اليوم جايب لكم درس من دروس النجم ماجد عبدالله وهي آخر درس من الدروس الي تعلمنا منها .. وهي عباره عن مجموعه من النقاط والنصائه لــ نجوم كرة القدم .. في مباراة :
النصر Vs ريال مدريد
أول ما دخل ماجد جته الكورة !!! هل احتفظ بها وجلس يتفلسف ويفرفر ؟؟ لا طبعا على طول سلم الكرة للاعب فاضي
النصيحة : لا تحتفظ بالكرة بدون داع خصوصا في وسط الملعب وعلى اطراف منطقة الجزاء . الصورة الثانية بعد ما سلم ماجد الكورة هل جمد في مكانة يتفرج ؟!! والا يشوف وش صار على قصة شعره !!!
النصيحة : اذا سلمت الكرة بنجاح لزميلك لا تقف تتفرج فمهمتك لم تنتهي ... يجب ان تفتح خانة أو تسحب لاعب من الخصم لكي تتيح لزميل آخر وضعية أفضل .... . الصورة الثالثة الكرة وصلت الى حوزة ماجد ... هل طنمبس !! أو دنق راسه
النصيحة : اذا استلمت الكرة ارفع راسك ... لا تجلس تناظر الكورة بين رجلينك ... الوقت اللي تناظر الكورة فيه يكون زميلك قد فقد تمركزه الصحيح بسبب تاخير التمريره ... كذلك يفقدك احساسك بموقعك في الملعب .... الصورة الرابعة ماجد يجري بالكرة وين حاط عيونه ؟؟ على الكورة والا يدور زملاه ؟؟؟
النصيحة : اذا كنت تجري بالكرة لا تجلس تفرج عليها ... ارفع راسك .... شف زملاءك وين مواقعهم وكذلك خصومك وين جالسين ... علشان يكون بناء الهجمة صحيح ... النصيحة الاخيرة : لا تنام في الملعب والا تقعد تهوجس وتفكر بالجماهير ... ولا تقعد تحتفظ بالكورة تمغط الملعب طول وعرض بدون فايدة وتطاير بالكورة .... ماجد كان يراقبه اثنين ولا يقدر يتحرك بس تركيزه يكون حاضر مع كل كرة وفي اللحظة المناسبة ينهي المبارة بكل هدوء ... ماجد كان يريح زملاءه خصوصا لاعبي الوسط اولا بالوقوف بالمكان المناسب وكذلك الحركة بالشكل المناسب في المكان الشاغر بطريقة تريح أي لاعب وسط حتى لو كان متوسط المستوى... الصوره الاخيره :
ماجد عبدالله عمره خمسين سنة بيبي عمره خمس وعشرين سنة يعني نص عمر ماجد ماجد طوله 180 سم بيبي طوله 186 سم ما أقول الا ... ما شاء الله عليك يا ابو عبد الله .. كبير يا اسطوره
بصراحه انا هلالي لكن عجبني الايميل وحبيت انقله لــكــم
كــبــيــر يا مــاجـــد ....! 
النمط الخطي
