غناء / أمير الفن عبدالقادر هدهود
أحـــــــبك
الو..قوه.. مساء الخير..شخبارك وشعلومك..عسى ما ازعجت قلبك بأتصالي فيك يالغالي
انا جيت اعتذر منك ابد ماجيت انا الومك.. لان اللي حصل مني غصب عني وعن حالي
احبك من هنا لاخر سماك لاول غيومك..احبك لين ما ترضى علي وتحقق امالي
احبك كثر ما وصى القمر لو قمت من نومك.. يسلمك المكان ويتركك عالي
حبيبي خلنا ننسى ونشغل يومي ويومك ..وابقى لك ولا غيري في هذا الكون يبقى لي
ابسمع ضحكتك واسأل عن اخبارك ..الو.. قوه.. دخيل الله سولف يابعد حالي
أرجـــــــــــــوك
ارجوك يكفي غياب ورد لي حالا.. تعبان محتاجلك يالله متى ترد لي
لا تقول مدري ولا يمكن ولا لكن.. الحين ترجع لي يعني الحين ترجع لي
يا عمري معقوله قلبك للقى ماحن ..والشوق ما جننك في بعدنا مثلي
وان كنت صابر فأنا صبري طلع خاين..وعدني يصبر لكنه تنكر لي
لا قلت لي حبنا في مهجتك ساكن ..وشلون اصدق كلامك شاللي يثبت لي
ان كنت ولها لعيوني مثل ما اظن.. اتخلي كل شي وبأسرع وقت ترجع لي
أرفـــــق بــيــا
ضحيه هواك..انت قاتلي وانت الملاك
في الفخ وقعت والشباك..في هواك ظلم وهلاك
ارفق حبيبي بيا ..تصعب عليك حاليا
ارفق على حاليا كما الناس يقولونا.. من فرق غرامي غدوت بك مجنونا
لك شوقي لك حبي لك قلبي فعد ليا.. فهيا نرجع الماضي فعد يا صاحبي هيا
نحيا بسلام.. عشق وغرام ووئام
البعد اذا طال حرام.. وللعذال قولا وكلام
اقبل يا جنوني بلهفه وناديني.. اعبرلي حدودي فأنت من سكن فيني
خليني مجيب.. انت جارحي وانت الطبيب
قولي يا صديقي والحبيب.. ارضى ياحبيبي بالنصيب
أســــرارك
كلمني عن اخبارك شتخبي افكارك..بتحبني واللا هذه من اسرارك
مشتاق كلمني قولي وريحني.. خلي الهوى يكبر لا تذبل ازهارك
مهما الف الكون ماتملى عيني عيون.. حبك تعلمته خلاني اختارك
الــــتــحــدي
ياللي ابديت التحدي.. شوف انا ماكان ودي
اهجرك واعلن عذابك... بس اشوفك صرت ضدي
الزمن بيني وبينك.. ياللي مغتر بزينك
بكره راح تشوف بعينك..تدري انه الراحه عندي
صح انا حنيين وطيب.. وبالرخا قلبي حبييب
بس بالشدات اشيب.. اللي فكر يلوي يدي..وانت مو قد التحدي
الــــحـــلم
يا دنيتي وين ابلقى اللذي تناسبني.. مليت ادور يا دنيا نصفي الثاني
المشكله ماني لاقي بنت تفهمني.. توصل لي قلبي وتسكن كل وجداني
يا دنيتي وين..يا دنيتي وين
وين اللي بكل جنون العشق تعشقني..وانسى معاها همومي وطول حرماني
وين اللي تملى عيوني حب وتجبرني..احبها كل يوم اكثر من الثاني
وين اللي تفهم جنوني وتتحملني .. توقف بصفي لو انك العداي
اللي على الحلو والمره تقاسمني.. تفرح لفرحي وتتألم لاحزاني
مرات احس انها مثلي تدورني.. مثلي تفكر متى وشلون تلقاني
تحلم بشوفه عليوني وتتخيلني.. فارس بجيها وبخطفها على حصاني
