..[السـلام علـيـكم ورحـمـة الـلـه وبركـآتـه ]..
وبـ ع ـد :
كل عآم وأنتم بخير .. ورمضـآن كريم " الشهر عليكم مبآرك"




\\
\\
\\
\\
\\





:: عـآئلة رقية تتكون من الأم منيره الحمد وسويلم (الداشر) الأبن الأكبر المشاغب ونوره البنت المصابه بمرض القلب وطـبعـآ رقيـه هي البنت الكبرى العاقله الجميله
مرت الأيام وهذه العائله تعيش في سعادة غامره بقيادة الاب أبوسويلم الذي كان يعمل مراسلا عند أمير القصيم وكانت عائلة أبوسويلم إجتماعيه جدا مترابطه من الداخل وقويه من الخارج.. <<

وكان لهم جيران كثيرين
وكانت رقيه تدرس بالمرحله الثانويه قسم تحفيظ قرآن وكانت مجتهده وسويلم كان داشرا وراعي جلسات وسهرات


وكان أبوسويلم حريصا كل الحرص على بناته
وفي ذات يوم تعبت عليهم نوره الأمر الذي أستدعى أبوسويلم إنه يروح بها الرياض وبالفعل راح للرياض هو ونوره ورقيه مع ولد جيرانهم صويلح طبعا أم سويلم ماقدرت تروح لأنها كانت ماتحب الرياض وراح أبوسويلم وبناته الرياض لمستشفى الملك فيصل التخصصي وأكملوا الفحوصات اللازمه وجلسوا تقريبا أسبوع الين ماتعافت نوره وأتصلوا بصويلح عشان يرجعهم القصيم ورجعوا ودخلوا البيت ولقوا البيت حوسه وفيه واحد جالس يعزف عود بالصاله

!!


جاب أبوسويلم الخشبه وضربه وطرده من البيت وجلسوا البنات يدورون الأم مالقوها إلابالسطح محجوزه في غرفه وطلعوها عاد رقيه تسأل أمها هوو وش فيتس
قالت الأم أن قبل يومين دخل علي سويلم وهو سكران وقال لي ياطويلة العمر أنا بسألك سؤال إن ماجاوبتيه بأضطر أحجرتس بالسطح
السؤال
* أغنـية شفتك بعيـني لاتقول أنتـ واهم لــمن !.
وقلت لـه الكذب خيبه لكن الله يعافيك أتوقع إنه للصريخ
قال غـلـط يالله جهزي أغرآضتس بوديتس للحجز الإنفرآدي وحطن فوق بالسطح

قالت رقيه خير إن شاء الله بس ابشرتس يا أم سويلم نوره تعافت وأنا هالحين بنظف هالبيت من هالوصـخ وأقول لأبوي يروح يدور سويلم لايكون في أحد أقسام الشرطه


طلع أبوسويلم يبحث عن سويلم في طريق الخبيب و لا لقاه عقبها
طلع أبوسويلم لسوق الجرده في بريده وهو يمشي علي رجليه
مر صويلح بالهايلكس ووقف عنده وقال ; سلامات شفيك ياعم ابوسويلم تمشي على رجليك باين عليك تعبان
قال أبوسويلم : شسوي من اليوم وأنا أدور سويلم ولالقيته
وركب الهايلكس مع صويلح .. عاد صويلح كان مرتبك وألتفت لأبوسويلم
وقال صويلح : ياعمي أدري مب وقته بس لازم أكلمك في موضوع مهم اللي هو إني تخرجت من الجامعه وتعينت معيد وأنا أدور الستر وأبي أخطب رقيه على سنة الله ورسوله
قال أبوسويلم : مايكون إلا خير بس عندي شرط واحد
قال صويلح وش الشرط
قال أبوسويلم : أبيك تدور لي سويلم وتذبحه وتفكني من شره
قام صويلح وشهق شهقه قويه ..













