انها حقيقة وليست خيال

نسيب في قلوبنا · 4-25-1432هـ, 01:26 مساء

انها حقيقة وليست خيال

الموضوع يا اعزائي القراء هو سالفة صارت لي و بالتحديد صيف 2004

السالفة صارت لما كان ولد عمي نايم عندنا

بدخل بالموضوع بدون بربسة

دخلت عنده و الا ابو الشباب نايم

ذا الكلام حوالي 8 ونص حولها المهم انه بدري مرررة بالليل طبعاً

انا ما استوعبت

صيف و نايم من 8 ونص

ما جازت لي السالفة قلت خلني اقومه

اول شي اتبعت معه الاسلوب الهادي

شغلت اللمبات و طفيت المكيف

فلان قم

قلان قم

شوي بديت اطبطب على كتفه

فلان يالله قم

فلان

و بكل الحالتين مافيه تجاوب

ولا حتى عبرني

الاسلوب الهادي ما ينفع

نجرب غيره

هنا سحبت المخدة من تحته

و دووووووووووووووووووب

دووووووووووووووووووووووووب

اطقه بالمخدة

فاصل :
____________________

يمكن البعض يستغرب من اللي صار فوق و وش ذا العنف و من ذا الكلام

احب اقول لكم اني انا وولد عمي هذا حالة استثنائية

يعني مرات نتماحط باحزمة جلد

كرابيج << اداة لضرب الخيل اما للتأديب او للحث على السرعه او للعسف والتدريب و كل استخدام له كرباجه الخاص

مرات سلك الشاحن

طبعاً كله مزح خاص بيننا انا وهو بس

يعني عمري ما مزحت مع احد زي كذا ولا هو قد مزح مع احد زي كذا

بس بيننا عادي مفيش زعل ولا طنقرة

نواصل

_________________________

بعد المجهود اعلاه تعبت

قلت له برب بروح اشرب موية و برجع الحين

انا شربت موية و الحمد لله اني ما جبت الكاس معي

رجعت له

اول ما فتحت الباب

دووووووووووووووووووووووووووووووووووووووووووب

المركى تمشي الفين و بوجهي

على فكرة تراها مب مركى خفيفة لا لا ثقيلة

طحت ونا افقع ضحك

جاني و يشوت فيني

و اضحك و اضحك

بعدها بشي 4 دقايق استوعبت اني انطق

رديت الهجوم و انا اضحك

بعد الفاصل المهاري اللي صار

دار هذا الحوار

ولد عمي : واحد نايم في حال سبيله تجي تقومه ليش

انا : ايه بس انت مستوعب اننا بالصيف و انت نايم لي من 8 ونص

ولد عمي : طــــــــيـــــــب مردودة

انا : عساك عالقوة

انتهى الحوار

طلعنا تو قيذر و مرينا خويي

الزبدة اننا تعشينا ثلاثـتـنا شاورما من ماما نورا

و رجعنا البيت الساعة حوالي اممممم

اظاهر انها يا وحدة نص او ثنتين

لاني جاني النوم صراحة

و بعد كان عندي محاضرة بكرة

نسيت اقول لكم اني كنت منزل ترم صيفي

كنت متعيجز اني ارقى انام فوق

قلت انام عند ولد عمي

انا : بتجلس ولا بتنام

ولد عمي : لا لا بنام " يتثاوب "

انا: طيب وش رايك تطفي اللمبات

ولد عمي : لا ودي اتفرج على التلفزيون شوي قبل لا انام

انا : براحتك بس لا تطول الصوت

شوي طول على التفزيون

و قام يسوي لي اكشنات

كل ما خلااااااااااص بنام

يطلع لي بشي

يا مشغل قناة اغاني و مطول عليه و الاغنية كلها قرقعه " طق و ازعاج"

