هلا وغلا
شلونكم شخبااركم
اليوم جبت لكم مووضوع عجيييب واللي هو
وصفه سحريه الى كل بنت تبي تعرس!!!
عاجل لكل بنت تبي تعرس .. الى كل بنت
ناشبه في حلق اهلها وما تزوجت
كيف تصطادين المعرس دون
اللجوء الى الاساليب السقيمه
المغازل الترقيم التلميح اللي ماله سنع,الترزز
بالاسواق ...الخ
للاجابه على هذا السؤال اليك مايلي..
اهم نقطه نشني على العجوزاللي حاطه عينج على ولدها
ثم نفذي ما يلي
1خليك معى امج لاتروحين مع البنات وتتهيبلين
اصبري عنهن كم شهر لين تتم العمليه
2امشي وانت حاطه راسك بين كفوفك لا ترفعينه
ابد علشان يقولون مؤدبه وما هي متكبره
3كلمه خاله خليها على لسانج وخاصه لام المعرس
علشان تحس بنوع من التميز عن بقيه العجزه
لامانع تنادين عجوز ثانيه بخاله
علشان اذا ما نجحت على العجوز
نمبر ون تنجح على الثانيه
الاحتياط واااااجب
4اذا بدت امج تتكلم انغزيها بكوعك
علشان تدخلك بالموضوع حتى لو مالك داعي تطبيقيا
للمثل (كثر الضرب يكسر الحديد)ادري
المثل ماله داعي بس ما لقيت غيره
5اخوانك الصغار لاحقيهم وين ما يرووحون
حتى لو ماهي عادتك بس تصرفي
معاهم كأنك امهم علشان العجوز تاخذ
فكره انك حريصه على ذريتك
6كل ما اكلت امج من اكله زينه
خليها تقول : نفس الاكله اللي تسويها بنتي
حتى لو الاكل من مطعم الصيني والا المكسيكي!!؟؟
7اذا تكلموا الحريم عن العرس
اكتمي نفسك لين تحمر خدودك
علشان يقولون البنت تستحى ومالنا
حق تكلمنا عندها
بس لا تكتمين نفسك
واااايد اخاف تروحين فيها واصير
قتلت نفس بغير حق؟؟
8مهما كان موضوع الحوار حماسي
لا تبدين رايك خليك مثل البكمان
لان اللقافه تخرب الخطه
9شعرك افرديه لا تخلينه طاير
وشوشه مهما كانت الموضه لان
العجزه ما يدورون الا اللي شعورهم ناعمه
والا اللي كشتهن طايره
محد يتلتفتلهن
10اذا ادلت العجوز (ام المتوهق)باي
ااي سواء سياسي ولا وطني والا اقتصاادي
وافقي عليه حتى لو انه ماسخ وماله داعي
مثلا: العجوز قالت امس بوش متقهوي
عندنا يافلانه قوليلها وليه ما علمتينا
ياخاله نجي نعاونكم ؟؟
11في اي عرس لا ترقصين واعتبري
الرقص عيب وشق جيب وجلسي مكانك وانثبري
12اذا جا طاري السووق وهو طبعا لازم
يجي الطاري لانه ملح الجلسه عند الحريم
خلي امك تقول (الله يعظم اجر اميمتك)بناتي
ما يطلعون السوق ابوهم يجيب لهم
اغراضهم
احتمال وارد الحدوووث..يمكن تكون العجوز
منشنه على بنت غيرك لكن بعد
النقاط السابق ذكرها بتصرف نظر عنك
وعنها .. امزح لا تصدقين ما علينا...المهم الحين العجوز
بتكووون وقعت بالفـــخ
*نروووووووح للمعرس اللحيـــن
اجلسي في بيت اهلك ولا عاد تطلعين واذا
جا المعرس بيشوفك خلى ابوك يقول
والله ودي تشووف البنت
بدون ما تدري علشان تاخذ راحتك
وانا عمك وبعدين تشوفها على الطبيعه
علشان ما تقول غشيتوني ايه هين يا الشايب
والله لو بيدك تحط مكانها باسكال مشلاني والا نوال الزغبي
والا غيررررهااا..
* قبل لا يجي اليوم اللي بيشوفك فيه بحوال اسبووع
اوكثر (على حسب شين الوجه)اركضي
من صاالون لصالوون (صبغه , فرد,تنظيف بشره )الخ
لا تخلين على روحك قاصر ولما يجي المعرس
خلى اخوك يجلس بينكم ويحاول يغطي عليك
علشان ما تكتشفين
وبيان المستحي وذلك بتطبيق لنظريه
اللمحه ذبحه
*وبعد عاد كيف بيشوفك هذي
عليك ماهو كل شي بعلمك
اياه دبري عمرك بس خلي ابوك بنهايه
المشهد يقول العذر والسموحه
وانا عمك العود ضمن الولد
حوسه بس بهالحظه الولد بينقز
على راس ابووج ويبووسه لين
يشفط مخه وبيقول متى العرس
يا عم (اللهم ارحمه فقد كان بارا بوالديه)عاد
الله يوفقك لا تنسنا من حلاوه العرس
واياك تعلمين الوالد
من معلمج هالعلووم
ولا حتى بأسمي اتفقنااا
** تحذيـــــــر:
ابتعدي عن امهات الشباب اللي متعلمات
وراعيات الشنط مثل لون
الجزمه لان هذولـي يبيلهم خطط
بعيدـــده المــدى..
للامانه:
ملطوووووش من الجريده
انتظر ردووودكم
وصفه سحريه الى كل بنت تبي تعرس!!! 
النمط الخطي