بـٍـًٍـَـٌـــعدها حط صويلح ابوسويلم في بيتهم وراح يبحث عن سويلم في أستراحآت عـٍـًٍـَـٌـــنيزه وقام يسأل عنه ألين لقـٍـًٍـَـٌـــى وآحد وقاله أسمع يامطـٍـًٍـَـٌـــوع سويلم عند عقله كانك تبيه قـٍـًٍـَـٌـــام صويلح وشغل موتره وراح لعقلة الصقور يدور سويلم جلس ثلاث أيام لكن للأسـٍـًٍـَـٌـــف مالقاه ورجع لعنيزه ولقى نفس الرجال وقال له ياخي تلعب علي تقول عند عقلة الصقور قام ضحك هذاك قال يآخوي عقلة هذي معيارة واحد كويحه عندنا هنـٍـًٍـَـٌـــا بالأستراحه اللي بجنبنا ههه
قام صويلح ودخل الأستراحه ولقى الزكرت متسدحيـٍـًٍـَـٌـــن وسويلم نايم قام وجلس يصحي سويلم فجأه قام سويلم قال شالسـٍـًٍـَـٌـــالفه قال صويلح شفيك أنت أنا صويلح قال سويلم أووه صويلح شلونك سلامات جاي هنا قال صويلح أمش معي بنروح زمين الله يفتح على قلبك قال سويلم على ويـٍـًٍـَـٌـــن !!
قام صويلح ومسكه وركبه بالسياره ومسكوا خط القصيم رايحين للريآض -- عاد صويلح جالـٍـًٍـَـٌـــس يفكر بطريقه شلون يتخلص من سويلم ويذبحه لكن أحتار وقال في نفسه أوديه مستشفى الأمـٍـًٍـَـٌـــل قال سويلم هاه يابو أمـٍـًٍـَـٌـــل أنهبل صويلح وطلعت عيونه قال سويلم قصدي وش تفكر فيه وبعدين وشهو له رايح الريآض تراها فسـٍـًٍـَـٌـــاد يامطوع قال صويلح لا إن شاء الله تتساهل الأمور
المهم وهم يمشون بالطريق إلا شوي جوال صويلح يرن ويقفل المهـٍـًٍـَـٌـــم قام وأتصل ردت عليه رقيه بكل خجل ألوو هلا بصويلح شلوونك تفاجأ صويلح عن سؤالها عنه وجلس يقول في نفسه شكلها تبي تاخذ التقارير وترسلهـٍـًٍـَـٌـــا لأبوها
قال صويلح أيه هالحين حنا بالطريق أنا والشيخ سـٍـًٍـَـٌـــويلم ->> قام سويلم يناظر جبهته بالمرآيه ويقول يابوالشباب أي شيخ والله إني حاس أنه مختوم على هالجبهه بختم ابن عثيمين
قام صويلح وقفل الخط بوجه رقيه
ودعس بالسياره




ومن وقتها رقـٍـًٍـَـٌـــيه جالسه تمطمط خصلات شعرها وماتنام الا بالسطح تفكر في صويلح..فتى الأحلام
خصوصا وانها شافت تجاوب أبوها مع صويلح !!

ويوم وصل صويلح وسويلم الرياض وقفوا عند محـٍـًٍـَـٌـــطه راح صويلح دورة المياه ويوم رجع لقى سويلم راكب مكان السواق ويقول أرركب يامطوع عندي ربع بحي السـٍـًٍـَـٌـــلام لازم نزورهم المهم يوم وصلوا الإستراحه نزل سويلم وقال صويلح انا عندي مكـٍـًٍـَـٌـــالمه وبدخل بعد شوي راح سويلم ودخل على الزكرت وصويلح أتصل في رقيه وردت عـٍـًٍـَـٌـــليه :هلا صويلح وينك بوه قال صويلح احنا بالسلام جالسين ومن باكـٍـًٍـَـٌـــر الصبح بنروح المستـٍـًٍـَـٌـــشفى إلا على فكره وشلون الجو عندكم بالحيل مشتاق قالت رقيه أحرجتن كل شي تمام بس أنتوا أخلصوا وقفلت السماعه قام صويلح ودخل للإستراحه ولقى الزكرت متسدحين هلا والله بصويلح!! المطوع المهم جلس صويلح وشوي يعطونه كاس عرق' قام وشمه قال وشهو ذا قال سويـٍـًٍـَـٌـــلم / أشرب ذا عصير عبري وآرد الخرج
شرب صويلح شوي ويطلب كأس ثاني وشوي فقد عليهم قام ومعط صويلح بشوشته ودز به لحي خنشليله يقول بوه محاضره هناك ويوم رآحوا هناك مسكتهم دوريه قال سويلم والله الورطه قام العسكري وسأل صويلح إثباتك ورخصتك وألحقني قسم العزيزيه المهم لحقوه ودخلوا الحجز يوم جاء العصر كتبوا تعهد وطلعوا قال صويلح هاه ياسويلم بنروح مستشفى الأمل ورآحوا يقدمون أوراق سويلم ورفضوا يدخلونه .. وضاقت الدنيا بصويلح قام وقال لسويلم أبيك تعطين وعد إنك تترك الطريق اللي أنت ماشي فيه لأني بصراحه مليت وإجازتي قربت تخلص!!











