| الانهيـار العاطفي لدى الشــباب... بقلم د. فروس الاحولني
هلا و غلا بالاعضاء المميزين
موضوع مهم المفروض انه مب في الصرقعه المفروض انه في العام
اشوفك يا عازف تنقله اكسر يدينك تكسير <<<<<< حاقد الى الحين 
المهم بما اني مشرف الصرقعه قلت انزله هنا لعدة اسباب :
1- انه موضوعي و انا حر فيه 
2- انا مشرف على الصرقعه <<<<<<<< ما يسوى عليه الاشراف
3- لا تسالون واجد اقروا الموضوع و بس <<<<< يعصب فجأه خخخخخخخخخخخخ
المهم ندخل في الموضوع :
نتكلم عن موضوع خطير في مجتمعنا هنا الا وهو الانهيار العاطفي للشباب 
مشكلة الشباب فاقدين للحنان من الصغر فلذلك بيولوجيا لازم يتدلعون و الا تحطموا نفسيا
لذلك غصب عليكم تسمعون كلامه و الا ترا بينهار في اي لحظه 
و اذا صار ذلك و العياذ بالله... فإذا لم يتدلع سوف يذهب الى مكان يتدلع فيه
و يصبح عرضه للمخدرات
بتقولون كيف يصبح عرضه للمخدرات؟؟؟
انا اقولكم كيف :
لانه مالقى الحنان و الدلع من الاهل و الاصدقاء
سوف يهيم في الشوارع بحثا عن الحنان... فيجده في البقاله المجاوره لكنه بسعر اغلى
فيجده في سوق السوداء عند الدشير (( رفقاء السوء)) بسعر ارخص <<<<<< طلع حلاو مب حنان
فيجد عندهم الحنان و يطيحونه في المخدرات على طوووول ... فيموت بسبب المخدرات
فيقول الناس عنه : مات في عمر الزهور<<<<< كلمات صعبه من جد خخخخخخخخخخخخخخ
فهنا و من هذا المنبر اهيب للاباء و الامهات و الاخوات و الزوجات و الصديقات
<<<<< ركزوا على الاخيره
بأن ينتشلوا الشباب من الانهيار اعاطفي .....
في المحور الثاني من الجلسه العلاجيه لانتشال الشباب من الفراغ العاطفي <<<<< مره صعب مدري وشلون قلته <<<<< ما تلاحظون كلش عنده صعب ما يعرف يقول شي سهل ابد
سوف نتكلم عن دور هؤلاء الاشخاص الذين ذكرتهم انفا
سوف نبدأ فيه واحد واحد :
الاب :
لكي تنقذ من الضياع ابنك و الهلاك يجب ان توفر له كل سبل الراحه
فمثلا: لو قال لك يبه ابي 2000ريال ابروح للشرقيه 
لا تقول له : لا و ليش و وو وو و و و و و و و....  هنا سوف يتحطم الرجل و تنهز شخصيته عند اصدقائه لانه لن يسافر معهم الى البحرين ااا اقصد الشرقيه
فهنا يجب عليك ان تعطيه الفلوس و انت ساكت لا تسأله عن ذهابه و لا عن ايابه ... حتى لو راح الى البحرين عادي انت المفروض انك واثق فيه
لضيق الوقت سوف انتهي من الاب لاتكلم عن الباقين عن الاطراف المعنيه في الموضوع
الام :
ايتها الام الحنون ... الي اذا بغى ولدك فلوس من الاب يجي عندك
اذا جا ولدك عندك و قالك ابي اسافر مع اخوياي و لا معي فلوس... و انتي زي العاده مطفره (( ما عندك فلوس )) فيجب عليكي ان تذهبي للاب
و تقولين له: يابو فلان ... عط ولدك فلوس و الا ما فيه غدا
نعم بهذه الطريقه و هذه اللهجه الاب مهب قادر يتحمل انه يقعد بدون اكل و بيعطيه فلوس
و لو قلتي له : ضف وجهك انت و خشتك وللاسف هذي الكلمه متوفره و بكثره
سوف يذهب الى ما ذكرناه انفا <<<<<< عاجبته انفا .... اقصد الى المخدرات عاد انتي و ضميرك
لو تأخر الولد مع اصدقائه لساعه متأخره ... و ريحته كلها دخان
لا تقولين ليه و ليش تتأخر .... لانه كان مع اصحابه و كانوا يدخنون ذلك اليوم و نشبت ريحت الدخان عليه
و من هنا احب ان اقول للام : لاتقولين لولدك لا لانه سوف ينهار عاطفيا
الاخت:
لاترفضين له طلب... وسوي له عصير يوم يطلبه منك
وكل ماقالك اكوي الملابس عشان الشغاله مشغوله لاتقولين له منيب فاضيه
واذا قالك جيبي لي مويه لا تقولين لآ ..
واذا قالك يلآ تعالي بخريني وهاتي العود لآتقولين لآ
واذا قالك اخوك وي لي بيض بالجبن و الا سندويش والا اي طلبات منتصف الليل لا ترفضين له طلب
والا سوف ينهار عاطفيا
و بيقعد على كبودكم في البيت و لن يتزوج
الزوجه :
يا ايتها الزوجه العزيزه ... يامن تحمل الحب و الحنان لزوجها <<<< مب كل وقت
اذا قالك ما فيه سوق لا تقولين : الا و و و و و و تنشبين في راسه
سوف يتعقد منك و راح يطلع من البيت و يذهب لرفقاء السوء و يتعاطى المخدرات <<<< على طول مخدرات ما فيه مقدمات ابد
في الاخير و ليس اخرا
متى ما قالك نروح السوق ذيك الساعه روحي
يعني (( مت ياحمار ليجيك الربيع ))
الصديقه :
نعم انني اتكلم عن الصديقه 
اذا عطاك الرقم لا تقولين لا وش ذا الكلام و و و و <<<<<<< يتحطم المسكين
و اذا قالك جوالي ما فيه شحن على طول اشحنيه
انتي تدرين بهذه الطريقه سوف تنتشلينه من الضياع و الهلاك بسبب المخدرات ؟
<<<<<<< يضف وجهه عمره ما نجا من المخدرات
و اخيرا في نهاية كلامي احب اقول للشباب المعرض للانهيار العاطفي عدة كلمات مفيده و مهمه في حياته اليوميه :
احب اقول له : لا عاد اشوفك تطبق اي شي من الي قلته تو بعد .. ما بقى الا الشباب ينهارون عاطفيا ... اقول ضف وجك انت و خشتك
شوفوا لو ادري ان واحد مسوي شي من ذا الكلام الي قلته ترا ابحش رجوله حش
بعد ما بقى الا الشباب ينهارون عاطفيا وش خليتوا للبنات هاه
<<<<<<<< قلبه على الشباب قويه
و في الختام احب اقول ان هذي بعض كلمات من خواطري الي مدري وش تبي
و اشكر كل من ساعدني على اتمام هذه المهمه الصعبه و التحليلات النفسيه الهامه
مع تحيات :
د. فروس الاحولني
| 
