جت الشرطه للمينا اللي كان يشتغل فيه يحيى وسألا عنه وقال رئيسهم إنه فصل من الشغل وطلبوا شهاده الباقين اللي كانوا موجودين ذاك اليوم اللي لقا فيه واحد مهرب بالشاحنه ويوم حققوا معهم كلهم محد قال شي فزع صالح خوي يحيى وقال أنا كنت موجود وعلم بكل شي شافه
* *
يحيى راح يدور شغل وكان فيه ناس كثار مقدمين على هالشغل وكان من بين الموجودين شايب حالته لله قال يحيى وش جايبك في ذا قال أنا محتاج شغل ومحتاج فلوس لأن بنتي بالمستشفى وعيالي ذبحهم الجوع وحالتنا لله بعد كذا جا المعلم وإختار من اللي مقدمين على الشغل كذا واحد من ظمنهم يحيى ولكن يحيى راح للمعلم وقاله إختار هالشايب بدالي هو بحاجة الشغل أكثر مني ---> فديت اللي يضحي بنته مريضه وحالتهم حاله قال أنت صآآآحي هالشايب له قدره يشتغل قال ماعليك بيشتغل وإنا المسؤل وراح وطير عليه الشغل عشان هالشايب ---> فعلا أهم شي الأخلاق
صالح راح قدم إستقالته وقال خلاص أنا من بعد يحيى مالي قعده عندكم
عمر راح لمركز التدريب حق التسويق كله عشان يشوف رفيف ورفيف وجهها ألوان وماودها إنه جا * *
أبو عمر وزوجته ولميس ومراد يتغدى بمطعم وطول ماهم قاعدين وهم مدح بالمطعم وصاحبه مراد سأل لميس عن الفرس لأنه كان تعبان قالت والله له كم يوم تعبان وأنا قلقانه عليه
عمر قعد يتميلح ويعطي دروس بفن التسويق وقال طيب خلونا نطبق الكلام اللي قلته الحين راح أختار أحد منكم وإختار رفيف عاد سوا نفسه زبون وإختار جاكيت وقال منو ألوان قالت إيه قال المدرب حقهم لا مافيه قال طيب إختاريلي جاكيت وراحت لبقت له جاكيت شتوي على بلوزه صيفيه وقعد يتطنز فيها وضحك عليها الموجودين
صالح راح ليحيى وقاله إنه قدم إستقالته لأنه ماعاد يقدر يتحمل الشغل بدون خويه وقعد يحيى يشكي له الحال إنه تردى مرره وإن ماعاد عندهم فلوس حتى الكهرب ماسددوه قال صالح إن فيه واحد مواعده بشغل بس بمنطقه بعيده مررره وإن بكره التقديم حقهم * *
لميس راحت تزور الفرس ولاحظت إنه مرره تعبان وقال العامل حقهم إن الدكتور يشوفه كل يوم
لميس وأمها بالساونا وأنواع التمصلخ وأمها تقول : لها وراك ماتوافقين على مراد وش ناقصه ألف بنت تتمناه وبعدين ترى ماعاد أنتي صغيره كلها كم سنه وتقل فرصتك بالزواج وتعنسيين وتطيحين بكبدي قالت : يمه سكري الموضوع أنا ماراح أتزوج إلا عن حب
يحيى عازم رفيف بمطعم ويوم أكلو قال وش رايك نحلى وطلب صحن حلو ويوم جت الفاتوره ولين ماعنده فلوس قالت رفيف خلاص أنا أدفع وهو ينقهر مرررره ويقول إيه صح نسيت إني اليوم دفعت الفاتوره ومامعي شي وهي تقوله وش يصير لو دفعت أنا الحساب دايم أنت اللي تدفع وبعدين أنا م شريكتك ولا شو وبعدين بكرا إذا رحت شغلك الجديد من وين لك فلوس المواصلات قال أروح مع صالح وقعد يخمها ويقول أنا بحبك ودي أخليك أسعد وحده بالعالم
* *
عائله أبو عمر قاعدين يسولفون وأبو عمر كالعاده يسب الجيل والحياه والحياه ويقول قبل أحلى وأزين ومادروا إلا ومراد داخل عليهم