اظاهر وقتها اول ما طلعت اغنية البرتقالة الله يحوم تسبد العدو

الزبدة مرت ساعة ونص لا قدرت انام

اخر شي ما بدهاش

تحاملت على نفسي و رقيت

_________

الساعة 9 و 45 دقيقة صباحاً

المكان غرفتي

فتحت عيني و احس بحرارة اول مرة تجيني زي كذا

اعوذ بالله حرارة يعني مدري وش اقول

ما اقول الا جعلها ما تجيكم ولا من يعز عليكم

حرارة مدري كيف اوصفها بس انها اول مرة تجيني

و عظامي كل عظمة تقول للثانية شيليه انتي لا لا شيليه انتي

نزلت و بكل اجهاد

و لبست ثوبي

و اقرب مستوصف

طبعاً كيف سقت مدري

بس الحمد لله وصلت المستوصف اللي جنبنا

جيت الاستقبال مافيه الا موظفة وحدة

انا : السلام عليكم

هي : وعليكم السلام

انا : لو سمحتي ابغى طبيب عام

هي: ما فيه الا طبيبه

انا : أي شي مب مشكلة

هي : طيب تفضل هناك >> وهي عيادة الطبيبة اللي رحت لها

______

داخل العيادة

هي :حاسـس بـإيــه

انا : حرارة و شكلها شكلها تسمم لاني متعشي شاورما امس

هي : طيب بطنك يوقعك

انا : لا

طيب تفضل على السرير عشان الكشف

بعدها جت ممرضة و اخذت ضغطي و درجة حرارتي

وسحبت مني دم عشان التحيليل
و عطتني مغذي

بنفس العيادة

انا على السرير و المغذي بيدي

اغفي دقيقتين كذا

و ارجع افتح

و على ذا المنوال

بس اذكر اني كنت اسمع كلام

لكن ما ركزت عليه

الكلام مب موجه لي لكن اسمعه لاني بنفس الغرفة

بعد شي ساعة الا ربع عزيزي القارئ بمجرد وصولك الى هذه النقطة

اكتب في ردك كلمة مندوزا كإثبات انك قريت الموضوع

المهم الحمد لله راحت الحرارة و جسمي الحين احسن بوااااااااجد

خلص المغذي

و طلعت احاسب

قالوا لي تعال بعد يومين عشان نتيحة التحليل

جيتهم بعد يومين مدرعم و ماخذ ولد عمي معي

وانا انتظرهم يجيبون ملفي

اسولف على ولد عمي و اقول له هذي العيادة و هذا اسم الدكتورة

لا لا شكله مب ذا المستوصف

انا اصلن مافيني شي بس بشوف انت بتخاف علي ولا لا

كل هذا و انا مغطي اسم الدكتورة واللي تحته

هنا تذكرت الكلام اللي اذكر اني سمعته بس ما ركزت عليه

كله تشكل قدامي وصار له معنى الحين

اكيد اغلبكم اذا مب الكل عرف وش اقصد

ايه صح عليكم

طبيبة نساء و ولادة

و الكلام اللي سمعته كانت تقول :

لأ انتي في الشهر الرابع و تأخرتي و لازم نبدا من بكرة و حديكي 13 قلسه

__________________

ملاحظة القصة حقيقية و ذكرتها كما صارت

ما يستفاد من اللي فوق كله :

1-فيه سباكين و يفهمون بالكهرباء

مثل ما فيه طبيبة نساء و ولادة و تفهم بالطب العادي

مب جاك اللي في لوست احسن من المصرية اللي في المستوصف

2-اذا بغيت تجيب نتجية التحليل مب لازم تاخذ معك ولد عمك.

3- انتبه تجاوب على اي سؤال باجابه مثل اللي جاوبتها على موظفة الاستقبال

5 - تعاونك مع رجال الجوازات امانة فحافظ عليها .

^
^
كيفي موضوعي و احط ترتيب الارقام اللي يعجبني

ملاحظة :

متعمد اخلي الموضوع بالصورة هذي بدون اي اضافة او استهبال حبيت انقله كطرف محايد كما حدث بالضبط

7

7

7

7

7

7

7

7

7

7

7

النوخذهـ · 4-25-1432هـ, 01:43 مساء

أهلين ،،

يعطيك العافيه اخوي نسيب

فعلاً موضوع رائــع

خخخخخخخخخخخخخخخخخخخخخخخخخخخخخ

ينعن ام الفله يا حسام بيني وبيك حلوه زي هالمواقف
بس تدري عاد كان عندي قريب نفس هالموال انا وياه مافيه اي حزازيه بيننا

الحين تدري ما أكلمه

لا حول ولا قوة الا بالله والله دنيا تضيق الصدر

بعدين يا اخوي انت وياه منتب صاحين بحزام خيول يا كافي

الله حوالينا ولا علينا بس

الا اقول لك نسيب

انت في اي شهر

لوووووووول

استمتعت فيها والله مع ان مافيه اضافات

يعطيك العافيه خيـــووو

*عـ$ــازف جيــتــ$ــار* · 4-25-1432هـ, 01:45 مساء

ههههه الله يقلعك بنتظار جديدك

*عـ$ــازف جيــتــ$ــار* · 4-25-1432هـ, 02:18 مساء

نسيــب بس حبيت استفزك بردي الاول

إقتباس


	انها حقيقة وليست خيال

شف من كاتب القصه وتعرف هي صدز ولا خيال

إقتباس


	الموضوع يا اعزائي القراء هو سالفة صارت لي و بالتحديد صيف 2004

قهر انك طالب في جامعه سعوديه

.. فاشل في السواليف

إقتباس


	بدخل بالموضوع بدون بربسة

ايييه ياجعلك منيب قايل .. فالح في بربست مواضيع غيرك

إقتباس


	[color="DarkRed"]ولا حتى عبرني الاسلوب الهادي ما ينفع نجرب غيره هنا سحبت المخدة من تحته و دووووووووووووووووووب دووووووووووووووووووووووووب اطقه بالمخدة

