/
/





السلام عليكم ورحمة الله وبركاتهـ ,,

حبيت أطرح هالموضوع للكل عشان يستفيد .. طبعا " فكرته " استوحيتها من موضوع قريته في أحد المواقع ..
وقلت أخلي الكل يستفيد ان شاء الله..

نبا يكون رمضان هالسنهـ بالنسبه للكل غير .. مشكلتنا صارت غريبهـ ونحن مش حاسين فيها .. ولا نحسبـ لها أي حساب !!

رمضان ياجماعهـ مب شهر نحن بس نوقف الاكل فيه وبس !! ..
رمضان هذا .. نعمهـ كبيره من الله سبحانه وتعالى علينا .. شوفوا الحسنات .. كيف تتضاعف فيه .. ومن خلال هالموضوع راح نرتب حاجيات العيد .. تعرفون ليش ! ..
لان رمضان ماتم عليه شي .. اسبوعين او 10 أيام ..
ونحن متى نفكر في الشرا للعيد .. في رمضان وخاصهـ في أفضل الايام اللي هم .. الـ 10 الأواخر !!
وهي الأيام اللي نحن لازم نتعبد فيها اكثر وفي كل دقيقه أيضا .. لان نحن مانبي نخسر هالاجر كله ..
عشان اشيا صغيرهـ مثل " غراض العيد "

رتبوا كل .. شي من الحين وحاولو تشترون الأشيا اللي تاخذ منكم وقت في رمضان .. وخصلو منها ..

•


من أهم الأشيا " للامهات " غالبا .. وطبعا تتضمن سوالف المطبخ من فواله .. تكتبون الاشيا المهمهـ
عشان تكون سهله عليكم اخر الايام .. مثلا تشترون من الحين الشراشف والزوالي للناس اللي يحبون
يغيرون من ديكورات ميالسهم في هاليوم ,, بالاضافه الى .. الصحون اليديده والمواعين


:
/
/

•


أهم شي لأنهم عبالهـ آخر الايام السناتر متروسهـ ,, بس يتشرون حق اليهال لبس وغيرهـ ,,
ليش مانخلص من الحين ونشتري لهم .. البدل .. والشنط حق العيديهـ مثلا
حتى الكنادير لليهال " الاولاد",, بالاضافه الى الذهب للبنات ..



:
/
/

•


وألحين وصلنا للبنووتات .. اللي هم عضوات المنتدى يعني :,, مب اخر أيام رمضان نشوفكم في المولز
من الحين اشتروا بدلكم كلها وزهبوها .. حتى اذا في شي ناقصنكم من الميك أب سيرو خذوه ..
بالاضافه للنعلهـ والشنط والعبي اليديده ومثلا الاشيا البسيطه مثل ربطات الشعر والمشابكـ ,, وكل هالاشيا اللي تحتايونها في العيد ..



:
/
/

•


وصلنا للشباب .. والله هييل أهون شي خخ بس بعد سيروا خذولكم من قبل .. مثلا تفصيل الكنادير ( الثوب ) ..
من الحين والنعل اشتروها بالاضافه للغتره والعقال .. وفي من الشباب الحين العصر يلبس بدلهـ يطلع
ويا ربعه وجيهـ ,, خذو لكم البدل وزهبوها بعد,, بالاضافه للمحافظ
اليديده ,, >>> اللي يشتغلون يبالكم محافظ كبيرهـ حق العيديهـ اللي بتوزعونها .. هع^


:
/
/

•


وأخيرا العيديهـ ,, طبعا تختلف العيديهـ اللي نباها في من الاهل ياخذون " خرده " حق عيال الفريج ..
وطبعا ماننسى الـ نيطان " 5 " " 10 " " 100 " " 500 " ..



:
/
/
•

أجعل من رمضان هالسنهـ غير .. لأنه شهر بس بين 12 شهر !! .. والله سبحانهـ يعلم هل لنا شوفهـ لرمضان اللي عقبهـ أو لا !! ..

واللي عنده أي اضافه للاشيا المهمهـ في حق العيد عسب يسونها الناس ألحين ومايلتهون في رمضان .. يضيفها هني عشان الكل ياخذ الاجر ..

" اللهم تقبل صيامنا وصلاتنا وقيامنا " .. آمين

[ م ــنقـول للآمــانـهـ + بعض التعـديلآت ]

كشووووووووووخه ..

يعطيك العافيهـ ياقلبي على هاالموضووع الغاوي ..
وانشاء الله يكوون رمضااان هالسنه غير ..
وتعالواا عندنا المدينه الحرم في رمضااان غير ^__^

آميــــن إن شااءاللهــ

اللهـ يقـدرنـــأ ان شاء اللــهـ نرمـض ف الـحرم

الف شكر ياقلبــي

::

كشووخه صدقتي والله ...,

دأيم رمضاان تلآقين أهم شي المطبخ والسووق ...,

مآتغير شي ..., صار ماكنه شهر عبآدهـ ...,

نبي رمضاان يكون غير ...,

يسلمو غلآتي على الموضوع ...,

مأنتحرمش ...,

::

الله يعافيـــج ياالغــأليــهـ

وهذآ اللـي أبــأ أوصــله لكم ..

أتمنــى الكــل يحرص علــى هذآ الشــي ..

واللهـ يجعلنــأ من الفـآيزيــن ان شأأءاللهــ



يسلمج ربــي

يعطيكـ العافية ,,


موضوع رائع

ويعــأفيك ان شــآءالـــله

كشوخه


يسلموا حبيبتي على الموضوع الرائعه والله يعيد علينا هده شهر بل خير والعافيه على جميعا المسلمين وانت صادق كل همنا المطبخ وسوق والمسلسلاات ولا كأن شهر عباده

يـ ع ــطيك العـآفيـة

والله لايلهينـآ الا فـي عبآدتـة

آميــن يـآرب العالــمين ..

تشكــرآت يالغــوآالــي