ليـش الكـل صـار يعتبـر الشـاب السعـودي إنسـان هدفـه بس ترقيـم ؟؟

ابوشوشه_الملكع · 10-23-1389هـ, 04:52 صباحاً

الــســلام عــلــيــكــم ورحــمــة الله وبــركــاتــه

قريت ها القصه وابي رايكم فيها ...؟؟؟

قصه شاب مع امه شفوا وش صار له .....!!!!

يتكلم ويقول

أمـس بالليـل دخـلت مع الوالـدهـ وبنـت عمـي للفيصليـه دخـلوا لأحـد المحلات وكـان فيه قسميـن ( رجالي - نسائي ) ,

هـم دخلـوا النسـائي أنـا دخـلت الرجـالي , طلعـوا وأنـا لسـى جالس في القسـم الرجـال , شريت كم غـرض وطلعـت الوالـدهـ وبنـت عمـي صـاروا ماشيـن قـدام , مشيـت بألحقهـم , ويمسكنـي السيكوريتي وقـال بالحـرف
: ( هي , أنت وين رايـح أنت ؟؟ ) رديـت عليـه قلـت رايـح أرقـم , وإلا أغـازل , ياخـي رايـح لأميمتـي أتسوق معهـا , رد علي بـرد نرفـزني ( أنت جـاي ترقـم أجـل , أمـك أنـت داخـل لحـالك ما معـك أحـد ويـن أمـك ذي خلهـا تجـي تشيلـك ) , قلـت لـه أنت ما تستحـي على وجهـك سيكورتـي مثل قلتـك أجـل أنـا أخلي أمي تاخذني متى صـارت الأم تـاخذ ولدهـا ؟ المهـم إتصلـت على الوالـدهـ وقلـت لهـا تعالـي ذا الـ ..... مو مخلينـي أجيكـم , شوي ويمـر جنبـي لبنـانيين أثنيـن بايـن عليـهم الكشخـه والزكرتـه , ولا كلمـهم السيكورتي ولا قـال لـهم كلمـه وحدهـ , أنـا شفـت المشهـد هـذا وتقفـل معــي ,

قلـت لـه : وراكـ ما كلمـت هاللبنـاني واللي معــاهـ ,,
قــال وبكـل بـرود : أنـت سعـودي وهـو لبنـاني !!!!!!!!

قلـت وش إسمـك أنـت الشرهـه ماهيب عليك على اللي يدخـل بطريقـه محترمـه مرهـ ثانيـه ,
أخـذت أسمـه والله يعيـن ع اللي بيصيـر ,
الملخـــص : ليـش الفكـرهـ لازالــت سيئـه عــن الشبـاب السعـودي , وليـش مراكـز التسـوق ممنـوعـه إلا بمحـرم ؟؟
ليـش الكـل صـار يعتبـر الشـاب السعـودي إنسـان هدفـه بـايخ هدفـه بس ترقيـم ؟؟

حتـى الرجــال صـار لازم لـه محـرم ؟؟؟

من جد شي غريب وعجيب يعني اللبناني حلال والسعودي حررام!
ليش دايم الشباب السعودي مظلوم وليش دايم نشك فيه بالمعاكسات لما يروح السوق؟
وهل تصرف السيكوريتي كان صحيح ؟؟؟

جـريـح الـوقـت · 10-23-1389هـ, 11:13 صباحاً

لا والله موصحيح لكن وش تقول البيت بيت ابونا والقوم طردونا على قولت المثل الشعبي ......

ولك ان تعلم اخي ابو شوشة ان القلة من الشباب السعودي افسدوا الكثير على البقية الباقية وهذا ما يحصل هذه الأيام ولا حول ولا قوة الا بالله .....

يعطيك العافية على الموضوع وتقبل أجزل الشكر...

