تقرير لرحله يوم الجمعه 5-5-1429هـ ... لروضه نوره ... فللله
السلام عليكم ورحمه الله وبركاته ..
كيف الحال ؟
من زماااااان ما نزلت موضوع
فحبيت اني انزل اليوم موضوع مصور لرحلتي انا واخوي عازف جيتار الى مدينه التمير الحبيبه ...
اليوم : الجمعه
الوقت : بعد الصلاه مباشره
اتصلت على أخوي ..
انا : تخاويني ؟
هو : وين ؟
انا : للسدير
هو : وش عندك ؟
انا : ابد ودي اطلع للبر بروح اشوف روضه نوره اسامه يقول انها جيده ..
هو : اوكي بتسبح وبجي معك ..
انا : بسرعه ..
الساعه 1 الظهر ..
ركبنا المزيون - ما شاء الله تبارك الله -
متجهين للتمير - تابعه للسدير - تبعد عن الرياض تقريباً مسافه 130 كم
اول ما دخلنا اخذت صوره ..
وحنا نمشي لفت نظري شي غريب...
تذكرت الشاعر اللي يقول ..
مدري وشو ....حتى البعارين مدري وشو جدفها ..
جالس على نقعة الما ويتذكر خويته يومها تسحب عليه خخخخخخخخخ
مناظر جماليه خخخخخخخخخخ ودي اصدق خخخ
^
لاتحسبونه منظر جمالي لا لا هذا ياطويلين العمر والسلامه الشرطه اذا مسكوا واحد ويبون يعاقبونه يحطون مفتاحه داخل البندقيه ويطلقونه ويقولون رح دوره خخخخخخخ
>>>لاعاد تحلل من عندك يا عبيد ..
كملنا دربنا متجهين لاستراحه ولد خالتي والتي يطبقون فيها سياسه الباب المفتوح ..
مدري كرم فاكين الباب ولا طفاره ما يقدرون يركبونه خخخخخخخخخخ
وقفت المملوح دخلنا وسلمنا على الموجودين وشاهي وسعه صدر ..
خلصنا من الجلسه قمنا صلينا العصر ولما خلصنا شغلنا السياره ومتجهين الى روضه نوره .. وفي الطريق صورت كم صوره
وقفنا هنا نشتري المقاضي اللي نحتاجها وشي يوسع صدورنا في الطريق ..
كان الحل الامثل والامصل في نظر ولد خالتي لكي يطرد حر الصيف ..
انا ما قهرني الا كلمه جديد ..
ابو بليسكم من ايام حرب الخليج 1991م وتقولون جديد خخخخخخخخخخخخخخ
كملنا الطريق نحو روضه نوره ..
من يقول ان الطريق مافيه حفر وان الموتر ما تكسر خخخخخخخخ
وصلنا لروضه نوره تقريباً الساعه 5 ونص او 5 وربع ..
وقفت الجيب .. المشكله ان الصوره ميب واضحه ..
صور منوعه لروضه نوره ...
اهــــــــــداء خاص لعشاق الشاهي خخخخخخخ
^ ^ انا خاق مع هالصوره ..
ووووووبس ..
ان شاء الله ان الصور اعجبتكم ..
اذكروا ربكم على الصور كلها ترا البياله بيالتي يعني مال امها داعي يجيني تسمم من عين واحدن فيكم هع
هذا كل ما لدي الحين اشوفكم على خير يا احلى اعضاء ...
عبـــــــــــــودي
التوقيع
قال احد الحكماء مارأيت اتعس من ثلاث..!! رجل يدعى الى وليمه فيطلب المزيد ورجل ليس لديه اخ او صديق ثم دمعة عيناه وقال..!! ورجـــــــــــل لا يملك شـــروكي
آخر تعديل بواسطة كريمي ، 6-28-1432هـ الساعة 01:23 صباحاً.
اذا مسكوا واحد ويبون يعاقبونه يحطون مفتاحه داخل البندقيه ويطلقونه ويقولون رح دوره
حنا اهم شي عندنا التناسب بين الجريمه والعقوبه خخخخخخخخخخخ
غاردينيا
خخخخخخخخخخخ
اهم شي ذكر الله هع هع هع
مشكورين على المرور حبايبي وان شاء الله دايم الدوم مبسوطين ..
التوقيع
قال احد الحكماء مارأيت اتعس من ثلاث..!! رجل يدعى الى وليمه فيطلب المزيد ورجل ليس لديه اخ او صديق ثم دمعة عيناه وقال..!! ورجـــــــــــل لا يملك شـــروكي
ماشاءالله تبارك الله مزيون باالحيل مدري طالع على مين الله يخليه لك ولا يحرمك منه خخخخخ مرا طالع خطير نظيف وش زينه
إقتباس
جالس على نقعة الما ويتذكر خويته يومها تسحب عليه خخخخخخخخخ
ههههههه الله يرج عدوينك
..
إقتباس
انا ما قهرني الا كلمه جديد ..
ابو بليسكم من ايام حرب الخليج 1991م وتقولون جديد خخخخخخخخخخخخخخ
من جد
إقتباس
صور منوعه لروضه نوره ...
url=http://www.rr1kk.com/up][/url]
اهــــــــــداء خاص لعشاق الشاهي خخخخخخخ
^ ^ انا خاق مع هالصوره ..
ووووووبس ..
ان شاء الله ان الصور اعجبتكم ..
وااااو مرا خطيره الصور ياعبيد وش ذا الروضه توني ادري ان نوره عندها روضه مثل ذي والله يانوير مانتي سهله روضه وحركتات وفله مافي روضه اسمها برور<<<اقول تقلعي بس
إقتباس
اذكروا ربكم على الصور كلها ترا البياله بيالتي يعني مال امها داعي يجيني تسمم من عين واحدن فيكم هع
ماشاءالله
إقتباس
هذا كل ما لدي الحين اشوفكم على خير يا احلى اعضاء ...
يعطيك العافيه عبودي صور مرا حلوه
التوقيع
تسلم لي أجمل أنامل..وه بس فديت قلبها
آخر تعديل بواسطة كريمي ، 6-28-1432هـ الساعة 01:25 صباحاً.
تقرير لرحله يوم الجمعه 5-5-1429هـ ... لروضه نوره ... فللله 