هاتيها يا دنيا خليها تحسسني.. انه الامل باقي مهما الوقت وراني
هيا الوحيده في هالعالم تناسبني.. هي نصفي الاول ونصفي الثاني
الــــــوعـــــد
دايم اهوجس ياهوى البال واطري ذيك السنين اللي مضت لي والايام
ماكنت اقول انه الزعل كان بدري بكره نتفارق والوعد ذاك قدام
خلي المحبه بيننا شي في الطري لا تغير المكتوب وتعيش بأوهام
بيني وبينك ماتعرفه وتدري حاجه كبيره عمرها فاق الاعوام
ماتنسي لو كان بالحب عذري بيرق ورايه ومضرب سيوف وسهام
هذا الزمن خله في مجراه يجري والكل يقدر لا بغى شوف الاحلام
نوم العوافي والمحبه بصدري والوقت له دوره على محي الالم
ربي وربك والنهايه صبري صار الفراق وصار ماكان قدام
انــــــا مـــاشــــي
انا ماشي تاركلك هنا ذكرى ..انا ماشي وماراح انتظر بكرى
انا ماشي بلا احزان لا دمعه ولا ندمان
انا لملمت اشواقي وعمري وباقي اوراقي.. وابيك تعود قليبك على بعدي وعلى فراقي
ولا تبكي ولا تزعل ولا تحكي ولا تسأل.. معاك بصفي حسابي وبنهي قصتي وارحل
إنــــــــــســـانـــــي
سهله لو قلبي ينسى ماهي صعبه دور عاللي قسى..ادري هالدنيا مواني وانا بلقى فيها مرسى
انا ماني لعبه في ايدينك انت كذبك باين في عينك..روح ابنسى ماضي سنينك وانته انساني
اللي شفته منك كفايه حزني همي ودمع عيني..روح وخلني ومابي النهايه مابي شي ثاني
عشــرتـك بـنـساهـا وبنسى كــــل دنـيــاك.. واطــوي كــل ذكـراهـا وكـل لـحظـه مـعـاك
خـلـيـنـي في حــالـــي يــكــفــي مـــاصــار.. انـا شـلـتـك مـن بـالـي ولا تــنـفـع اعـــذار
غـلـطـتـي حــبـيـتــك ولــك انــا ضـحــيــت ..مــن حـيــاتــي عــطـيـتـــك وانــت مــاحــسـيــت
انـــا نــادم قـــــلــــبـــــي روح وخــــلــــه..يــــا ظــالــم فــيــنــي مــا تــخـــاف الـــلـــه
آهــــــــــــــات
اضحك واجامل وانا ما شفت معنى الهنا احزان فـ احزان..صارت حياتي شقى وما شئ فيني بقى والله تعبان
اهـ من جروحي انا اهـ من همومي انا اهـ من انيني انا .. آهات .. آهات
كل ما تحملت الألم ابكي وضحكاتي وهم اخفي جروحي ..امشي وحيد بدنيتي ولا أحد يدري بقصتي أشكي لروحي
كل يوم انا احزاني كثيره بس مهما تروح وحيرتي صارة كبيره ..رضيت بأمر الله وعسى اللي صار خيره
مليت من كثر التعب حالي وتفكري صعب محد فهمني ..كل ما تحلمت بوفاء شفت الحقيقه جفا والكل تركني
أهم شي
اهم شي لا تشيل في خاطر شي.. مابيك تتضايق وتزعل ما دمت انا في الدنيا حي
لا تنكسر مشاعرك دام قلبي ساهرك.. والضيقه اللي في خاطرك خلها على الله ثم علي
ابيك تتناسى الهموم تفرح معايا كل يوم.. والفرحه بوجودك تدوم
حبيبي الدنيا بخير مهما في هالعالم يصير.. ببقى معاك لي الاخير
أول مــــــره
هذه اول مره ادري من سنين انه لك محبوب غيري وتكتمين
