| | | معلومــات الموضــوع | روابـــط إضافيــة |  | | | | | | | |  7-30-1432هـ, 02:38 صباحاً | رقم المشاركة : 11 | |
|
\
/
\ :: ,, ح ـول ربوع بـلادي ,, ::
هذي الله يسلمكم سفرهـ صارت بسرعه وبدون اي مشاورات
كل واحد قال يالله نسااافر واجتمعت كل عائلتنا , عاد ماشاء
الله ياكثرنا , ماأنسى هذي السفرهـ اول مرهـ نجتمع زي هالسفره
وما ظنتي راااح نجتمع زيهااا ابد الا ماشاء الله ..
كنا تقريبا كلنا مستأجرين لنا استرااحه بالطائف وعاد شوفوا ياكثرنا
ماشاء الله , واحلى شيء اخر الليل لمى نجيء ننام تقولون زي الحجاج
متراصين جمب بعض من كثرنا ماشاء الله , هذيك السفرهـ يافيها مواقف و
ذكرياتـ ماظني اني راااح انساها ابد , حتى دايم يسألوني احلى شيء ودك
ينعاد اقووول هالسفرهـ , رحنا فيها الطائف ونزلنا على ابها اللي كرهناها
من بع ـد اللي صار فيها وبعدين نزلنا عالباحه شووي ثمن ردينا على الطائف واخر
شيء اعتمرنا ونزلنا كمن يوم على جدهـ وكملنا باقي المشوااار وباقي الوناسه
ثمن نزلنا عالمدينه ورجع ـنـا لحياتنا الطبيعيه 
| | |  | | 7-30-1432هـ, 12:24 مساء | رقم المشاركة : 12 | |
| 
\
/
\
:: ,, سبايدر ومن ,, ::
هذا الله يطول بأعماركم لازم اذا رحنا للرياض نلعب هاللعبـه 
طبعن بما ان حارة خوالي كل بيوتهم تشبه بعض بالشكل والتصميم
المهم كنا دايم لما يأذن الفجر والكل ينامون مايبقى ولا احد كبير
نطلع الحوش ونمسك السلم ونتسلق الجدار وعلى السقف واذا مالقينا
السلم تحسبونا بنوقف لااااا نتسسلق الطاقه ومن الطاقه عالمكيف وبعدين
نطلع >> حسينا نفسنا سبايدر مان  همن نطلع السقف وندوور على كل البيوت
اللي قريبه من عند بيت خوالي علما انهم كانوا ثلاثه من خوالي كلهم جنب بعض
,, راح اذكر موقفين من اللي صارو لنا ,,
( 1 ) اذكر مرهـ من المراااارير  هذي صارت بالليل حقدنا على ولد خالي يوم انه يقول بيت خالي اللي احنى فيه شجرهم مب زين واحنى شجرنا احسن >> عااد احنى سوينا نذاااله  وطلعنا السقف ونقطع بشجرهم ونرمي آآثااار الجريمه في بيت الجيرااان اللي جنبهم خلصنا شجرتهم , الا بعد دقايق من تنفيذ المهمه مانسمع الا واحد يتسلق الشجرهـ ويطلع بوجهنا ولد خالي واحنى اللي وجيهنا طاحت لانه عرف وش سوينا بس ماتكلم 
(2) طلعنا من بيت خالي الثاني كنا كلنا بنات وواحد من عيال خالي طلعنا ودرنا على كل البيوت همن فتحنا زي الطاقه مدري وش هي اللي نلاقي بنتين كنا في الصباح كانوا مسوين اندومي وياكلون واحنى اللي نمووون نسلم والا شوي نسمع صوت خالي >> عاد خالي يمه مرره عصبي واحنى اللي نرتجف المهم كشفنا واعطانا انواع التهزيء وماخلى ولدهـ اللي معنا بحاله وخلانا ننام غصـبـا عنـا 
عاد هذي الأيام ماآنسااها كل مااروح عندهم نفسي اطلع واتسلق هالجدااار مرهـ ثانيه
كانت لنا ذكريات ومواقف حلوهـ بهالسقف  .
| | | | | 7-30-1432هـ, 02:56 مساء | رقم المشاركة : 14 | |
|
\
/
\
:: ,, الصغننه & مسواك الجن ,, ::
,, الصغننه ,, اختـي مااحلاها هي في قلبي لاأنساهاا الصغننه تقدرون تقولون ان هي اكثر خواتي المقربات لي مع ان خواتي كل وحدهـ لها معزتها وغلاها فقلبي بس هالشينه كل شيء نسووويه شين وزين مع بعض حتى اننا تمنينا نصير تؤام بس تهاوشنا من يصير تؤام الثاني مع انها شينه وودي اكفخها بع ـض الأحيان بعنادها ومودها الشين الا اني احبها 
,, مسواك الجن ,, بنت عمتي الخبله هذي شيء ثاني بع ــد هي اختنا اللي ماجابتها امي خبلتن زي الصغننه مع انها مب نفس شخصيتي الا انها قريبه من القلب وتنحب على طول بس لو تخلي الناااس بحالهم وتبطل حش يكون احسن  مع هذا احبهااا 
الله يديم علينا هالمحبـه
| | | | | عدد الأعضاء الذي يتصفحون هذا الموضوع : 1 (0 عضو و 1 ضيف) | | | | خيارات الموضوع | | | | طريقة العرض |  النمط الخطي |  قوانين المشاركة | لا بإمكانك إضافة موضوع جديد لا بإمكانك إضافة مشاركات جديدة لا بإمكانك إضافة مرفقات لا بإمكانك تعديل مشاركاتك
كود HTML غير متاح | | | | |
