بمناسبة دنو يوم العيد أتمنى ان اكون اول شخص يهنأكم بقدومه
واتنى ان تنال القصيده على شي من رضاكم ..........ملك الاحساس.
يــا عـيـد عـيــدي عـــاد والـقـلـب مـجــروح
ويـــن الـزمــان الـلــي بـــه الـعـيـد يـنـعـاد
يــا عـيـد ســـت اعـيــاد والـدمــع مـفـضـوح
مــن قـســوة الايـــام عـانـيـت انـــا اضـهــاد
كـلـن بـشــوش الـوجــه يـــا عـيــد مـمـلـوح
وانــا شـحـوب الـوجـه مـــن ضـيــق واجـهــاد
مــا عـــاد لـــه طـعـمـن ولا لـــون بـالــروح
وش لـــه اعـيــش الـعـيـد والـغـيـض يــــزداد
ويـــن الـزمــان الـلــي نـقـضـيـه بــمــزوح
الـعـيــد لــــه نـكـهــه وبـالـقـلـب مـيـعــاد
اصــــارع الــونـــات والــهـــم مـكــبــوح
وأكـــره طـــواري الـعـيـد واقـضـيـه بــرقــاد
الصوت/صـمـت/ وجـانـب الـصـمـت/ بـــه بـــوح
والـقـلـب مـــا يـنـفـع/ لـــه الـبـوح...مـربـاد
جـيــت الـزمــان الـيــوم مـــن دافـع...الـبـوح
جـيـتـه..ابـي يـنـقــاد. واصـحـبــت مـنـقــاد؟
لا يـــا سـنـيـن الـصـمـت والـصــوت مـبـحـوح
مــا فــاد فـيـه الـصــدق لا شـــك مـــا فـــاد
هـــذي ثـــلاث سـنـيـن والـقـلــب مــطــروح
لا عـــــاد شـربــه/شــرب/ ولا زادهــــــم/زاد
ولـحــدن لـمــس مـنــي تـبـاريـك واصــفــوح
مـاهــي بـفـرحـه ...غـايــض الـيــوم حــســاد
مـسـمــوح أنـــــا ياناس((أفـكـورس))مـسـمـوح
ارجـــع لـكــم ثــانــي لــيــا ربــكــم راد....
ويـاعـيـد عـيــدي عـــاد والـقـلـب مــجــروح
ويــن الـزمــان الـلــي بـــه الـعـيـد يـنـعـاد؟؟
النمط الخطي
