وا عذابي و اشتياقي للــعيون النرجسيه
اللي من دمعة حنينه فاحت فياض القوافي
في غرامه جاذبتني في البساتين النديه
يسبق خطاها هواها و الكحل فالعين غافي
تتعب الأوصاف فيها زهرة الصبح الــغوية
خانت الأحرف عبيري ما اظن الشوق كافي ..!!
تلة الإحساس مني فدوة احساسي هدية
لو تبي مني عيوني دوك يا ناعم عوافي
ما خطيت الا ذنوبك و يا حلاها من خطية ..!!
مغترب في تيه وردك غارق فبحرك و طافي
ضايع بارضك و هايم عاشقــكـ دون البرية
محترق ولهان ياخي دق لي شوف المطافي
و الا وش حاجة مطافي و البلا ياخوك بـيّـه
انده بوجدان عمري نورس احساس المرافي
مع ضبابات المسافه و الوله نافذ بــضيّه
غمض عيونك تخيل " البدر مع نور خافي
و انت ع الشاطي و ساير مع زفير الموج ميه
و الهوا طير حريرك و القدم ناعم و حافي
تمشي بخطوة هزيله تخجل الغزلان طيه
ثم يجي مجنون حبك من بعيدات المصافي
يركض و شوقه يدله هاوي و فاتح يديّــه
و العيون تفيض لولو تـحــتويها روح وافي ..!!
و الوله عذب خفوقه و الولع جاء بالـمعيّه
يحضنك حب و مشاعر لين ما تقولين كافي ..!!!
يا حبيبي عذبتني ضمة يدينك قوية ..!!!
و أستحي و أرجع أعاند يا الغلا [ ممنوع ما في ] !!
جيت كلي بأشتياقي و الوله ما فيه زيّــه
جيت من بعدي بأضمك ما يجي دونك مكافي
جيت لك وحدك بغيتك يا غرام زاد كيه
كية عكس الأوادم كية تدوي تشافي "
يا حلاها من اماني او خيال زار فــيـّـه
من محالات الوقائع ساقني ركب القوافي
يا حبيبي عذبتني ضمت يدينك قويه 
النمط الخطي