هههههههههه ودي اخليك تقوم النوخذهـ مرهـ

إقتباس


	طحت ونا افقع ضحك جاني و يشوت فيني و اضحك و اضحك بعدها بشي 4 دقايق استوعبت اني انطق

هههههه مشكله الي جالس يصيح ويقول كنت اضحك ودموعي من الفرحه .. حركات ابتدائي ماتمشي يانسيب

إقتباس


	طبيبة نساء و ولادة و الكلام اللي سمعته كانت تقول : لأ انتي في الشهر الرابع و تأخرتي و لازم نبدا من بكرة و حديكي 13 قلسه

ههههههههههههههههههههههههههههههه نسيب ذكرتني بـ جـ ........ في المسن

لووووووووووووووووووووووووووووووووووووووووووووووووو ووووووووووووووووووووووووووووووووول
عموما الله يجعلها ذريه صالحه مصلحه

والله يعينك على الالتزامات حقت البزارين مره مكلفه ^_^

الله يعطيك العافيه اختي نسيب لوول موضوع بكل صدق استمتعت وانا اقراهـ وكنت انتظرهـ على أحر من الجمر بس وش اسوي صبرت صبرت وفطرت على بصله لووووول

الفارس الاحول · 4-25-1432هـ, 03:28 مساء

اول شي احب اقول ذي الكلمه الي مدري شي
كمديراز ؟
هي كذا والا لا .... يووووووووووووووووووووووووه طيب لازم اسوي قص و لصق

(( مندوزا )) <<<< وش رايك فيني يكفي ذا الرد خخخخخخخخخخخخخ

يله نجي لاقتباس العجازين

بسم الله

انها حقيقة وليست خيال
و عليكم السلام
هههههههههههههههههه ما صدقت على طوووول تكتب الموضوع تخاف تنساه خخخخخخخخخ

من شفتك تكبت موضوع ما صدقت شكل السالفه كلها خيال خخخخخخخخخخخخخ

((دخلت عنده و الا ابو الشباب نايم

ذا الكلام حوالي 8 ونص حولها المهم انه بدري مرررة بالليل طبعا¡


		~{ أســــــــرآإأار ..! (اخر مشاركة : انـتـهـيـنـا - عددالردود : 14 - عددالزوار : 54 ) » كًـلّ عًضَوٍ يٌدْخِلُ وّيٍكًتِبّ بٍيْتُ شّعًرٍ يُعّبْرً عًنٍهَ بٍآلٍلًحّظٍهْ هُذًي (اخر مشاركة : mgroo7 - عددالردود : 5123 - عددالزوار : 75374 ) » سجل حضورك بإسم سيارة (اخر مشاركة : mgroo7 - عددالردود : 5354 - عددالزوار : 11513 ) » سجل حضورك ][آخــر شي أكلته][ (اخر مشاركة : mgroo7 - عددالردود : 6313 - عددالزوار : 14960 ) » سجل حضوركـ بإحـدى ][ .. قرى الخليج ..][ (اخر مشاركة : mgroo7 - عددالردود : 3933 - عددالزوار : 8683 ) » °¨¨™¤¦ لو اإن [القــلوؤب ] تهدى لاأإهديت لك [قلــبي ] ¦¤™¨¨° (اخر مشاركة : mgroo7 - عددالردود : 31 - عددالزوار : 234 ) » أدخــل وعتــرف لـنا اليوم بشي (أي شي)ههههههههاااي (اخر مشاركة : mgroo7 - عددالردود : 19323 - عددالزوار : 60955 ) » سـ ج ـل حضوركـ اليومي بـ ح ــالتكـ النفسيهـ ! (اخر مشاركة : mgroo7 - عددالردود : 2585 - عددالزوار : 6545 ) » بريــد الأعضــاء في الداخل يوجد لك رســـالة... (اخر مشاركة : mgroo7 - عددالردود : 8937 - عددالزوار : 31816 ) » الهلال والنصر و ( كأس العالم للأندية ) ..! (اخر مشاركة : mgroo7 - عددالردود : 15 - عددالزوار : 56 ) »