أبو عمر وعياله ومراد قاعدين يتفرجون على فيديو لهم زمان أول ماشروا الفرس ومادروا إلا وعامل الإسطبل داخل عليهم ويقول إلحقوا الفرس مررره تعبانه وعلى طول يروحون يشوفونه
لميس قررت تنام عنده وامها تقول إرجعي مهنا إلا العافيه وهي تقول لا ماراح يجيني نوم وهو تعبان كذا قال مراد خلاص أنا بقعد معك أنا أفهم بالخيول قالت أوك قالت أم عمر لمراد شكرا لأنك قبلت دعوتي اليوم على الغدا ----> يعني الأم بتلصقه ببنتها غصب
* *
رفيف وإختها بغرفتهم وتقول لإختها إن يحيى بيروح بكرا يقدم على شغل جديد بس راح يكون بمنطقه بعيده ومامعه فلوس وإختها تستخف دمها وتقول وشلون عمر للحين تشوفينه ورفيف إنقهرت منها
لميس ومراد بالإسطبل قالت لميس توقعت إنك تاخذ مني موقف بعد ذاك اليوم أنا أسفه أنت تستاهل وحده أحسن مني أنت عارف إن كل البنات منهبلين عليك قال : أنا ماعلي من البنات أنا أحبك أنتي وبس قالت أنا اللي غريبه قال تدرين وش الفرق بيني وبينك ؟ الفرق ( إني أنا عارف شو بدي بكن إنتي مابتعرفي شو بدك )
* *
يحيى وصالح راحوا للشغل الجديد وقبلوهم وقالولهم إن الشغل هنا أحيانا يطول وماله موعد ثابت قالوا خلاص وبدو الشغل
لميس صحت من النوم ولقت الفرس طابت ومافيها إلا العافيه وقامت تخمها
رفيف خلصت دورتها والتنائج راح تطلع خلاص وقال المدرب إنهم راح يسوون حفله وكل واحد يجيب أحد معه لو حب عمر طلب تنائج الدوره عشان يشوف عدت رفيف ولا لا * *
رفيف راحت تقابل يحيى بمكانهم اللي دايم وسألته وش صار على الشغل وهو كان مبين على وجهه إنه ماحصل شغل وهي تواسيه وتقول عادي ومادرت إلا وهو يضحك ويقول لقيت شغل وكان فرحان وبهالمناسبه كان جايب شاورما وعصير ويقول تذكرين ذاك اليوم الإثنين اللي قاعدين بمكانا الحين وياكلون قلت خلنا نسوي مثلهم
عمر يقول لأحد اصدقاءه واللي يشتغلون معه بالشركه إنه يحب وحده من المتدربات ومادروا إلا ولميس ومراد داخلين عليهم قال إسكت جت لميس هاذي تفهمها على الطاير
* *
صالح كان بالقهوه وكان زوج إخت يحيى سكرااااان ويسب بالموجودين قاله صالح ياإبن الحلال روح لبيتك يكفيك شرب وذاك يقول مالك دخل حتى صاحب المطعم ماسلم من لسانه وبعدين وصله صالح لبيته وفتحت زوجته ودخلته سلم صالح عليها وكان منقهر على الوضع اللي عايشته ويسمع زوجها وهو يناديها ويلعنها ويوم سكرت الباب مايسمع إلا ضربه بزوجته وهي تصارخ وتصيح صالح إنقهر مررررره
يحيى بالشغل ورفيف خلصت دورتها وكان مواعدها يشوفها مادرى إلا وأحد العمال جايه ويقول ترى اليوم بنطول بالشغل لأنا ننتظر شاحنه ماجت لسى قال يحيى وش هالحاله أنا مواعد رفيف الحين وشلون خلاص أبروح أكلمها على الشغل دق وردت الموظفه وقال إن المتدربين طلعوا خلاص ومابقى أحد
رفيف كانت تنتظر يحيى وشافها عمر وأصر إنه يوصلها وطلعت لميس من الشركه وشافت رفيف وهي تركب مع عمر وعيون لميس صارت كذا