يعني علميني شسمي اللي مضى حب واللا بس كنتي تلعبين
كنت اظن انا الحبيب اللي تبينه اللي لو خلاك ساعه تتعبين
عشت في كذبه كبيره ومادريت انك تمثلين وانك تكذبين
عالعموم الحين روحي له حرام منتظر مسكين خايف ما تجين
الله يعينه يحبك مادرى انه في قبله حبيب وتعشقين
بــــــعــــدك
بعدك مدري فيني شصار عايش قلبي في حيره ونار.. حتى احساسي ضدي ثار والهوى مجروح
يعني لاني فعلا هويتك يعني لاني روحي عطيتك..يعني لاني هالقلب بيتك تبتعد وتروح
انت حبيبي اول وتالي انت اللي دايم تخطر في بالي..انت يا ليتك تشعر في حالي يا سبب الجروح
ليه اللي يعطي حبه تبيعه ليه انت رافض قلبك تطيعه..ليه ما ترد لقلبي ربيعه يا حسن له بوح
حسن : والله حبيبك يحلم بقربك والله نصيبك انه يحبك.. والله قليله تهديله قلبك رد فيه الروح
تقسى علي يا اغلى ناسي تقسى وانا اصبر يا احلى قاسي.. تقسى وانا اذكر وانت اللي ناسي يا حبيب الروح
ارجع حبيبي يالله كفايه ارجع نكمل احلى حكايه.. ارجعلي حبك ماله نهايه وبعدها مسموح
بقــايــا حــــــلــــم
ازيدك علم اقولك في وضوح اكثر ما عاد يهم اذا بتغيب او تحضر
اعتبرني شي من الماضي مجرد ذكرى منسيه بقايه حلم ازيدك علم
لا لومي وعتابي ما ينفع بعد عذرك.. من ذنبي واعصابي صرت ادفع ثمن غدرك
خلاص ما احتمل مليت.. وانا بالاحرى استغنيت
لا مره ولا مرات اتحمل خطى منك.. انا اتجرع الحسرات وانت ولا همك
محيت اسمك من افكاري..ولا لاسمي تجيب طاري
تـــــــعبـــان
تصدق حيل انا تعبان ولكن ما ابين لك.. ابيك تحس من كيفك وانا مابي المحلك
ترى المفروض تتكلم عن اللي فيني تسألني..اذا انت انسان ما تفهم شسوي فيك علمني
بديت اخاف انا منك احس انك سهل تنسى..شقول اكثر بعد عنك وانت من الصخر اقسى
انا غصبن علي عايش غصب متحمل طعونك..يجيني سهمك الطايش واضمه لخاطر عيونك
تـــغــيــب وتــتــغــلــــى
تغيب وتتغلا يعني دلع واللا بقلبي تــتسله..ياويل قلبي ويا ويلك من الله
بتروح وتنساني وبلقى انا ثاني.. هذا الزمن فاني
انت اللذي بايع وانت الذي ضايع.. ماكنت لي طايع
تــــــلــــفــن لـــــــــي
ابد لا تحرمني سماع صوتك يا فؤادي صوتك يطرب فؤادي خلنا على اتصال
صبح ومساء وليل وكل وقت عادي ترى صوتك ماهو عادي احلى من الخيال
يا قلبي اللي اهواه وابي اقضي وياه.. وامضي معاه سنين العمر كله
لا يقل اتصالك وخلني في بالك .. وحاول تكلمني والبعد خله
(كلمني او حتى ارسل لي مسج)
يا اغلى البشر يا كل العمر.. يا حبيبي حياتي ونور عيني وكلي
لا يطول سكوتك وسمعني صوتك.. صوتك يجنني ياخذ عقلي
(كلمني او حتى ارسل لي مسج)
حـــرام علـــــيك
طولت عليا ولا حتى تسأل فيا بس فالح تجرح بيا يا حبيبي حرام عيك
