.blloo6 - عددالردود : 6427 - عددالزوار : 14403 ) » دفتر الحضور والغياااب اليومي لأعضاء منتدى همس الخليج (اخر مشاركة : "احساس الكون" - عددالردود : 13604 - عددالزوار : 29406 ) » بدا التسجيل مدرسة المشاغبين (اخر مشاركة : Mr.blloo6 - عددالردود : 2077 - عددالزوار : 7825 ) » سجل حضورك ][آخــر شي أكلته][ (اخر مشاركة : $غـــاردينيـــا$ - عددالردود : 5491 - عددالزوار : 11742 ) » قولو رااايكم؟؟ (اخر مشاركة : سكــون - عددالردود : 3 - عددالزوار : 16 ) » سـ ج ـل حضوركـ اليومي بـ ح ــالتكـ النفسيهـ ! (اخر مشاركة : مـُبسٍمُ هـٌٍيآًًًًٍٍ - عددالردود : 1260 - عددالزوار : 2495 ) » قدها واللا موقدها ؟؟؟؟؟؟؟؟؟؟ (اخر مشاركة : Mr.blloo6 - عددالردود : 1699 - عددالزوار : 4584 ) » كل واحد يطلع اشاعة على الثاني ((لعبة)) (اخر مشاركة : Mr.blloo6 - عددالردود : 1531 - عددالزوار : 4780 ) »