قال سويلم أبشر ولايهمك نروح لسدير ههاي
قال صويلح : أفهمن ياسويلم أبيك تعقل !! وأعطيك 5000ريال
وأوعدك نرجع القصيم وأقول لأبوك تعافيت ومابك إلا العافيه
قال سويلم أحلا كلام بعد زواجك يامطوع بروح قطر عند أبومحمد أحسن من بريده
قال صويلح : أهمم شي نروح بريده وتعتذر لأبوك وتبوس راسه
قال سويلم خلاص
المهم مسكوا طريق القصيم ورجعوا بريده وضبطت الأمور ورضى ابوسويلم عن ولده وتزوجت رقيه من صـٍـًٍـَـٌـــويلح وتعافت نوره وعاشت رقية وصويلح حياه زوجيه هنيئة ..









======================

شاكر ومقدر لكم حسن الأنصات والمتابعه طبعا القصة من الخيال لاحدن يصدق
لكن كغيرها من المسلسلات الهنديه اللي شفناها قبل رمضان وأفهم يافهيم

تشــآآآو

قصهـ رهيبهـ . . .

مشكورهـ اخوي , , شقااوي , ,
والله يسعدك . . .

سلامي وودي

سمو الاميرهـ

ياااهم مصرقعين من قلب !
سويلم كل يوم وهو في ديرهـ خ خ خ

وزين انهم اعرسوا

قصه حلوهـ شقاوي ومن زمان عن كتاباتك
واتمنى انك ماتبخل علينا فيها

ماقصرت عساك على القوهـ

أأهلين سمو الأمير شاكر ومقدر مرورك الكريم
للك خالص الحب والتقدير


مرورك الأروع

أأهلين سكون

شاكر ومقدر مرورك الكريم
للك خالص الحب والتقدير




مرورك الأروع

ههههههههههههههههههههه
يعطيك العافيه صويلح << متاثره بالقصه
قصه جميله جدا اعجبتني جدا
يعطيك العافيه اخوي
ننتظر جديدك

وش صويلحة الله يجزاك خير خوفتي تسمين أخوانك كريّم وسليّم هههه

ينت الشيوخ شاكر ومقدر مرورك الجميل


لك خالص الحب والتقدير

يآ آخي مآ قهرني بـ القصة آلآ شين وآحد !!

وشلون الفتآة آسمهآ رقيـة و [ تستحي ]

خخخخخخخخ

قصـة ممتعة وزريفة وفيهآ شي جديد يعني

بس قهر وش صآر علىآ سويلم وين رآح ~~> متآثر بقووة

:
:

شقــآآوي

منور برجعتك من جديد ..

آخر الآنقطآعآت يآ رب .. ولآ تحرمنـآ كتآبآك يآ مميز

ههههههههههههههههههههههههههههههههههههه
هههههههههههههههههههههههههههه


زين انهم ماراحو لسدير


الا شقاوي


منيره الحمد للحين ما ماتت

لوووول

تعجبني والله يا شقاوي بكل طرحك


بس فقدنا وبقوه الفتره اللي راحت


ماننحرم منك يا الدختـور