اسم الأغنية : خمس جروح ..
اسم المغني : نوال الكويتية
كلمات : هتان

======================


قل وشتبي بكيفي
خلني على كيفي
كتله مشاعر مهمله
والحزن هو ظيفي
لا تسألني اشلوني
لوني سمار الشمس
لا يهمك جنوني
تراها جروح خمس

اول جروحي قـلب .. ميت من الاهمال
وثانيها صدمه حب .. مات بـرواقـه بـال
ما عدت انا اهتم .. بـجـراح مـا تـلـتـم
وخلني اكمل لك
واسمع بعد شملك

باقي ثلاث جروح
بـحكيـها لـك واروح
الـثـالثـه احـزان .. من راسي لاقدامي
والرابعه هجران .. ماتـت بهـا احلامـي
ما عدت انا اهتم .. بـجـراح مـا تـلـتـم
وخلني اكمل لك
واسمع بعد شملك

باقي الاخيره نزف
باقي الاخيره ضعـف
دمــع وقـــف بالـعـيـن
جــمــر حــمــر مـا جـف
خامس الاخماس .. يا سيـدي الحساس
انــي انــا كــلــي .. ما عاد بي احساس
تسألني عن كيفي !
والله مالي كيف
والحزن هو ظيفي
والهم بقلبي سيف

آآآه خمس جروح

برواز - غناء محمد عبده
:::::::::::::::::::::::::::::::::




قلتيلي انسى
ومن يومها وانا كل ليلة..قدامي البرواز
حبر العيون ودمع القلم.. في دفتري
وصورتك..رغم الألم..ورغم انها خذت من اطباعك كثير
وخانت البرواز..اشوفها في خاطري
حبيبتي مابيدي حيلة
لاصرتي الصورة..وعيوني البرواز
وشلون ابنسى
اتعبتي الصوره مشاوير
وتعبت انا بلقى لغدرك معاذير
وصورتك اللي سجنت بروازها طول السنين..
كانت جسد وبروازها الروح
ويوم انزعت منها الجسد..تجرحت اطرافها
وبجروحها راحت لمين؟
لبروازها الثاني!!
مسكين..بيسجنك ويبقى سجين
مسكين
تشبهلك اقداره..خانته
وصورتك يجي يوم وتخونه
حبيبتي..أو للأسف حبيبته
لاصرتي الصورة..وجفونه البرواز
وشلون ينسى
حبيبتي لجل أنسى جرحك واستريح..ببكي
وبعد البكى ..ببكي
وأكيد في لحظة بتجي..وبيجف دمعي
وعندها صورتك اللي في عيوني
بتموت من ظلم العطش..
بروازها بيصبح نعش
وبتمرني الدمعة الأخيرة ...تاخذ معاها صورتك وتطيح
وكني بالمسافة تطول مابين عيني..ودمعتي..وخدي
وكني بقلبي الحاير المسكين
نبضه يقول لا تودع الفرقى الدمع مايرقى
وعندها لانزلت الدمعة لمثواها الأخير
وفارقت وجهي
بغمض عيوني..واكسر البرواز
واكيد ابنسى

الأغنيــة : أمل موعـود

المغنــي : راشد .
:::::::::::::::::::::::::::::::




