أخذت نظره كذا على الاسئله
وطلعت كل الاسئله زينه .. مافيها الغبي ابد
ندرعم بالاسئله ..
<< جايه تزحف من التعب " مابوه رحمه " << بتتصفق
/ميــن أكثر الناس اللي ترتاحين له وتحبين تفضفضين له وتحبين تقضين معظم وقتك معـــاه ..؟؟ داخل نطاق الأسره ..
أخي الأكبر .. معه أتحلل من تلك الألقاب
" غامضه , لُغز صعب الحل , غريبة الأطوار "
اشعر انني أمامه لوحه بيضاء .. يفهمني من كلمه لا بل من نظره ..
أحياناً أقول رُبما مجال تخصصه .. فتح لهُ أفاق التعامل مع الآخرين وفهمهم بـ طريقه صحيحه ..
وأحياناً أقول رُبما الخلل فيني أنا .. ربُما أنا بـ الفعل غامضه ..
ولكن أمامه أكون واضحه حد البياض .. !
خارج الأسره ..
أحدى الصديقات ..
كذالك هي تفهمني جداً ..
ولاحاجه لي معها باستنفار الكلمات ..
2
/وش رايك بفكرة انشاء معاهد .. لتعليم .. البنات .. انواع الطبخ<<<متعوب عليه هالسؤال << وأنا أقول بعد << متعوب عليه بقوه
والله بصراحه أنا مؤمنه بـ شي ..
أنو الشخص اذا حب شي تأكد أنو راح يتعلمه ويتقنه ..
مثال كثير من الاعضاء تعلم الكمبيوتر وفيهم من ابدع في ذا المجال ..
بدون معاهد .. حُب الشي يخليك تتعلمه ..
لكن لما يجي مثلاً زوج يشتكي من زوجته انها ماتعرف تطبخ
ويبي يدخلها ذا المعهد " على فرض انو تم أنشاءه " ..
والله ماراح تستفيد شي .. مدام انها ماتحب الطبخ ..
وتبي الصراحه الأم المسئوله الأولى في تعليم الطبخ للبنت ..
<< تناظر لـ أمها بطرف عينها وتقول تراني مااقصدك ابد ..
يعني لما الأم تكسر مجدايف البنت ..
وكل ماسوت البنت شي عطتها من ذاك الكلام الي يحطم صح ..
<< وشلون تبونها تتعلم بالله ..
لذالك بصراحه شديده أنا ضد فكرة انشاء معاهد لـ تعليم الطبخ ..
لاني بصراحه اشد أكره الطبخ << قمة الانانيه
ولاعمري فكرت اسوي وجبه قسم من هول ماسمعت .. !!
3/خصلــــــة تكرهينهاا فيك ؟؟؟ و خصلة تحبينهاا فيك ..؟؟ أكره الحساسيه الُمفرطه الي أعاني منها ...!
أكره العناد الذي يجعلني في تصادم مع الآخرين .. !
أكره المزاجيه التي تحكم بعض تصرفاتي .. !
وأحب فيني شيء واحد فقط ايماني التام بأن مهما توغلوا الآخرين في ايذائي ..
حتماً .. سـ أسامحهم .. !!
/موقف طريف ماراح تنسينه طول عمرك .. وموقف حزين نفس الشي ..؟؟ من المواقف الطريفه الي مستحيل أنساها
في السنه الأولى بالجامعه ..كان مطلوب علينا انو كل وحده يكون معاها ضفدع
لزوم " التشريح " .. وطبعاً انا واثقه اني بخبص كـ العاده فـ كان معاي ضفدعين .. !!
<< عندها نظره مستقبليه .. << ايه هين
الطريقه انا نفتح فم الضفدع ونحط قطره بس من المحلول ويموت
دوين وش سوت كبت كل المحلول داخل العلبه << ونط الضفدع
طبعاً تعال شوف شكل المختبر صراخ وحالات خوف وهلع
<< سببها هـ الضفدع المسكيين وهو قاعد يطامر من بنت لـبنت
ودوين قاعده تلاحقه تقول خبله ..
المهم أنو في الاخير تم القبض على الجاني << الي هو الضفدع
<< قسم تقول تكتب قصه مهوب موقف
وتم رميه في سلة المهملات غير مأسوف ٍ عليه
<< المشكله قلبه مازال ينبض بس مفعوص فعص من رجول البنات
وتوجهنا .. للضفدع الثاني بكل شراسه
وتم قتله وتشريحه بكل سهاله << متوحشه .. !
<< أكاد أجزم أنو البنات بـ يكرهوني من بعد ذا الموقف وبالأخص الرقيقات منهن
موقف حزين ..
من المواقف الحزينه الي أحس اني ماراح انساها طول عمري ..
دموع الوالد ايام وفاة جدتي الله يرحمها .. تقريباً كنت بالصفوف الاولى بالابتدائي ..
بس ذي من الصور الي كاني اشوفها امس ..
والغريب انها مو راضيه تروح عن الذاكره ابد .. !
5/ نقطه ضعـف دانــــه .. والأغنيه اللي تحبين ترددينهـــا ..؟؟ نقطة ضعفي أفافي ولد أختي " نواف " ..
ذا الطفل بجد احس فيه مني كثير .. مزاجيته وعناده ..
والغريب انو عنده عزة نفس غريبه مو مثل البزران الي ممكن اي شي يجذبهم ..
مع العلم انو عنده 3 سنوات بس ..
أممم الاغنيه ..
أغنية عبدالمجيد عبدالله " مابين بـ عينكـ " ..
كثير ارددها .. وتعجبني كثير كلماتها ..
مع انها قديمه .. بس أنا احب كل شي قديم
/ المعروف عن دانـه بالمنتدى انهـا شخصيه محترمه مثقفـه هاديه بنفس الوقت .. هل هالشخصيه نفسها اللي بالخارج ولا مقلوبه 180 درجه ..؟؟ والله بصراحه أحب أتعامل مع كل شيء وفق مايتطلب ..
مع أسرتي على سبيل المثال ..
دانه مرحه أكثر من انها جديه ..
مع صديقاتها مُشاغبه أكثر من أنها هادئه ..
مع الناس " خارج نطاق الاسره والصديقات " ..
هادئه جداً .. ورسميه في التعامل معهم .. !!
ساحة النت بشكل عام ..
تطلب أن أتعامل بـ رسميه وهدوء وأحترام اكثر ..
فمن غير الائق أن أُطيح بـ الكلفه مع شخص أجهله .. !!
وساحة المنتديات بشكل أخص .. ماهي سوى ساحات حوار ..
نعوض بها ما أفتقدناه على أرض الواقع ..
أما مسأله الثقافه ..
فـ دانه ليست بـ مثقفه ..
" حتى لاتسيئوا لـ مجتمع المثقفين بـ نعت دانه منهم " .. !
أنما هي هاويه لـ الكتابه لا أكثر .. !
الخلاصه : أنها مقلوبه 180 درجه ..
مادمت أفتقد من يقرأ لي على أرض الواقع ..
كـ قراءة هولاء لـ دانه .. !!
إقتباس:
| <<<ماقال لك راح تكرهينه من كثر الاسئله |
صحيح اني ماكرهتك بس قسم حقدت عليك ..
<< تعبت الزوله ..
هو مافيه الا خيارين .. اما انو اسئلتك كثيره ولا دوين ثرثاره
عموماً .. حياك
سعدتً جداً بك .. وبـ أسئلتك رغم كثرتها ..
والامنيه أن أكون وفقت بـ الاجوبه
كُن بخير
<<<<<<< يحسب في كل مكان حش ههههههههههههههههههه
النمط الخطي
