|| غضت عيونك ||

|| رآشد المآجد ||

غضت عيونك ولا غضت عين من حبك وهادابك
انتا يلي روحك اتهنت يامتى روحي تهنابك
الجوارح كلها حنت ظاميه تبكي على بابك
تخفي الاسرار مادلت هايمه نفسي وتشقابك


ماعرفت وكيف لك اثبت حبي اللي ماقوى عتابك
شافتك عيني وثم سمت لو شحيح الحظ مايابك
ان تمنت عيني تمنت ماتمنت غير تحظابك
لوتسلت عنك مااتسلت وان غفت بالنوم تصحابك


القوى في بسمك اتغنت مايموت الشعر يحيابك
منك ماملت ولا كلت دام تسكن صفحه كتابك
لوسنين ايامنا مرت لو يشيب الصبر بغايبكد
لو دموع ايامنا هلت لا تبكي عينك اهدابك


نار شوفي في الحشى شبت ماانطفت والروح تدفابك
ماتلبي لغيرك ولبت يامنادي قلبي اسرابك
لو سيوف العاذل انسلت ينهزم والشر ماصابك
لك سيوفي دونها مدت موت عذالي واحيابك


كم عين وعين لك دلت والاسد سيد على غابك
شوف ياسات الامل موت حاسدي من وصلي يهابك
غضت عيونك ولاغضت عين من حبك وهادابك
انتا يلي روحك اتهنت يامتى روحي تهنابك

o0o تأخرتي -- راشد الماجد o0o

تأخرتي ولا اقدر اعيد ايام معاناتي
علاقتنا ابد ماابيك تعيدين النظر فيها
نسيت اللي مضى وياك نهيت اجمل علاقاتي
نسيتك مثل ماانتي محبتنا نسيتيها ..

ماعاش الصدق في ذاتك مثل ماعاش في ذاتي
ملامح كذب في وجهك في كل كلمه حكيتيها
تعبت أسأل عن اخبارك في روحاتي وجياتي
قطعتيني ولا ادري وش ايامك حصل فيها..

صبرت وقلت يمكن يوم اغير فيك نظراتي
نصحتك للأسف مراات ولا كنك سمعتيها
هذاك اللي مافيني كتبته فوق صفحاتي
خذيها لك واظن انك فهمتي كل معانيها..

|| سر الإعجاب ||

|| رـأشد ||

قالت وش اكثر شي يعجبك فيني
قلت بصراحة كل مافيك جذاب
اسمك ورسمك والشعر والجبيني
وعيونك وصوتك وخذك والاهداب
قالت تبالغ قلت لا صدقيني
ترى وصوفك مابها شي ينعاب
ما كنك الا الليل للعاشقين
وما كنك الا الوصل مابين لقراب
كلك على بعضك كذا تعجبيني
وفي كل يوم لك يزداد لاعجاب
يا شمس عمري يا دفاي وحنيني
جيتك حروف الحب وعيونك كتاب
بالحيل احبك يا رجاوي سنيني
وحبك فتح للعاطفة كل لأبواب
احساسي الصادق معك يحتويني
واحساسي لغيرك من الناس كذاب
عمر الغرام ان طال بينك وبيني
لا تسأليني يوم عن سر لاعجاب

خطأ تقدير _ عبدالمجيد عبدالله
<<أأسمعوهاا جلسه <يا زيينها بص

.
ترى مو غلطتك ذي غلطتي وذنبي ...
ومااعندي عذر مقنع ولاتفسيـر...
انا في عشقتك سيطر علي قلبي ...
عما عيني شل العقل والتفكير...
خدعـني فيك احســاسي ...
احسـبها خطاأ تقدير...
ولاتعطي الحكايه فوق ماتسوى...
اذا صارت كثير اللي بعد بيصير...
انا ماعاد فيني حيل او قوه..
تساوى اللي عطى او زاد بالتقصيـر..
فمان الله ...وانت الي تبي سووه..
انا ماعاد لي بالهم والتعثير..
يبي لك قلب غيري طيب وتوه...
انا ماانفعك اليوم..جوي غير...
خدعني فيك احساسي ...عديها خطأ تقدير...

يـجـرحني بـروحـي
يطـرب بهالنـوحي
يـرقـص ع جـروحي
و يقـول لـي "عــادي" ..

يـلعـب بـإحسـاسي
و يقـولي لي نـاسي
يا لـؤلؤي و مـاسي
لـيه "التمـادي" ليـه ..

تعـبت و مالقـيتك
لاندهـت لي جيـتك
مقـابل بيتـك
بـين "الايـادي" بيـن ..

صـحيح انا احبـك
و فـرحتي قـربك
بـس احلف بـربك
تبطــل "عنـادي" ..