رفيف راحت الصبح دوامها وهي بطريقها للباص شافت يحيى وكان واضح عليه إنه ندمان على اللي الكف اللي عطاهياه ولكنها طنشته وركبت المكرو على قولتهم وسحبت عليه
عمر نادى مدير عنده بالشركه قال أبغاك تجيبلي معلومات عن شخص وماأبي أحد يدري ---> يقصد يحيى قال المدير إزهلها
* *
يحيى وصالح قاعدين بمكان كله سيارات مقربعه ودردعات ويحيى يقول أنا وين ضربتها ليتني مت قبل لا أمد يدي عليها قاله صالح أنت غلطان وهي بعد غلطانه ولا وش جاب طاري الشاورما ---> فيس كاتم الضحكه قال يحيى والحل قاله صالح أنتم تحبون بعض لا تخلون مشكله زي هاذي تفرق بينكم لازم تتزوجون قال يحيى لكن أنا منتوف ولا عندي فلوس قال ماعليك أنا عندي فلوس بالبنك خذهم وروح إستأجر البيت قال يحيى لكن مقدر أرجعهم لك قال تفداك ياصديقي --------> أبي أصير صديقته
* *
رفيف وهي بالمحل جتها عجوز غثيثه شافت بلوزه قالت أبي مقاسي وتروح رفيف وتعطيها مقاس غلط قالت وراك تعطيني مقاس غلط وش قصدك قصدك إني دوبا قال لا يابنت الحلال قالت طيب أبي لون أحمر قالت رفيف مافيه قالت روحي المستودع وطلعيلي وبهالوقت يحيى دق على رفيف عشان يتأسف منها ويرقع اللي سواه ويوم ردت رفيف سكت وسكر الخط والعجوز أم أحمر قبست ---> تبيها من الله قالت وش هالبياعه خلاص أنا إنهنت ماراح أدخل المحل غير مادخلته وطلعت جا المدير على لجتها وهزئ رفيف
لميس شافت اللي صار من بعيد وراحت لرفيف وقالت تعالي مكتبي ويوم راحت قالت أنا عارفه إنك بحاجة الشغل بس هاللي سويتيه مع الزبونه مانرضاه أبد قالت إعذريني أنا أمر بمشاكل قال لميس مشاكلك لها علاقه بالحب قالت إيه فقالتلها لميس قوليلي إيش المشكله يمكن أساعدك قالت لا عادي وتأسفت وطلعت
* *
لميس طلبت المشرفه اللي بالمصنع وقامت تحقق معها عن رفيف وقالت لها إن هالبنت مخطوبه وإنها كل شوي وهي رازه عمرها عند السيد عمر هذا غير التوصيل المجاني طبعا لميس إنقهرت وراحت لأخوها ولعنت خيره وقالت أنتي متى بتعقل لعبت ببنات خلق الله كل يوم مع وحده هذي بالذات إتركها لأنها مخطوبه تدري إنك سببت مشكله بينها وبين خطيبها قال خليها تتركه ماراح تكون مو أول وحده تفسخ خطبتها
رفيف طالعه من الشغل مع صديقتها تتحلطم وتقول اليوم تهزأت وقبل لا تركب المكرو إلا ويحيى واقف قدام المصنع لكنها ماعطته وجه وركبت وقال لصديقتها والله ماأسامحه خله ينقلع الحيوان الحقير أبو شنب ---> من عندي ويوم راحوا السوق قالت لها إنه ضربها قالت صديقتها خليه يولي كلش ولا الضرب عـــاد
أبو عمر و زوجته ببيتهم وعيالهم يلعبون تنس قدامهم وكعادته أبو عمر يهايط عند زوجته ويقول خلاص حنا شركتنا بتتعامل مع شركات إيطاليه وسمعتنا كل ومالها أحسن قالت زوجته كويس وواضح إن بالها مو معه نهائي ويوم خلصوا عيالها مسكت لميس وقالت وراكم كنكم تتهاوشون ماتلعبون قالت مافيه شي
* *
صديقة رفيف راحت تزورهم ويوم جت تطلع قالت أمها تدرين إنها زعلانه من يحيى قال صديقتها بس هالمره الحق معها كلش والله الضرب و أم رفيف صارت عيونها تسذا وقامت تهاوش بنتها ومسحت فيها البلاط قالت ليش ساكته يعني هو مستضعفنا لأن ماعندنا رجال وكانت ناويه تلعن خيره لكن بناتها هدوها
