أسعد الله أوقاتكم بكل خير .. مبارك عيدكم أيها الهمسيون والهمسيات ..
بصراحه الموضوع راق لي كثيراً فـ أحببت أن أسدح مافي جعبة جوالي من صور << آها بس .. وترى مافيه جوالي الا صور بزران .. مابوه أماكن ومناطق وكان تبون صور من هذا القبيل ميخالف أسرق جوال نويدر " بس عاد أنتو الي تحملون الذنب " " والله تبون الصراحه مايفوته شي كل شي مصوره "
نسدح الصور بسرعه " ماعندها وقت "
" صورة بنت خالتوو " آنسه رغد وبـ رواية دوين " غوغي "
" أفافي " ياربي عليه ذا الأدمي " مهبل في دوين ذا " أسمه نواف وهو مالئ الدنيا وشاغل الناس << أنثبري بس وصلة القرابه طبعاً ولد أختي
وبس .. " ويمكن لنا عودة في حالة سرقة جوال نويدر بـ نجاح "
اليوم الله يطول عمركم الساعه تقريباً 8 الصباح رايحين أنـا والأخ فاقـد حبيبه لسوق الحمام يبيعون فيه الالعاب الناريه
وصلنا المكان الا فيه حريقه والسيارات شابه لا حول ولا قوة الا بالله المهم أنـا قلت للأخ فاقد حبيبه خل التصوير علي ولا تكلم ولا أحـد
نزلت من السياره وقلت خلني العب على هالهنود عشان يعلموني السالفه الا والاقي لي بنقالي وقلت له اني من جريدة الوطن وقلت له انا يا صديق من جريدة الوطن انا يبي يعرف كيف حريقه ايجي واستانس المسيكين وروى لي السالفه بس سالفته ماتنفع اقولها لكم لانه بالمره غبي المهم وهذي صورته ويدعى إسلام من الجاليه البنغاليه
وهذا يا طويلين العمـر قلت له اني مصور بعـد لاني سمعة انه حاضر الحريق من أول شي وقال لي السالفه من أولها وهي ان واحد الله يهديه ويمن عليه بهدايته يدخن وجاء يستهبل على واحد من اللي يبيعون وذب عليه زقاره وشبت اللعبه اللي تنفجر بالسماء وتطلع الالوان وتطاير الشرار منها وانتقل الشرار للي جمبهم واحترق يمكن 4 او 5 محلات للطيور واحترقت 4 سيارات سيارة اجره وسياره مدري وش تصير وكامري الله يعوضهم خير منها ان شاء الله واللي ذب الدخان انحاش الله يهديه المهم وهو الاهم يوم قال لي الرجال السالفه قلت استسمحني اخذ لك صوره عشان ارفقها في المقال في الجريده واستانس المسيكين
النمط الخطي