فكري ديما معاك ولا قادر لحظه ننساك من قلبي انا نهواك عاشق وانا مغرم فيك
اسألها عنيا كيف سوى بعادك بيا يا خوي حن شويا يا حبيبي حرام عليك
انا بالي محتار وانشلت كل الافكار بأسبابك انا عقلي طار يا حبيبي حرام عليك
حـــقـــك عـــلـيــنــا
كم تحسفنا عليك ما نبي غيرك نبيك ..تونا حسينا بغلاك يا تجينا يا نجيك
خلاص ندري خطينا تعال وحقك علينا..وشتبي منا زياده يكفي اللي سويته فينا
حتى في زعلك عسل بس لا يزيد الزعل.. ابتسم واضحك شويه وانسى اللي حصل
حـــكـــايــه حــــب
بعد اجمل حكايه حب حسافه تفرقو قلبين.. نسو انه الفراق اصلا بحر ماله ابد مينا
حبيبي هذه قصتنا انا واياك ندمانين.. تفارقنا على غفله وصوت الجرح تبكينا
منك الله يا الزمان اللي خذانا ومادرينا.. وين انا وياك ما قدرنا نطول ابسط امانينا
تفارقنا حبايب وانكسر خاطر في غمضه عين.. وقفلنا اجمل كتاب وبكينا بكل ما فينا
وكل هذا بعد اجمل حكايه حب
ابي تذكرني العشره سواء اليوم او بعدين.. وابيك تقول للفرقى ترى والله جرحتيني
ولا كان العشم انه المحبى تكسر بقلبين.. واثاري الحب يا قلبي بحر ماله ابد مينا
وكل هذا بعد اجمل حكايه حب
دمــــــــع عـــيــنــي
لا دمع عيني من غيابك تحدر..ولا قلبي اللي يوم بعته تأثر
اللي صبر في عشرتك يوم تقسى..يقدر بعد على الفراق يتصبر
لا لا تحدر دمع عيني لا تحدر
دامك نويت تغيب عني وتجافي ..لا تمثل انك انسان وافي
خلاص بان اللي على القلب خافي ..روح ورجيت على الجفى لا تأخر
ارحل في دربك وانا برحل في دربي..ماعاد لك ذرت غلا وسط قلبي
اللي تحجر قلبه وباع حبي..لابد قلبي هم عليه يتحجر
لا لا تحدر دمع عيني لا تحدر
روح
تمادى حيل في ظلمه والعتاب..تمادى حيل في بعده والغياب
لي متى وانا اتحمل لي متى.. لي متى هالمشاكل تنتهي وين ومتى
لازم يعرف انه انا لي وجودي ولي كياني في الحياه
قلبي نساك روح انا خلاص ماعاد ابيك
جمعني فيه نصيبي والقدر.. صبرت عليه ومل مني الصبر
انا حالف ماني راجع للابد انا خلاص ماعاد فيني حيل
ســـــــلامـــه عـــمــرك
يقولون انك تعاني ولا فكرت تنساني.. كم اتعبك هجراني سلامه عمرك الغالي
عسى ما تفقدك عيني يا احلى ايامي وسنيني..انا ظنيت ناسيني حشى ما غبت عن بالي
انا ماودي تتألم لو اشرح لك واتظلم ..اخاف اني من اتكلم تضييق خلقك احاولي
احاول ابتعد واقسى دام القلب هو نفسه.. لكن ما قدرت انسى ألاقي زولك قبالي
صـــــــــاحـــــــــي
انا وشلون اعيش العمر من دونه.. انا قايل حياتي فدوه لعيونه
ماهوبصاحي يبيني انسى ماضينا.. ماهوبصاحي انهي كل ليالينا
يحسب اني بخلي واتركه بحاله..شعلى باله لعب واللا شعلى باله
انا خليته بين عيوني ورمشي ..خذى عقلي خذى قلبي ويبي يمشي
يبي يخليني غصب انسى محبتنا..وننهي كل شي صار بعلاقتنا
