السلام عليكم ورحمه الله وبركاته


سبق وان نزلت قبل كم يوم رحلتي إلى العوشزيه في مدينه القصيم ..


واليوم راح اطرح لكم تقرير مصور لرحلتي إلى منطقة الأغلب ما يعرفها أو يمكن راح لها بس ما يعرف اسمها


المنطقة أسمها ( هبــجة ام سلم ) والهبجة تعني ( حفرة)

منطقة هبجة أم سلم موجودة بالقرب من مدينة تمير وبالتحديد في قريه اسمها ( قريه الشعب) وقرية الشعب هذي حسب معلوماتي تعتبر ثالث اكبر جهة مصدرة للمخدرات بعد حلبان في الطائف وبعد منطقة في وادي الدواسر .. ( الله يكافينا الشر )


هبجة ام سلم وسبب التسمية



تقع في منطقة جبلية وهي عبارة عن حفرة عميقة وسبب تسميتها بهبجة او حفرة حسب الروايات أن المنطقة الجبلية سبق وان وقع فيها 3 شهب تسببت في إحداث هذه الفجوات في السلسلة الجبلية وحين يأتي موسم الأمطار تصبح هذه الفجوات الثلاث جنات مليئه بالأشجار والخضرة والطيور لدرجة إحساسك أنك في غابه وليس مجرد ( حفرة ) ..!!

--------------------------------


بعد ما جينا من العوشزية ونمنا في الاستراحه

اخوي وولد خالتي رجعوا الرياض وانا جلست ومعي ولد خالي وولد خالتي يعني (3)

من بكره بعد الجمعه

ولمنا الأغراض بنروح على حبيب القلب ... وهـ بس (طبعاً الزيتي طلقته بالثلاث وجا ذا بداله )



وانطلقنا إلى المنطقة المطلوبة ..

طبعا فيه ثلاث منها ولكن وحده منها بس هي اللي تقدر (تنزل) إلى باطنها اما الباقيات مالك الا مجرد النظر إلى باطنها لان ما فيه درب نزول لها .. ^_^







صورة غريبه للأشجار اللي هناك .. !!



ياحلوه .. هع



وصلنا للمنطقة المطلوبه .. طبعاً منطقة بدايتها ممهده لكن بعد ما تقطع نص المسافة تحصل منطقة شديييييييييييدة الووعووووووره والسبب السيل

ياليتني مصور لكم المنطقة بس فاتتني
فرشنا فرشتنا والتقطنا لكم هالصوره الحلو ..





نزلنا الأغراض من السياره عشان نسوي الغدا كانت الساعه تقريبا 3 ونص العصر ..

ثلاجتنا الموقرة ..





مشروع طبخ ناجح ..



سلطتنا يازينها ..



الانتهاء من الغداء تقريباً ..







للمرة الثانية على التوالي نسينا شطة سومطرة


بعد ما خلصنا الغدا قلت للعيال يله مشينا للهبجة قالو شوي بس انتظر قلت اجل انا بروح وانتم براحتكم قالو اوكي انت اسبقنا وحنا بنريح ونرتب الاغراض ونجيك ..


مشيت وخليت العيال يرتاحون ..



طريق الشمس ..



بعد قرابه العشر دقايق من المشي جوني العيال ..



بداية صعود المنطقة الجبلية ويتضح الربيع الموجود بكثره ..







غريب..!!


تعبوا ..




يتضح ارتفاع الجبل من هذي الصورة ..




ولما وصلنا إلى الهبجة كانت المفاجأة .... !!!!


















يتمشون ..


سالفه حلوه على المنطقة الأحلى ..





طبعا المنطقة اللي كنا فيها لما دخلنا الحفرة ما تسمع الا اصوات العصافير كأنك في غابه منطقة واصوات تفتح النفس وتنسى كل شي .. سبحان الله العظيم ..

منظر للعصافير ويتضح كثرة تواجدها في هذه المنطقة ..







وبكذا اكون انهيت تقريري المصور إلى هبجة ام سلم ..


ان شاء الله انها أعجبتكم ..


عبـــــودي

يالله أنك تحيي عبوودي

والله من زمــآن عنكـ يالشييين

المهم نجي للرحلهـ^ـ^

آهنييك علىآ المقدمهـ قسم حسييت إني آقرىآ منهج تاريييخ

>>برآآ تكفيين

سبحــآن الله العظيييم والله الشجر شكلها غرييب مآآرهـ كآنهـآ مجسم
/

آووووخص يالطبخ آوووخص يالفن ماتمزحوون والله

ياحلو آكل البر بس



^^
آهنيييك ع الصورهـ يالدوووب .. ماشاء الله علييك والله خطييرهـ



^^
يابعد الآرض بعدآآآآآآآآآآهـ>>تعبت وهي تشوووف

/



^^
ويييييييينكم عن هالمكــآن من الأول

قسسسسسسسسسم شي يفتح النفس ماشاء الله

لييش خلصت كمل>>آوب حلىآ ترآآ

والله منآآظر خطيرهـ من جد ماتتفوت

سبحــآن الله العظيييم

يعطييك العافيه ع الصور الأكثر من رآآئعهـ

ماقصرت والله

ماشاءالله صراحه شي خيال







^
^
خقيت مع هاالصور
سبحان الله

ياسلام وناااسه
ليش مااخذتني معك ؟<<<برا

إقتباس:

ولمنا الأغراض بنروح على حبيب القلب ... وهـ بس (طبعاً الزيتي طلقته بالثلاث وجا ذا بداله )

وهـ بس بسووي لك بارتي على هاالمناسبه <<وش تبين انتي

يعطيك العافيه تقرير رائع

حيـآالله عبود ..

’
’

مشـآءالله المكـآن مرره ح ـلوو وغريب أول

مره أسمع عنه ,, وتصويرك كمان

مشـآءالله ح ـلو .. خصوصـا ً في هالصوره



أما الطبخة صراحة ً اشتهيتهـآ ,, مبين طعمها خطيير

’
’

يسلمك ربي ع التقرير الحلو ..

بصرآحــه ,,, رووووووعه الصور ..


والمكــــآإآن خيـــآإآل ..

الآرض لونهآ آخضر وجبآل .. مرررهـ خقــه ..

يع ـآإآفيك ربي يآ { الرحآل ..

ع التقرير الرووعه ..

ربي يح ـفظك ..