صاحب القلب الكبير

يبه وانا بعد اثنعش عـام حسيـت

اني قـدرت اقـول شـيٍ كتمتـه


ابطى قصيدي ماانكتب فيك وابطيت

اجر صوتي وارجع اجر صمتـه


ماودي اكتب بيت واندم على بيـت

ماهوب شعر الشعر كاني زهمتـه


الشعر كانه ماانحنى ليّّ .. ماجيت

ان ماعـزم مرثيتـك ماعزمـتـه


ان ماكتبته باازرق الدمع وابكيـت

كل الجـروح المبطيـه مارحمتـه


يبه وانا من بعدك ابـو التناهيـت

مامـر طعـمٍ للحـزن مانهمـتـه


يبه ( يبه ) كلمه وانا كل مااوحيت

كلمة ( يبه ) صديت والوقت لمته


يبه ( يبه ) كلمه وانا كـم تمنيـت

اهدم بها وابني بها اللـي هدمتـه


يبه وانا لاضقت رحت وتهجيـت

ركون بيـتٍ ضـم حلـمٍ حلمتـه


يومك تعلمنـي الامـن تحاكيـت

درس الحياه اللي كبرت وفهمتـه


هنـاك كانـت دلتـك لاتقهويـت

وهناك كان يساق طيـبٍ حشمتـه


وهناك ايه اذكرني هنـاك خليـت

طفلٍ مـلا بالدمـع دربٍ رسمتـه



هناك جاني علمـك انـك توفيـت

وهناك خاويت الشقـا واحتزمتـه



واليوم قلت اليوم يومـي ومديـت

كف القصيد وطاح شعر ونظمتـه



لكن بعد صمت اثنعش عام حسيت

اني عجزت اقول شـيٍ كتمتـه !!

صاحب القلب الكبير

والله وصرت تمون يا مايـس القـدّ

من قلت : "احبك".. والحكي ما تردّه


لا..لا تغرّك طولـة البـال والسـدّ

القلب شكلـه قـرّب اليـوم سـدّه


أنا عزيز النفـس لا جيـت للجـدّ

واللي تمادى يقضـب اليـوم حـدّه


صحيح صعبة ابنـي الحـب واهـدّ

لكن ترى لا ضقـت والله لا اهـدّه


مهوب انا اللي يرفع بوجهـك اليـدّ

ْولا عاش من يرفع على بنـت يـدّه


لكن با اروح ولو غشى دمعك الخدّ

باقول : "وينه غايـبٍ فيـه مـدّه"؟!


يوم الوصل من بيننـا حبـل ممّـدّ

ترخي وانا ارجي منك يـومٍ تشـدّه


بعد المذلّه جيتنـي اليـوم بتشـدّ؟!

خلاص انـا فكّيـت حبـل المـودّه


ما دام به ناس عـن الديـن ترتـدّ

وش يضمن انه ما يجي منك ردّه؟!

حاكم الدموع

سيدى
للكلمات رحيق
لا يفوح الا مع صاحبها
مالك هذه الكلمات
وانا اشتم عطورها بين احرف كلماتك
استنشق فيها عبيرها

شكرااا لبوحك الرااااقي

تحياااات

التوقيع

دفى

قصيدة حلوة يا صاحب القلب الكبير ....
وتسلم واتمنى اسعدك كوني اول وحده ترد على الموضوع الي اكثر من رائع...
والسموحه ع القصور....