اهو من جده متوقع انا بنساه..اذا مو طيب منه بالغصب بهواه
عـــــــــمــــل
سويــت نفسك بطـــل قلت قادر عالفراق...بــس قـلـبك ما احتمل رد ليا الاشتياق
لا تــحـاول منــي تــبعد البــعد ما فيه حل... وبــــيني وبينك ترى انا عاملك عمل
ساحرك في طيب قلبي ورقه احساسي وحبي... ذنبك انك ما تبيني وانا ابيك وهذا ذنبي
خلاص سلملي امرك واللي عدى خلاص عدى... عشان تعرف قيمتي وثاني مره لا تتحدى
غيـــــــضــــيني
بشوف شلون تغيضيني روحي واعشقي غيري.. واذا فكرتي تنسيني ابدا ما تهميني
ماشي حاولي اغضابي تراها بارده اعصابي.. انا اللي قلتلك مابي لا ظنك تثيريني
ادري اللي اتمنينه زعلي ما تطولينه.. وكل اللي تسوينه ماله اي اثر فيني
شوفي شاللي يحلالك وسوي اللي على بالك.. واذا ظنيتي ابقالك توك ما عرفتيني
لا تـــجــبرونـــي
لا تجبروني اعتذرله واراضيه.. الزعل له عام بيني وبينه
لا تحيروني قلبي يكفيه ما فيه.. ما كلف احساسه يمر ويجيني
الشك والغيره زرعهم بأراضيه.. خلوه يحصد ما جنت يمينه
ماهمني رضاه ولا اليوم مابيه.. هنوه بنفسه عسى الله يعينه
كيف السنين تهون والشوق تمحيه..العيب بين والخطى من ايدينه
الله واكبر كيف ودكم اراضيه.. حتى الزعل مابان مره في عينه
لا تــــجــيــني
لا تجيني ولا اجيك قلبي فعلا ما يـبيـك.. دور غيري في الغرام انا مو لعبه بـيـديك
دور في هـالـدنيا الكبـيره غيري روح.. مـــاراح تـلاقي في الهوى غير الجروح
الرضا لا تطـلـبه والوصل يا مـصعبه.. انا جربـت وفـشلت لا ما اعيد التــجربه
انـسى المحبه واعتبر كل شي انــتهى.. مـــاراح ارد بكــلمــتي الـلي قــــلـتــها
عــن حيـاتـي ابـتـعد انا ماني مستـعد.. اني اتــشوق الــيك مـثل كــل مـره وارد
هــذه نــهايـه قـصه الحب الكبـير.. يكـفـيـني وقـتي الـلـي مــضى بـحبـك اســيـر
لا تـــــساويـــني
حبيبي لا تساويني بأحد غيري وتظلمني.. انا حبك انا عمرك انا اغلى من الغاليين
ابي منك عن الدنيا ومافيها تمييزني.. ابي الباجين يحسون اني متمييز عن الباجيين
ابي قلبك لي لحالي ولا غالي يشاركني.. مثل قلبي لك وحدك ولا بعدك احد يازين
ابيك تحبني بجنون لين الكون يحسدني.. على حبك على قلبك او يحسدني على الاثنين
ابيك تحس بجروحي وبفراحي تقاسمني.. وابي حبك ينسيني انا ويني وقلبي وين
ولا ودي تساويني بأحد غيري وتظلمني.. لاني في عيون الباجيين متمييز عن الباجيين
لا تـــشــتــكــي
لا تشتكي يا قلبي لا هذا خطاك تحمله.. مشيت في درب الهوى غصبن عليك تكمله
ياما نصحتك ماسمعت انت الكلام.. ياما يا قلبي قلتلك انسى الغرام
عاندتني وحبيت ليه هالحب وشعاجبك فيه.. كله عذاب في عذاب حلاته بس في اوله
يا قلبي لا تندم خلاص فات الاوان.. ماعاد باقي للندم فيني مكان
