هذا اول موضوع حبيت اشارك فيه اتمنى انه يعجبكم

ياخوفي تقولون اللي هذا اوله ينعاف تاليه ههههههه

:

البارحه جاني من :: الحـب :: مرسـال
من عقب مـا بينـي وبينـه" خصيمـه "
وانا ترى في الحب مانيـب :: فعّـال ::
ولا بعـد " ولّــع " بقلـبـي هشيـمـه
ولا بعد غنّيـت فـي ساعـة " وصـال "
ولا بعـد ذقـت" الفـراق " وجحيـمـه
ولا جرى دمعي على الخد :: همّـال ::
ولابعـد جربـت " مــرّ " الهزيـمـه
حتى وردني تالـي الليـل :: جـوال ::
وانا على // شاهي " وبسكوت ديمـه " //
الرقـم بايـخ لكـن الـصـوت قـتـال
كنه مثـل صـوت المذيعـة " حليمـه "
قالت : مساء الخيـر يـا طيّـب الفـال
قلـت :أ رحبـي ترحيـبـةٍ مستديـمـه
بالعود " والصفـري " ودلـة " وفنجـال
واجبك يا : بنـت الأصـول الكريمـه :
ردت بضحكة ثم قالت : وش الحـال..؟
قلت : اشهـد إن الحـال عقبـك سقيمـه
قالت : وهي تضحك بعد مثل " الأطفال "
وانـا بعـد كنـي بـدونـك " يتيـمـه "
من يـوم قالتهـا : تزلزلـت زلـزال :
من فجعتي كنـي مسـوي :: جريمـة ::
قلت : ارفعي صوتكـترى مابه " ارسال "
" كـذاب " لكـنّ المصيـبـة عظيـمـة
قالت : أقول اسمع تـرى هرجنـا طـال
ممكن تصاحبنـي ترانـي وسيمـه ..؟؟!
واسمي الحقيقي أول حروفه :: الـدال ::
لكـن يسمّونـي البنـات " الزعيـمـه :
صحيح أحب الفخفخة و : اعشق المال :
لكـن ترانـي : طـاهـرة مستقيـمـة :
ما عندي امغـازل ولا _لعـب جهـال_
ما عندي إلا في " الشرف " و " الحشيمة "
بس الصراحة :: قلبي :: لشوفتـك مـال
واصبحت وحدك جالسٍ في ::صميمه ::
فكّر بعقلـك واتـرك : القيـل والقـال :
واحذر تطيع اهـل : العقـول العقيمـة :
وارسل علي الحين " خمسميـة ريـال "
أشحـن بهـا جـوال أختـي " غنيمـه "
أو" طقم غالـي " فيـه خاتـم وسلسـال
أروح به فـي : عـرس ولاّ عزيمـة :
قلت : الحقيقـة مانيـب رجـل أعمـال
ولآنـي بتـاجـر والـمـوارد عديـمـة
أنـا الصراحـة شبـه : عطّـال بطّـال:
وعلاقتـي بالفقـر جــداً " حميـمـة "
والراتب الله : يرحـم الحـال : مـا زال
محدود والمصروف ربـي :: عليمـه ::
: والديـن بـالآلاف : والبنـك شـغّـال
ياكل : فلوسـي بالربـا " و "الظليمـة :
و" السوق طايح " والغـلا ضيّـق البـال
والمـوت والله صايـر اكبـر" غنيمـة "
قالـت: تحمّـل بـس والحمـل ينشـال
خلك شديد البـاس : صلـب العزيمـة :
ياخي تصرّف جعلـك تصيـر " نشّـال "
أهــم شــي إن" النـوايـا سليـمـة "
لابـد تفهمنـي علـى كـل الأحــوال
ما دمت من أهل :: العقـول الفهيمـة ::
قلت: إيه والله فاهـم اللـي علـى البـال
لكـن تـرى هـذي علينـا :: قديمـه ::
يـا بنـت هـذا صايـر اليـوم مــوال
لليـتبي تلعـب علـى " ابـن اللئيمـه "
يا بنت ما تدرين كـم فيـه :: محتـال ::
يلعب على الحبليـن وانتـي " غشيمـة "
يا بنت كم مـن "جاهلـة " دمعهـا سـال
من عقب ما جـات العواقـبـ" وخيمـة "
والبنت لا اقفى عرضها بيد :: الأنذال ::
والله مــا يبـقـى لـهـا أي قـيـمـه
قالـت : تبـي ولاّ فخلّـك علـى جـال
مهـوب ناقـص نصايـح " حكيـمـة "
عز الله إنك للأسف منـت :: رجّـال ::
وانك : قليل الـذوق مـا فيـك شيمـة :
// يا لعنبو اللي مـا يسطّـرك " بنعـال "
حتى يعلمك " الغزل " يـا " بهيمـه " //
:: تفو :: عليك وصكّت الخط في الحـال
مدري :: تفو :: هي مدح ولاّ شتيمه..؟!!


وسلامتكم
منقول

..........

خخخخخخخخخ قسمن رهيبه

تشكرااات على القصيدهـ المونتازهـ

.. ماننحرمشي ..