هذي مقارنه بين التمساح الأوروبي والتمساح الخليجي

(قــــــــــال تماسيح قـــــــال لوووول)


نبـــــــــــــ ـــــــــــــــ ـــــــــــــدأ :


أولا :الطفل الخليجي( التمساح الصغير ) من صغره يعني في عمر أربع سنين يلعب بالتراب.. ويتراجم بالحصى ( لو تشوفون وجهه تقولون صحراء من كثر الجروح )

...بينما الطفل الأوروبي يلعب بالثلج ويسوي رجل الثلج
واذا بيلعب مع ربعه يرشهم بالماء ...( الولد رقيق من صغره )


ثانيا :الطفل الخليجي اذا بدا يروح للمدرسة يصحى وهو يصيح ويصارخ وما يرضى الا يعطونه بسكوت كل شوي (من الثقافه الزايده )

..بينما الطفل الأوروبي يا حياتي أول يوم
يروح للمدرسة وهو يضحك ويغني ومبتسم ..ويرجع يعلم أهله وش سوى في المدرسة ( قمة الاجتهاد )



ثالثا: الطفل الخليجي في سن عشر سنين..يا يلعب كورة يا يلعب بالشراخيات( المفرقعات ) ..واذا جت البنت يا فديتها تبي تشاركه صارخ في وجهها ( وخري هذي لعبة أولاد مو لعبة بنات روحي العبي بعرايسك )

بينما الطفل الأوروبي في سن عشر سنين يحسب حساب البنت معه قبل أي شي... ولا عمره يقول لها روحي العبي بعرايسك ( يا عمري على الذوق )

رابعا : في سن 16- 20 الشاب الاوروبي اذا اعجبته بنت يروح يعطيها وردة ولا قطعة شوكولاته أو اسطوانة موسيقية يعني كرمز للأعجاب ( يا عيني)
..بينما....................
الشاب الخليجي اذا فرضنا أنه أعجبته بنت يعطيها ورقة مشقوقة ..ما يندرى من وين شاقها او يمكن لقاها في الشارع خذها ..مكتوب عليها رقم ( قمة الرومانسية )


خامسا : الشاب الأوروبي اذا حب بنت يقوم يعلم أهله وناسه أن فلانة حبيبته ويصير ما يروح ولا يجي الا معاها (شوفو الوفاء )

..بينما الشاب الخليجي اذا حب واحدة يكتم الامر ليه؟؟ مو علشان التقاليد لا..... علشان يقدر يغازل غيرها طبعا
..واذا علم أحد يعلم ربعه يعني انني مطيح بنات (يعني شوفوني تراني مو سهل )


سادسا : الشاب الأوروبي اذا ذبحته الرومانسية خذ حبيبته في قارب على النهر وقام يجدف ويطالع فيها ..( يا سلام على الحب )
بينما الشاب الخليجي اذا ازعجوه ربعه بأنه نصاب ولا يعرف بنات يصير همه يركب حبيبته في سيارة ويمر بها من
شارع مظلم ويوقف عند بقاله كل أخوياه مسنترين هناك يعني شوفوني مركب بنت ......(وعلى فكرة بعضهم يركبون شغالاتهم ويلبسونوهم عبايات خخخخخ ) صج تماسيح


سابعا: الشاب الأوروبي يجيب لحبيبته هدايا يا ورد يا ساعة يا عطر أو لعبة ...ويفرح اذا شاف حبيبته تستخدمهم .
بينما الشاب الخليجي ما يعطي
البنت الا قطعة الورقة اللي قلنا عنها من أول ( الرقم ) وبعدين يصير ياخذ منها وهي على نياتها كل يوم شرت له هديه و مطفش حياتها بالفاتوره .. (و مسوي روحه كريم )



ثامنا: الشاب الأوروبي لا سمح الله لو تزاعل هو صديقتة ولا تفارقوا تلقاه يتحلطم ويبكي ويقول أنا السبب انا اللي ماعرفت أصونها
بينما الشاب الخليجي ..اذا صديقتة انخطبت ولا طنشته وهو أصلا ماعنده نية يتزوجها يبدا يهدد ترى بأنشر رقمك ترى بأفضحك ..غير الازعاجات كل يوم وكل ليلة ..على جوال الضعيفة. ( يااخي ماتبي تتزوجها اشلك في البنت )


تاسعا : الشاب الأوروبي دايما يسئل حبيبته ..حبيبتي وش رأيك أسوي كذا ولا أشتغل كذا ولا أدرس كذا بينما

المحروس الشاب الخليجي ما يسئل البنت
الا سؤالين ..تحبيني ولا لا ...والسؤال الأبيخ ..صديقي يبي يتعرف على بنت ما عندك واحدة من صديقاتك أعرفها على خويي ...تراه رهيب.( والمشكله هو الي يبي يتعرف عليها )


عاشرا..وآخرا وليس أخيرا: الشاب الأوروبي ينهي علاقته بالفتاة اللي يحبها بالزواج ويكونون أسرة سعيدة ...

بينما الشاب الخليجي..لا يمكن و مستحيل وسابع المعجزات يحب بنت كان يعرفها الا يشطب على اسم عايلتها من
البشرية ...ما بقى الا هي يتزوج بنت كانت تعرف عيال ... (المشكله انه كان وهمها انه يحبها و هي حبته و في النهايه تنصدم انه اخذ صديقتها او وحده ثانيه )



والسموووووووووووووووحة من اعضاء المنتدى

ههههههههههههههههههههههههههههههههه
حلوه الفروووووق والله

بس مو كل الشباب الخليجيين زي ما قلت (يعني مثلي مثلا أنا أحسن من الأوربي...<<<<<تبطي والله...

تحياتي

هههههههههههه مشكور اخوي عاشق

كل شي على الشباااب يعني ليش ما تقول المفارقات بين السحالي الخليجية والاوروبية ؟


ومشطور مرة ثانية وننتظر جديدك

تحياتي/

عبـــــــــــــودي

مشكوووووووووووووووووووووووورين على الردود

الله يعطيكم الف عافيه


دمتم سالمين


اخوكم عاشق الصمت