أم عمر حشرت بنتها لميس وقالت قوليلي وش صاير بينك وبين عمر قالت مهنا شي يمه بس ولدك هذا ناوي يفضحنا كل شوي وهو مع وحده قال الأم عادي هذي عوايده قالت بس هالمره هو حاط عينه على وحده تشتغل عندنا بالمحل والبنت فقيره ومنتوفه والأهم إنها مخطوبه وولدك سبب مشكله بين البنت وخطبيها قالت ماعليك أصلا هي لو ماكانت رخيصه كان ماإندلقت عليه وبعدين أكيد إنها حاسبه حسابها
رفيف صحت من النوم بالليل وراحت وفتحت شباك غرفتها وتلقى رساله ويوم ناظرت ولا يحيى واقف سكرت الشباك ويوم راح أخذت الرساله لكنه شافها وعاد مضمون يتعذر منها ويقول إنه إشتاق لها ومايقدر يعيش بدونها والدبلجه كانت قمه بالمسخره
* *
زوج فخريه (إختك يايحيى ) صحى من النوم ويناظر زوجته وندمان إنه ضربها وقام يمسح على راسها وحط على الطاوله فلوس لها وطلع
مدير المحل طلب من رفيف تودي جاكيتات لعمر لأنه هو طالب منهم هالشي وراحت رفيف وقعد يقولها أنا أسف على اللي صار ذاك الليله وهي تقول أنا اللي ماكان المفروض إني أجي ومادرى إلا وأمه طابه عليهم وقامت تمدح فيها وتقول حلوه هالبنت ----> ( الله ماشفناه بالعقل عرفناه )
مراد جايب معه وحده هي وسنونها كنها فار راحوا للميس وقالوا لها إنهم راح يسوون دعايه لعطر جديد للشركه وراح يحظرون حفل الإفتتاح ناس كبار ووفد من إيطاليا
أم رفيف و أم يحيى و إخته معزومين على قهوة حريم وكل كلامهم عن ضرب الحريم أم رفيف قالت اللي يضربها زوجها وتسكت ماعندها كرامه أبد ووجه فخريه يغدي ألوان وبعد ماطلعوا مابقى إلا أم رفيف وقالت اللي عازمتهم وراك كذا ليش قلتي هالكلام أنتي ماتدري إن زوج فخريه يضربها ضرب يهود قالت إححححححلفي والله ماكنت أدري
يحيى كان واقف على البحر ومادرى إلا و رفيف جايته وناظروا بعض شوي وواضح عليها إنها للحين ماسامحته حب يدها وضمها وهي كنها جدار يادافع البلا
* *
لميس و أمها متمصلخين بمايوهاتهم وأمها كالعاده تحاول تقنعها بمراد وهي تقول لاتحاولين قالت أجل مادريتي إني شفت رفيف قالت قولي قسسسم وقطوها الإم بي سي كنه فيلم إباحي
يحيى ودا رفيف شقه جديده وقال هذي بنستاجرها قالت أنا ماأبي شي غالي قال ماعليك معي فلوس
أبو عمر قاعد هو وزوجته بحوش بيتهم اللي يجيب العافيه ويقولها حنا بيجينا وفد إيطالي الإسبوع الجاي وشايل هم الحفله والإستقبال قالت إترك السالفه هاذي علي وقالتله عن سالفة عمر قال هذا ولدنا وأنتي عارفته كل يوم وهو مع وحده
* *
لميس طلبت رفيف وقالتلها رفيف إنها تبي إجازه عشان تسوي أوراق زواجها فرحت لميس وقالت عالبركه أجل شوفي حنا بنهديك هديه روحي وإختاري الفستان اللي يعجبك وخوذيه وخلي خطيبك بعد يختار البدله اللي تعجبه وطلعت رفيف وهي تكاد تتشقق من الوناسه
---> فعلا أهم شي الأخلاق
وأمها تقول : لها وراك ماتوافقين على مراد 
النمط الخطي