ماتنفعك كلمه ياليت مهما تندمت وشكيت.. انت اللي مختار الطريق وانت اللي تتحمله
لا يــهــمـــك
لا يهمك كل من فينا حكو ..لا يغير فينا يا روحي كلام
اذا كل اثنين من كلمه زعلو ..كان صدقني على الحب السلام
عن غلاتك يا غلاتي لو درو..حبي لك صدقني يتعدل هيام
والي فينا ياحياتي تكلمو..مادرو ان الحكي زاد الغرام
المحبه كل شي فيها حلو..واللي حلاها الرضى بعد الخصام
ما ابيهم فينا لحظه يشمتو..خليك اكبر ما بي يغيرك كلام
لاجـــل عـــيــنــك
حبيبي حبيبي انت دوايا وانت حبيبي..نصيبي نصيبي انت هنايا وانت نصيبي
عني ابد لا تروح قلبي كفاه جروح.. بشوفتك حبيبي قلبي ترد له الروح
عشانك عشانك تغور الدنيا عشانك.. مكانك مكانك مابين ظلوعي مكاني
الله على حبك دربي اهو دربك..واتهنى بقلبك وتحلى الدنيا بقربك
فديتك فديتك لجل عينك والله فديتك.. شريتك شريتك بعمري وروحي شريتك
حبك سما عقلي غيرك انا من لي..يا ليتك من اهلي ونحيا الفرحه يا خلي
لـــحـــظـــه
لحظه دقيقه بس اصبر لحظه دقيقه لا تتكدر ..انا خطيت وقلت اسف وانت الكبير وقلبك اكبر
ما اريد انا غيرك حبايب قلبي انا اللي فيك ذايب..ابغيك راضي يا حبيبي عديها يالله لا تفكر
كم قلتها بينك وبيني شوفك يساوي نور عيني..يا كيف بصبر عن غيابك وغلاك زايد ما تتصور
اقبل حبيبي عاد عذري وانت الغلا يا زين تدري..يانور عيني لا تتضايق ضاعت حروفي كيف اعبر
مـــابـــي اســمــعــك
مابي اسمعك ولا ابي احاجيك.. اذا هذا اولك ينعاف تاليك
مقدر استمر ولا اقدر اجاريك.. ولا اقدر اكون لعبه بأياديك
حتى بالصدف ما احب الاقيك.. وحتى بالغلط ما اجيب طاريك
وبعد اللي حصل بالعون مابيك..ايا درب الشقى قررت اخليك
مــتــى يــاقــلــبــي
متى يا قلبي اتعلم.. ما يبونك ياخي افهم
يعني اللا يجرحونك تسمع انهم ما يبونك.. حتى انت تحس وتفهم
ترمي نفسك ليه عليهم واتعنالهم تجيهم.. لا تطولها معاهم مايبونك لا تبيهم
شوف حالك من جفاهم..شوف وشصار من وراهم
تكسر الخاطر يا قلبي.. يالله اصحى من هواهم
مــطــلــع الــشــمــس
شعشع بنوره يوم بين علينا.. نوره يضاهي في الفجر مطلع الشمس
وطى يناجي وردتن في يمينه ..دندن بصوته دندنه تشبه الهمس
مدري يا زين الورد واللا يا زينه.. والورد بين الورد متشابه وبس
مرمر فؤادي من رأت عيني عينه ..صارت حياتي باكر مثل امس
الشمس غابت لما بين جبينه ..بدر الليالي طلته تحجب الشمس
ودي بقربه بس صعبه علينا.. اللي يحب الشمس محروم من لمس
مــطـــول الــغــيــبات
يا مطول الغيبات بالبعد ظالمني من يوم رحت هناك والقلب هايم
يا حبييبي لك زمان طمني وشلونك.. عانقني محتاج لحنان ناظرني بعيونك
في قربك الدنيا امل وغداره من دونك
اخباري جفاك واشواقي قتاله.. ولو تدري عن امسي بلاك تشفق على حاله