ابوشوشه_الملكع · 10-23-1389هـ, 02:41 مساء

جريح ميرسي ع ردك ياقمر

همسة شوق · 10-23-1389هـ, 12:12 صباحاً

خلينا صريحين مع بعض هذا هو الواقع
انت جريح بتقول القله بس في مثل يقول الخير يخص والشر يعم
هذه القلة شوهة سمعة الشاب السعودي مثل القله من الي يسافرو اعطو صوره سيئه للاسف لكم يالشباب
والله من جد حتى المحترمه ماتترك في حالها منكم يالشباب سوء المتسوقين او اصحاب المحلات
اذكر لكم قصة حدثة لي اول ماتعينت في قريه وكنت مغتربه ما معي غير امي وكنت اقضي مقاضي بنفسي وشي طبيعي اني احتاج المكتبه وكنت باستمرار اتردد للمكتبه كان صاحب المكتبه كل مره بيضع مع الاغراض بطاقة (كرت )المكتبه فيها جولاته انا مااهتميت بها فشكل يائس او افتكر مافهمت الحركه اخر مره كتب رقمه بخط اليد مع جملة ارجو الاتصال طبعا هو سعودي للاسف والله لو الحاجه ماكان عرضت نفسي للمواقف مثل هذه سوء منه او من غيره ،
للاسف فكره واتخذت عنكم وتحتاج وقت علشان تتغير هذه الفكره وبيدكم تغيرونها
مشكور ابوشوشه على طرحك الجيد للموضوع ويعطيك العافيه ربي

ابوشوشه_الملكع · 10-23-1389هـ, 10:59 صباحاً

همسة شوق طيب دامك قلتي خلينا صريحين اوك انا بصير صريح معك

البنات الي بالاسواق كلهم نيتهم يتقضوون ؟؟ او يشترون ملابس ؟؟؟

والبنات البووي الشاذات ( لزبين ) ؟؟؟؟

وانا كنت واقف عند بوابة سوق المملكه انتظر جدتي الله يطول بعمرها تجي تدخلني جو عندي قروب بنات قالو لي يابوشوشه تبغى ندخلك وكنت لابس ثوب وكاب يعني لبسي عادي ؟

وش معنى هالحركه ؟؟؟؟

همسة شوق · 10-23-1389هـ, 02:37 مساء

إقتباس:

المشاركة الأصلية بواسطة ابوشوشه_الملكع

همسة شوق طيب دامك قلتي خلينا صريحين اوك انا بصير صريح معك

البنات الي بالاسواق كلهم نيتهم يتقضوون ؟؟ او يشترون ملابس ؟؟؟

والبنات البووي الشاذات ( لزبين ) ؟؟؟؟

وانا كنت واقف عند بوابة سوق المملكه انتظر جدتي الله يطول بعمرها تجي تدخلني جو عندي قروب بنات قالو لي يابوشوشه تبغى ندخلك وكنت لابس ثوب وكاب يعني لبسي عادي ؟

وش معنى هالحركه ؟؟؟؟

لاماكلهم نيتهم يتقضو صدقت في هذا الشي
بس انا بتكلم على الفتاة المحترمه التي تخرج للضروره بتتعرض الاذيه منكم ليه ؟؟؟؟
في فرق بين بنات بيخرجو للضروره وبنات بيخرجو مضيعه للوقت وللعب انا عن نفسي ما احب السووق مو لي من الي يحصلي فيه من مضايقات ياليتها على الترقيم بس تعدت افضع من كدى مره في شخص بالقرب من مركز تجاري كان معه جوال بكمير ويحاول يصورني وانا داخل محل شفت الذنا فين وصلت في الشباب ،
بعدين اذاكانت البنت ناقصه عقل وهي خارجه تبي الاذيه من الشباب طيب الشاب فين عقله وشخصيته ليه يتاثر وينقاد وراءها لو مايبي يرقم ماكان ركض وراها هو اصلا له غرض في ذلك لقاه فرصة جات الى حد عنده يرقم ويتفاخر عند اصدقائه انه رقم كم بنت اليوم صح ولا ،الغلط هو يقع على الطرفين من البنات والاولاد طبعا من الكل الا من رحمه الله عزوجل هذه وجهة نظري واختلاف وجهات النظر لايفسد ود القضيه .
دمت بخير

دمعة قمر · 10-23-1389هـ, 02:06 مساء

كلام همسة شوق صحيح وأنا معها في كل اللي قالته

وهم أنا معك ياأبو شوشه صدقت والله في بنات تروح للأسواق مو قصدها تقضي أو شي

لا والله قصدها توسع صدرها وتتلفت يمين يسار لما تلقى لها واحد وتروح وتجي

كأنها تطيب معرس

للأسف ان القليل يفسد الكثير

والله يهدي الجميع

ابوشوشه_الملكع · 10-23-1389هـ, 02:58 مساء

إقتباس:

