ياطويلين العمر لما كنت بالجامعه كنا كل يوم ثلاثاء كان عندنا off لمدة ساعه وحدة نروح نفطر ونرجع
مرة طلعنا انا وثنين من اخوياي وواحد منهم احب اهبل فيه .
رحنا لكودو وافطرنا خويي خلص فطورة وقام يغسل انا شفت صحنة باقي فيه اكل ما خلصة ناظرت خويي الثاني نظرة خبث ضحك وقال انت بتسوي شي بس ما ادري وشو .
قلت له وش رايك نجيب الفطور حقة معنا واذا دخلنا القاعه وجا الدكتور نعطية باقي فطورة والدكتور يشرح ؟ خويي مات من الضحك وقال خلاص اوكي .
خوينا اللي بنسوي فية المقلب كان يغسل يدة ولا يدري ماذا سولت لنا انفسنا تجاهه <<<<<< وش عنده قلب امام مصري ؟
انا اخذت باقي اكلة وكان عبارة عن ( نقانق ؛ مربى ، عصير ) اخذت النقانق والمربى واخذت معي كاتشب انا لفيت النقانق بمنديل ودخلته مخباتي والعصير خليتة لان ما فيه مكان خويي رفض ياخذ العصير معه .
لما رحنا للقاعه وجلسنا اخر ناس طبعا (( لان الدكتور يجيب النوم خلقة وانا ما اشتريت المنهج الا لما قال الاختبار بكرة ))
جلسنا في الاخير وبعد ربع ساعه والدكتور بدا الشرح حطيت الفطور (نقانق ، مربى ، كاتشب ) في الدفتر والله لا يوريكم الدفتر تقول جبل احد
مرتفع ارتفاع غير طبيعي .
خويي اول مافتح الدفتر طلعت عيونة انا طبعا في هذي اللحظة كنت على الهزاز (( اضحك بحيث اني ما ارفع صوتي ))
وخويي الثاني مات وهو يضحك وخوينا اللي سوينا فيه المقلب الناس تناظرة وتشوف الفطور على الدفتر وتضحك قالوا شكل ذا ما شاف نعمه .
وانا طبعا الضحك اللي فيني ما طلع
وما ادري وش قال الدكتور والطلاب يضحكون ضحكة خفيفة وانا ضحكت بصوت عالي والعالم تناظرني
ولما هدا الوضع انا قلت ماش الضحك اللي فيني ما خلص ابي اضحك <<<<<<شرير
طلعت من جيبي ربع ريال وكان عندنا دكتور باكستاني
عطيت خويي الربع ريال وقلت له انزل تحت الله لا يهينك وجب معك واحد تميس من عند الدكتور الفلاني خلنا نفطر على المربى شوي ولا خويي قال الله يلعنكم ويلعن اللي يجلس معكم والطلاب اللي جنبي ميتين من الضحك
وفي الاخير مسكنا الدكتور
تدرون وش سوى فينا ؟
ما سوا شي بس قال غيروا اماكنكم <<<<< في هذي اللحظة حسيت ان الدكتور رهيييب
ضحك وقال انت بتسوي شي بس ما ادري وشو .
شوي ولا خويي قال الله يلعنكم ويلعن اللي يجلس معكم والطلاب اللي جنبي ميتين من الضحك
<<<<< في هذي اللحظة حسيت ان الدكتور رهيييب 
النمط الخطي