يجـرحنـي بـروحـي .. تـركـي

راشد الماجد 2007


سلامات حبيبي مو على بعضك سلامات

سلامات أشوف الحزن ف عيونك سلامات

بلقياك القلب يشفي غليله

وأنا وياك مثل قيس وليله

روايات وياما ألفوا عنا روايات

***

هلي



هلي لا تحرموني منه .. هلي لا تبعدوني عنه

مثل ماهو قطعة مني .. أنا تراني قطعة منه

أحبه أموت أنا أذوب أنا أدوخ أنا والله ميت فيه

أحبه وعقلي وروحي وقلبي ياعلني ما أبكيه

***

تنحط على الجرح



القلب سلم لك أمره

في حالتي إنت أدرى

ياللي حنانك وطيبك

تنحط ع الجرح يبرى

شفاف يانور عيني

حبوب قلبك يبيني

زهرة شبابي وسنيني

تفداك ألفين مره

***

عشان الحب



عشان الحب واللي بيني وبينك

عشان الحب عشان أيامي وسنينك

أبيك تراجع إحساسك.. وتنسى جروحي وآلامك

حرام إنه بهذا البعد .. تضيع أيامي وأيامك

***

قهر



قهر ما كنت أنا أدري

تعيش بقلبي كذابة

قهر توني عرفت إنك

على الحبلين لعابة

كذب كانت سواليفك

وكل كلمة على كيفك

وأنا إللي أحسبك روحي

ولقلبي أقرب أحبابه

***

ساحرني



تطلبوني شي مني وش تبون

بس إنتوا ما لكم فيني شغل

إيه أحبه لا وحبي له جنون

وإللي يمنعني ترى ماله أمل

***

صابر



صابر على طول الليالي والأيام

أنشد وأدور راحتي والركاده

كم ليلةٍ أسهر بها وغيري ينام

وأعاف أنا مرقدي والوساده

***

صاحي لهم



أنا صاحي لهم.. وعيني عنهم مش غافله

دارس طبعهم.. وفاهم قصدهم واتجاهله

وأغض الطرف عن العذال بالعاني

ما قربتهم إلا لهدف ثاني

وحققته بقربي منهم... أنا صاحي لهم

***

جلمود



قلبك صخر جلمود ماحن عليه

زيد بدلالك زيد وآني بأذيه

يابعيد عن عيوني دريت أو مادريت

قلبي اللي تسكنه دوم يسألني عليك

***

عيوني لك



عيوني لك وروحي لك وكل اللي تبي كله

أنا هالوجه مامله ... أنا غير كل الناس

حياتي لك وعمري لك وكل اللي تبي كله

***

ساعات



ساعات أحس إن الزِمن قاسي... ولايمكن يلين

وساعات أحس إن الفرح مُحال ولا يمكن يحين

هذا إللي شفته بدنيتي وكل ما مضى لي من سنين

يا من يعلمني الفرح

ويفرح القلب الحزين

***

ضيعوني



ضيعوني عذبوني حسبي الله عليهم حسبي الله

ولعوني وإرحلوا

وعن شعوري ما اسألوا

ما يخافون من الله حسبي الله

***

ليل المحبه



ماعاد ليل المحبة من ليالينا

وأمسى زمان اللقى ذكرى تنادينا

كان الرجى وصلنا حتى توادعنا

عدنا نلوم الليالي في تلاقينا

مرتاح



مرتاح ويّاه فاهمني وفاهم له

أنا عجبته وهوّه حيل عاجبني

الحب قالوا عذاب وقلت لابالله

شوفوني وشلون أحبه وما يعذبني

***

وصية



هلي وإن جارت الدنيا عليه

أوصيكم على روحي وصيه

أنا مسافر وخلوا قليبي عندكم

غصب عني ترى لا موبديه

تسلمين اماراتيه على الكلمات

اغنية مسلسل عيون من زجاج
...

واللي يغنيها الفنان المبدع عادل محمود


كلمات الأغنيه

مرت الأيام والحلم أنهدم
لو ندمت الحين وش يفيد الندم
..
مابقالي شي غير الله يعين
آه لو أرجع بعمري كم سنه
..
كان أصير أنسان ثاني مو أنا
كان أصلح كل غلطات السنين
..
..
أرتكبت أخطاء بس الله ستر
وأتخذت اسوء قرارات البشر
..
كان لي قلبين مبسوط وحزين
ناسي كنت أفهم نصايحهم غلط
..
شرهم مع طيبهم فيني أختلط
أكتشفت الحين أنهم طيبين
..
ليتني أقدر أرد اللي رحل
ولا أمحي بيدي كل اللي حصل
..
آه يا كبر السما وكبر الحنين
خايف الأيام تتوقف هنا
خايف ارحل قبل ماذوق الهنا
خايف تكون آخر أنفاسي أنين
..
مرت الأيام والحلم أنهدم !!