السلام عليكم ..

هذي القصيدة قريتها بمنتدى وتقدرون تقولون انها جات على الجرح .. وبصراحة حسيت ان هذي القصيدة توصف مشاعري انا ...

--------------------------------------------------------------------------------


أخيرا جيت يا شاطر رجعت مخاوي الونات
خضعت ودمعك الثاير على الوجنة يناديني

::::×::::

عرفت الحين مقداري دريت اني على النيات
ولكن مامضى ماضـي وانا لحاضر عناويني

::::×::::

نسيت يومك تبكيني نسيت كلمة عديم الذات
نسيت يومي اغص باسمك وعلى الغصه تهنيني

::::×::::

خساره طحت من عيني غدت ميزتك لي سيآت
شطبتك من كشوف الحب ودمعي لك يواسيني

::::×::::

صحيح القلب من هجرك كساه الهم واللوعات
ولكن عزتي ترفضــك مهما تصافحك عيني

::::×::::

نسيتك قالها قلب يعاني لحظة السقطـــات
وعلى نعش الهوى كلمة نسيتك من شرايني

::::×::::

خلاص مرحوم شيعته بصمتي واندفن بسكات
تقبلــت التعازي وانت ولا فكـرت تعزينـــي

::::×::::

وجايني اليوم متأسف عقب ما تاهت الخطوات
عقب ماذابت عروقـي وليل الياس طاوينــي

::::×::::

عقب كسرة خواطرنا تبيني ارجع.. محال ،، هيهات
انا راضي اخاوي الموت ولا مثلك يخاويني ..

::::×::::


اتمنى انكم تكونون فهمتوا اللي احس فيه

عقب كسرة خواطرنا تبيني ارجع.. محال ،، هيهات
انا راضي اخاوي الموت ولا مثلك يخاويني ..



أقوى بيت من جد ’’



يعطيكـ العافية وأبيات روووعهـ أهديها لثنين

طبعاً برا المنتدى لكنها من جد على الجرح ..

عرفت الحين مقداري دريت اني على النيات
ولكن مامضى ماضـي وانا لحاضر عناويني


تسلمي عالقصيده..

والنقل المميز..

عرفت الحين مقداري دريت اني على النيات
ولكن مامضى ماضـي وانا لحاضر عناويني


قصيدة اكثر من رائعة

تسلمي عالقصيده

ماننحرم منك

بجد كلمات لها رونق خآص

يسلمكـ ربي ع الموضوع الرائع

::

يعطيكـ العافية