صدقني ما يكفي الكلام لو ابتديت احكي.. اعذرني مثلي ما ينام من فرحته يبكي
ما ابكي بس دمعي نزل مشتاق لك مثلي
اوعدني ابد ماتبتعد عني.. كم ضاع في لحظه زعل من عمرك وعمري
البعد يا عشقي جفا والدنيا دواره.. كم صبح في عيني انطفى ما لاحت انواره
في غيبتك موتي حبيبي اهون تقتلني
مـــن يـــومـــي
من يومي قلبي دايب يا روحي فيك..من يومي وانا والله اسأل عليك
اسأل عني مره اسأل حبيبي.. انته روحي وانت حبي و نصيبي
انته حبيبي قمه شعوري.. ياللي وجودك عندي ضروري
من غيرك انته افقد حضوري يا كل الحياه
طمن فؤادي ارجع عشاني.. ارجعلي يالله نور مكاني
واملى حياتي فرح واغاني ويكفي نوااه
هــــي حـــالـــفــه
هي حالفه تنساني راحت وابعدت فعلا نست..ما همها حبي ولكن عشقت لما جفت
دنيا غريبا للاسف الدمع فيها ما يجف..هذه جزات اللي يحب يقضي حياته في تعب
راحت مشت ما كني يوم في قلبها راحت نست..بانت نوايها كشفت قناها
يا حيف عمري اللي انتهى من اجلها..والله يجازي اللي خطف مني قلبها
كم حذروني منها كذبتهم صدقتها..حسبي عليها كيف باعت بي وشرت بأغلى العواطف والمشاعر تاجرت
كان خطى مني انا والذنب هو ذنبي انا..رغم السيول الجارفه ماعود انا للعاطفه
واقـــــعـــي
واضح انك انساني ثاني.. في الهوى خذ موقعي
رغم اني كنت حلمك.. كنت كل فرحك كل همك
بس عيبك يا حبيبي.. انت جدا واقعي
للأسف من قلبي اصرخ للاسف.. ضايع انت بلا حقيقه او هدف
بسرعه احساسك تغيير.. للي قرب من اكثر
يا ضياع احلام ماتت وانتهت.. يا خساره عيونك لغيري التهت
انت لي واللا لغيري.. مابي يتعلق مصيري
منت معي..منت معي
ويـــــــنـــك
ولا سأل عني ولا قال وينه كني ما غبت عنه ولا يوم.. توني بقول الله يا قوه عينه لكن رجعت وقلت ما ينفع اللوم
دامه نسى يا قلبي عشره سنين منت على طرق المقفي ملزوم.. دامه نسى عطفك ولطفك ولينك دور على اللي حبه يعيش ويدوم
انساه يا قلبي وربي يعينك ما يروح حقك كل ظالم وله يوم .. بعدين تبغى الجد بيني وبينك لا تبات ظالم احسن تبات مظلوم
يـــــا ويــــــلـــك
يا ويلك لو تخليني وتبعد عن نظر عيني.. تأكد حتى اصحابك اكيد بيسألو ويني
يعني صعبه تنساني صعبه تحب لك ثاني ..لانه قلبك في ايدي وانت كل وجداني
ما تقدر تخاطبني ولا بلحظه تصد عني..لاني فيك انا اتهنى وانت فيني متهني
يــــعـــانـــدنـــي
لا حول ولا قوه يرحمني الرحمن.. من ما يوصلني ويردني عطشان
قاصد يعاندني او ما فهم قصدي.. واللا بيتجاهل وصلني لي حدي
عناد وعناد مافاد ومازاد غيرالجفى والبعاد.. هويتو وهويتو والله ياليتو يخف هذا العناد
بحر الهوى عندو هيجان ما يهدي والريح توقفني تمنعني ما اعدي ماحيلتي ياناس ابحر بلا ربان
ما ينفهم امر بالمزح والجدي ساعات يبحرني ساعات يلم مجدي خلاني اوقفله انطر على البيبان
ودمتـمـ بـود
