مواقف مضحكه لسنه اولى زواج

"هموسه" · 2-14-1431هـ, 12:58 مساء

هذي بعض المواقف إللي صارت لاخواتنا في الله في سنة اولى زواج وحابه افرفشكم اشوي شوفو المواقف ..

أولاً
تقول الاخت زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو.. زوجها تسدح من الضحك وهي تقول احسبها وجبه او طبق معين

ثانياً
وحده كان الخجل ذابحها تقول زوجها كان كل يوم يجيب بهالاكل في الفندق وهي البنت مسويه ما تشتهي وما تحب ومن هالكلام وما غير تناظر فيه وهو يلهط بالاكل
وذاك اليوم بالفندق جا الغدا وكالعاده زوجها سالها يلا يا حياتي تعالي نتغدى قالت لا كل انت بالعافيه انا ما اشتهي وهي مييييييته جوع وشبع الرجال ودق الباب ذاك الوقت المهم زوجها طلع وغاب اشوي وهي قالت في نفسها اكيد انه بيطول وما قدرت تمسك نفسها ومن كثر ماهي جوعانه ماسكه الدجاجه بكبرها وتأكل فيها !!! وفي هذه الاثناء وش صار >>> طب عليها عريس الهنا وهي متلبسه بالجرم المشهود ومقبضه بيدينها الثنتين في الدجاجه والفم مفتوح عالااااااااااااااااااااااخر وقال لها ها اشوفك منتي مشتهيه
وهي خلاص دوروها مسكينه ما تلقونها

ثالثاً
في وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه وش سوت
راحت على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على باله تزوج وحده ماهي صاحيه

رابعا
وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
مير تطير الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد مير ما اسكت وأنثبر
قلت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ

خامساً
وحده تقول انا متزوجه ولد عمي
و أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة أطفال !!

سادساً
يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي والعـبي واضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي آخرتها

سابعا

بقولكم اليوم عن وحده اعرفها اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله ابغى دورة المياه احسن من كلمة الحمام
تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت

ثامناً
هذي وحده تقول اول ما تزوجت كنت ادرس وكان يوديني زوجي للجامعه وياخذني ..
المهم .. انا جالسه انتظره وكنت واقفه في الشارع واشوفه بعد كم سياره .. المهم جلست استـناه
يوم وصل عندي .. وانا امشي بغنج الا واطيح ذيك الطيحه طراااااااااااااااااااااخ
جلست على ألارض ما يشوف الا راسي من عند شباكي جالسه اناظره ولا اتحرك ..
وكان الشارع مليان رجاجيل وبنات
واركب في السياره وهو ميت من الضحك واجلس اصيح قلت ما تعرف تسمي علي !!

وأخيراً
هذا الموقف قرأته بمجله .. وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد مرور سنة طاحت بنفس المكان قالها عمى ما تشوفين!

منقووووول

احلى ضحكة · 2-14-1431هـ, 01:20 مساء

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههه
والله اني اضحك كأني مجنونة
يسلمووعلى الموضوع الخفيف الدم

أنا وأختي · 2-14-1431هـ, 04:53 مساء

قسمن قسمن قسمن انهووم يحزنون

وش ذا الاحراج عاد ياشينها ان جاتس واحد بثر يمسكها عليتس

.. همووسه ..

شوكرن يالمونتازهـ عقبال ماتكتبين لنا مواقفتس

عنزيه والعيون عليه · 2-14-1431هـ, 05:02 مساء

هههههههههههههههههههههههههههههههههههههههههههههههههه هههههههههههههههههههههههههههههههههههه تسلمين والله مت من الضحك

"هموسه" · 2-14-1431هـ, 05:53 مساء

جعلها دووم الضحكات لكم يارب

الصغيرونه قولي ان شاء الله انتي

تكتبين لنا وش صار لك ههههههههههه

يعطيكم العافيه عالمرور

متربعه بقوطي · 3-15-1431هـ, 04:40 صباحاً

ههههههههههههههههه
ههههههههههههههه

وربي مت ضحك عيهم موااقف تووحفه

خوذي هالسالفــه ذكرتهــا
خخخخخخخخخ
وربي أذاذكرتهــأ أمووت ضحك <- أخلصي

فيــه رجال ( أكيد رجال أجل وشوو)متزووج وحــده قروويه ماتعرف شي
المهم رآآحــو الكوفي وأختار هو قهووه وعطاهــا المنيو عشان تختاروتقعد ساعه تدور المهم
أختارت ( ......)<< بتحمسكم ( شكل الاسم معجبهــا)
قال لها زوجهــا / متاكده تبيني هذا ؟
قالت هي / ايووووه أبيــه
,قال زوجهــا / متاكده
,قالت / أيه أصــلأ انا مع أهلي داايم أطلبه <<- والله من التسذب
زوجهـــا عرف أنــا ماعندهــأ سالفــه قال خلأص جيبيو الطلب

المهم جاء الطلب جابو قهووته وبعد شووي جابوا طلبهـــا اللي طلــع (أرجيلــه) قال حطووه عند المدآآآم
هي ياعمــري يووم نزلووه عندهــا وشافتــه وتقعــد تصيـــح

وربــــي تمووت ضحــك

يعني لاتسوون يابنات انكو تعرفون كل شيييييييي

مشكوووره ياهموووسه ع الموضووع

واسمحيلي على الاضافــه <<- توهــا تستأذن

:

:

"هموسه" · 3-15-1431هـ, 11:53 صباحاً

ههههههههههههههه يعطيك العافيه متربعه

وجعلها دووم زحكاتك

نورتي الصفحه

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر


		سجل حضورك ][آخــر شي أكلته][ (اخر مشاركة : أنا وأختي - عددالردود : 6614 - عددالزوار : 16169 ) » رمضآפּ قدومڪ خير ~ ڪلنا بدونڪ غير ~ Topics (اخر مشاركة : أنا وأختي - عددالردود : 2 - عددالزوار : 7 ) » أدخــل وعتــرف لـنا اليوم بشي (أي شي)ههههههههاااي (اخر مشاركة : SaLoOoM - عددالردود : 22412 - عددالزوار : 74797 ) » دفتر الحضور والغياااب اليومي لأعضاء منتدى همس الخليج (اخر مشاركة : SaLoOoM - عددالردود : 16323 - عددالزوار : 37852 ) » حطلنا صوره من تصويرك ... (اخر مشاركة : "احساس الكون" - عددالردود : 3577 - عددالزوار : 33180 ) » مقهى همس الخليج (اخر مشاركة : "احساس الكون" - عددالردود : 7314 - عددالزوار : 17253 ) » سجل حضوركـ بإحـدى ][ .. قرى الخليج ..][ (اخر مشاركة : النوخذهـ - عددالردود : 4397 - عددالزوار : 10307 ) » سجل حضورك بإسم سيارة (اخر مشاركة : النوخذهـ - عددالردود : 5553 - عددالزوار : 12301 ) » لـكـل الأعــضــاء .. الرجاء الدخــول (اخر مشاركة : Mr.Blloo6 - عددالردود : 3 - عددالزوار : 16 ) » ][®][^][®][رابـطـة مشجعي العالمي ][®][^][®][ (اخر مشاركة : النوخذهـ - عددالردود : 5298 - عددالزوار : 10674 ) »

عدد الأعضاء الذي يتصفحون هذا الموضوع : 1 (0 عضو و 1 ضيف)