مالتس الا ولد عمتس
=====================
في احد مضارب البادية عفون اقصد في ذلك الركن من مدينتنا القابعة وسط السعودية
طرق الباب فجعتن .. فقالت لي امي .. يا ابنتي يا ابنتي افتحي الباب انه يطق
قلت لها : حسنا حسنا يا امي
وانا اذهب افتح الباب ..وقد كنت توني صاحيتن من النوم .. وكشتي منفوشتن
ولابستن بجامة النوم ( ماهذا الشكل يالهي)
وعندما اقتربت من الباب ناظرت الى شكلي ففطست ضحكن
فراتني امي وقالت علامتس تضحكين هل اصابك مس من الجن ؟؟
فقلت : لا يا امي انظري الى شكلي اقابل خلق الله هالشكل؟
قالت امي : وش فيه شكلتس عاد لو انهم جايين يخطبونتس
قلت وقد احمر وجهي خجلا : ولماذا يا امي قد يكون كذلك !!
قالت : وجعن يوجع عدوتس ماعاد فيه حياء
قلت : امي هذا مستقبلي ارجوتس لا تتدخلين
امي وبلهجة حاده كانها الاسد ( امحق تشبيه ): افتحي الباب لا اقوم اكوفنتس الحين
انا من الخوف والرعب ركضت لافتح الباب حتى انني سقطت على خشمي امام الباب
ولكنني فتحته اخيرا وكأن شيئا لم يكن .
فتحت الباب فهليت بالحريم ورحبت بهن وكاد قلبي ينفجر مما رايت
انا في نفسي : يااالهي هذه ام ولد جيراننا ابو جيب رنج اللي دائمن يغازل البنات عند بوابة الثانوي
يافشلي فشلاااه وانا طالعه لهم بهالشكل ولكنني قلت يصطفل ان شاء الله < تحاول تصير شاميه بس مافيه امل
الحريم : هلا والله ببنيتنا المزيونه << ركزوا على هالكلمه زين ياويل اللي يقول العكس
فحمر وجهي مرتن اخرى وقلت : لا والله ولدك هو المزيون ..امممق امممممقق << لا تخافون هذا صوت ريقي يومني بلعته
لان امه طيرت عنونها فيني اويلي.
وبعدها قلت : حياكم الله اقلطوا هنا وهم يجون وراي وادخلهم المجلس وانحاش
وانا اروح للغرفه قلت ياربييي شكلهم جايين يخطبوني لولدهم اجل وراها قالت
يالمزيونه وبنيتي يعني تلميحات . امممم شسوي شكلي نكته كذا اخاف يهونون
قلت يابنت حطي مكياج وتصيرين قمر مثل هالممثلات اللي لو تدخلين بيتها كان قلتي
الله يلعنك يالمكياج .. وبعدين كلها كم ليلة ولما اتزوج ولدهم واحطه قدام الامر الواقع
يايرضى فيني يا ................... يايرضى فيني بعد ههههههههههههههه
المهم واتزين واتكشخ وانزل واحاول اتسمع ماقدرت
قلت يلا كلها كم ساعه وتجي امي وتكب كل شي .. وانطر .. واستنى .. واحتري .. رررررررررررن
راحوا ............. وجت مامي تتمخطر
انا بابتسامه وحياء مصطنع : هلا مام منهم ذولي ؟؟
امي : ام وليد جارتنا .
وتسكت احتريها تكمل مير ماتبي تكمل
قلت يلا خل انط واكلبشها واخليها تعترف
انا : يما اسمعي ترى انا مابي الا ولد جيرانا مالي شغل
امي عنونها طلعت متر قدام من الدهشه
انا : ايه يما مابي اتزوج الا هو .. يوه يما هذا عنده جيب رنج .. وحاط له سكسوكه
وعطره رهيييب .. وشعره مغطي رقبته .. وبينقهرون البنات لو اخذته
امي ومازالت مطيره عنونها وحالتها حاله
انا : لو اخذ غيره بنتحر
امي تكلمت : وجع وجع وجع وش اللي ولد جيرانا ومدري شنو
قومي انقلعي عني .. نعنبو غيرتس من قال انهم جايين يخطبون اصلن
انا ( كأن احد كب علي مويه بااااارده ): اجل وشوله جايين
امي : جايين يشكون منتس يوم تدفين بنتهم بالطلعه على وجهها
انا ( طرااخ طييخ طااااااخ ) يووووو يوووو نسيتهااااااااااااااااااااااااااا
امي : لا وتبين ولدهم بعد شرهتس كبيره
انا ( ودي اشق الارض واتوزى فيها ): احسن تستاهل عشان ماتجلس هي
وشلتها مكاني مع صقيقاتي بالفسحه ازين ازين كل يوم بدفها لما تعقل
امي : ياليتس انتي اللي تعقلين كان ارتاح وبعدين تعالي انتي وهالخشه
من قال اني بزوجتس لغير ولد عمتس
انا ( طارت عنوني ) : نعم نعم
امي : بس ولا هرجه مالتس الا ولد عمتس
( اعزائي المشاهدين بعد هذه الجمله الاخيره مالكم الا ان تتخيلوا شكلي
في مضارب البادية وحولي قطيعن من الاغنام وانا جالسه احلبهن
واسقي زوجي اللي هو ولد عمي << كذا يجي خيالي لما يقولوا البنت لولد عمها ))
وبسسسسسسسسسسسسسسسسسسس
سامحووني على ملااااااااااااغتي ,, هذا اول موضووع من خرطيي والباقي بالطريق
< معكم النصابه العالميه بنت شخابيط هع
سيي ووووووووووو
مالتس الا ولد عمتس *_* 
بس حلو خيالك وانك في بر وغنم هع هع 