لاماكلهم نيتهم يتقضو صدقت في هذا الشي
بس انا بتكلم على الفتاة المحترمه التي تخرج للضروره بتتعرض الاذيه منكم ليه ؟؟؟؟
في فرق بين بنات بيخرجو للضروره وبنات بيخرجو مضيعه للوقت وللعب انا عن نفسي ما احب السووق مو لي من الي يحصلي فيه من مضايقات ياليتها على الترقيم بس تعدت افضع من كدى مره في شخص بالقرب من مركز تجاري كان معه جوال بكمير ويحاول يصورني وانا داخل محل شفت الذنا فين وصلت في الشباب ،
بعدين اذاكانت البنت ناقصه عقل وهي خارجه تبي الاذيه من الشباب طيب الشاب فين عقله وشخصيته ليه يتاثر وينقاد وراءها لو مايبي يرقم ماكان ركض وراها هو اصلا له غرض في ذلك لقاه فرصة جات الى حد عنده يرقم ويتفاخر عند اصدقائه انه رقم كم بنت اليوم صح ولا ،الغلط هو يقع على الطرفين من البنات والاولاد طبعا من الكل الا من رحمه الله عزوجل هذه وجهة نظري واختلاف وجهات النظر لايفسد ود القضيه .
دمت بخير

طيب وش معنى الحركه الي قلتها انا مارديتي عليها اختي

وبعدين افهم من كلامك انو اي شاب بالسوق نيته ترقيم ؟؟؟
طيب اذا كان من خارج المطنقه وجاء للرياض مثلا وراح للسوق ونيته يوسع صدره ويتفرج على السوق هذا وش ذنبه ؟؟؟

همسة شوق · 10-23-1389هـ, 10:30 مساء

إقتباس:

المشاركة الأصلية بواسطة ابوشوشه_الملكع

طيب وش معنى الحركه الي قلتها انا مارديتي عليها اختي

وبعدين افهم من كلامك انو اي شاب بالسوق نيته ترقيم ؟؟؟
طيب اذا كان من خارج المطنقه وجاء للرياض مثلا وراح للسوق ونيته يوسع صدره ويتفرج على السوق هذا وش ذنبه ؟؟؟

اهلين ابو شوشه
بالنسبه ماذكرت هو فعلا حاصل موجود في المجتمع
وخصوصا عند الملاهي العائليه والجالسات بتلقى البنات بيدخلو الشباب للاماكن العائلات مقابل مبلغ من المال او صحبه وناسه معهم هم صحيح قله بس بيشوه سمعة الكل مافي شي بيجي من فراغ ما الذي دفع هولاءالفتيات الى هذا الطريق
الاجابه لها تاخذ وقت ونخرج عن موضوعنا الاصلي يمكن معك اخطئو العنون افتكروك من الشباب المتسكع ،
انتهينا مو كل سعوديه ماخذه فكره عنكم بهذه الصوره اصبع يدك ماهي مثل بعض مثل مافي عضو فاسد في المجتمع وهم قله ان شاء الله ايضا في المقابل في عضو صالح ونقف احتراما له وناخذ بيده ونسعى معه الى الافضل له ولنا عندك انا مثلا ما اعم الفكره على الكل بدليل ماحدث معي كنت انا وزوجة اخي راجعين من السوق ونريد ان نقف ليموزين وصل عندنا سياره اكتشفت زوجة اخي انه سعودي قالت لالالا ما نركب معه انا تضايقت وزعلت منها وقلت خير وان كان سعودي ليه مانركب معه مايدور على رزقه راح صاحب اليموزين اخذ لفه ورجع لنا انا صممت انا نركب معه فتحت الباب وقلت له على العنوان المطلوب تعرفو وش كان ردت فعله قال ماني موصلكم انا سعودي ومرجعكم انكم تركبو مع سعودي
عاتبت زوجة اخي وقلت لها من حقه والله يسمعنا هذا الكلام من كثر الوظائف الحكوميه تاركها جاء يضيع وقته في اليموزين ،
تبقى مسالة الترقيم والمعاكسات حاله نفسيه شخصيه وظاهره اجتماعيه فشخص سوء البنت او الولد لو احترم نفسه وبعد عن الشبهات والله يجبر الاخرين ان يحترموه ويفرض اعجابهم به والله يهدي الجميع ،
وعذرا عن الاطاله دمتم بخير

أمير الذوق · 10-23-1389هـ, 06:03 مساء

مراحب

والله يا ابو شوشة كل يوم عن يوم تثبت انك بطل والله طرحك للمواضيع في الصميم وانا ما ازود على نقاشكم شيء لاني منشحن من ذا اللي يصير

بعدين اللبناني على قولتك ما يضايق احد هم اللي يضايقونه هذا ظنهم

ودمت في رعاية الله