السلام عليكم ورحمة الله وبركاته ..

انشاء الله تكونون بخير وصحه وسلامه ع الجميع ..

حبيت افتح موضوع للنقاش مهم جدا منتشر عندنا يالخليجيين ..


موضوع (( الاهتمام بالمظاهر اكثر من باقي الاشياء ))


ليه نهتم بالمظاهر اكثر من اهتمامنا بالدراسه مثلا او اهتمامنا بشي

ينفعنا فمثلا الدول العربيه غير الخليج مركزين اهتمامهم ماشاء الله

بالدراسه والتحصيل العلمي يعني يهتمون بشي مفيد ..

اما احنا يالخليجيين للأسف نهتم بالمظاهر ((ايش قالت وايش حطت )) ولا

ايش تبغين يقولون الناس عنا !!!!!

مع العلم هالكلام موجود بدول الخليج اكثـــر من غيرها.



فأغلب الشباب يهتمون بالسيارات(( يركب جنوط ويلصق زينات ويحط ويشيل و و و و )) يغث اهله!!

ويمرضهم بكثر طلباته ... صدقوني الاهل يتضايقون اذا طلبتوا شي

ومايقدرن يلبونه لكم !!

طبعا مايبغون عيالهم يطلبون شي ومايقدرون عليه ولا خاصه اغلب

طلباتهم مظاهر.. والله تلاقيه يحرم نفسه من اشياء ويشتري شي علشان

الناس تشوفه ويمدحونه ..

واجيب لكم قصه لشخص يقول كنت اركب سياره عاديه جدا واذا وقفت في أي

مكان وشفت شخص مار اسلم عليه وماحد يرفع يده ولا معبره ليه !!

لهــذه الدرجه مايسلم عليه علشان مو من مستواه !!!

ولما شرى سياره مرسيدس جديده صار الكل يسلم عليه ويرحب فيه ..

ماقلنا شي اهتموا بمظاهركم بس لايغطي على اشياء مهمه بحياتكم..

والله مافرق النــاس الا المظاهر .. لو يهتمون بشي ينفعهم بدينهم كان ابرك ..


فسؤالي يقول:

س1/ ليه الخليجيين يهتمون بالمظاهر اكثر من اي شي ثاني ؟؟؟!!



وتقبلـــــــــوا مشاركتي وانا شاكر للي يرد ..

||

والله كشخه الموضوع ..

آظن المظـآهر والشكـل الخـآرجي مهم عـند الكـل ,, !

والحمـد لله يعنـي الخليـج بشكـل عـأم نـآس شـأيفـه نعمـه وخـير

مقـآرنهـً بالغيــر ..

وهذآ الشي اللي خلآنآ نركـز على هالشـي وآيـد ..

وآحس هالشي صار عـآده عندنـآ ..

||


آلف شكرر يااحلوهـ

سلام


ما أعتقد أن كل الخليجيين يهتمون بالمظهر....بزياده....


يمكن الشباب بالذات بس مو كلهم .....يعني أنا بوجهة نظري إن الي يهتم بمظهره مرررررررررره ما عنده سالفه....


يعني تشوفين وحده ماشية بكل ثقه وكاشخه علىالاخر ويمكن في غير مكانه واتكلمي معها ربع ساعه تتفاجئين إن


أنها مو واثقه بنفسها وما تعرف تتناقش او تتحاور وثقافتها ولو كانت تدرس زيرو....

طبعا مو الكل.....



لكن أن أشوف إن فيه أشياء أهم في حياتنا تحتاج إنا نفكر فيها وما نحصر إهتمامنا بالمظهر....





والله الواحد إذا واثق في نفسه طبعا مع اهتمام معقول بمظهره ......ماراح يهمه الناااااس









تحياتي