انااللى لك زرع قلبه غرام وانبتت ورده

قطفها لك وقدمها هديه قلبه الموعود

ياليت احساسك المرهف يمد لوردتى يده

بحس انه الامل ينوى لدنيا فرحتى بيعود

تعال نعيش فرحتنا ونوقف للجفا ضده

حرام تعاند احلامك وقلبك عنى ترده

اجيلك بالوله والقى طريقك بالجفا مسدود

اذا ضاقت بك الدنيا انا عنتنى بشده

واكيد انى على حبك ترانى يالغلا محسود

تعال نعيش فرحتنا ونوقف للجفا ضده

ندور عالم ثانى غدا مابيننا مفقود

وعدنا الحب بالفرحه ولا حدن وفا بوعده

ووعد الحر فى قلبك وفى قلبي ترى موجود

احبك كلمه ظلت شفاه الحب من مده

نست حتى ابتسامتها وضحكه العيون السود

عسي ربك يجمعنا وننسي الهم ونصده

نعيش ايامنا الحلوه بلا هجر وجفا وصدود

~~~~~~

:: نجــــــــــد ::

:: استعجلتـــ الرحيـــــل ::


ربي لاشلكم ولاهانــكم

مشكوريـــــن

الحب الجديد
كلمات : عبدالقادر الكاف
ألحان : عبدالقادر الكاف

ايش جابك من بلادك لي بلادي
ايش لي خلاّك تسكن في فؤادي
حس شي في مهجتي لك غيرعادي
كل ما اشوفك يزيد يا ذا الحب الجديد
يعتصر قلبي وياخذ ما يُريد
يا ذا الحب الجديد
كنت وحدي منعِزل في وسط وادي
جيتني بالحب من قلبك ينادي
هزّني صوتك كأنّه طير شادي
جن عقلي بالنشيد يا ذا الحب الجديد
يعتصر قلبي وياخذ ما يُريد
يا ذا الحب الجديد
عاتبوني فيك زادوني ملامه
كل واحد يسأل الثاني علامه
كِن حبّك طير واحساسي حمامه
سلّمتلك يا عنيد يا ذا الحب الجديد
يعتصر قلبي وياخذ ما يُريد
يا ذا الحب الجديد




تمنيت
كلمات : تــــــــركي
ألحان : طارق محمد

تمنيت القصور الشامخة
لولو وذهب والماس
غني ماله أبد آخر
لايحصى ولاينقاس
يشاركني به المحروم
عزيز النفس عالي الراس
ولانحتاج غير الله
تذلك حاجتك للناس

تخيل دنيا مافيها فقير
ولامعاني بــــــــــــــاس
تخيل كلنا واحـــــــــــد
المحروس والحــــــراس
تخيل لامشاكل لاهموم
ولامآســـــــــــــــي بس
ولانحتاج غيـــــــــر الله
تذلك حاجتك للناس

لا كل النوايا صافيه
ولا الكل عالي ساس
فينا الطيب الصادق
وفينا الكاذب الوسواس
أعوذ بخالقي منه
ومن قاسي بلا إحساس
ولانحتاج غير الله
تذلك حاجتك للناس




قول آمين

كلمات : عبدالله بودله
ألحان : محمد بودله

قول آمين عساك تحبني وتموت فيني
قول آمين عسى يدينك ماتفارق يديني
ومثل مااشتاق أنا لعينك أبي تشتاق أنا لعيني
أبي تتعب مثل ماأتعب
عشان تعرف معنى الحب
لأن بجد حالي صار
على نفسي ترى يصعب
أبيك تحس في حبي
تقول إنك تبي قربي
وإنك ماتبي غيري
واقول آمين ياربي



ياعديم الشوق

كلمات : تـــــــــــركي
ألحان : طارق محمد

ياعديم الشوق بعدي فيك ماأثر
لو أغيب العمر كل العمر أو أكثر
دنيتي قربك هواك كان عنواني
خذتني مني معاك وقلت انساني
كيف أنسى وانت ساكن وسط وجداني

مايجيلك إللي يجيني لاعبر طيفك
اختلف مااحس فيني القاي ناديتك
إقترب مني تعال ردلي روحي
شوف غرس الحب طال من سبب نوحي
تأصل جذوره جذور الأرض بجروحي

يسألوني الناس وينك واحبس الدمعه
ليه مبعد عنك والأحباب مجتمعه
إذبحوني بالسؤال هزوا ثبوتي
صوتها هد الجبال صرخة سكوتي
إبتسم مارد كان أهون على موتي



حبيب الروح

كلمات : النـــــــــــــاصر
ألحان : ممدوح سيف

ياحبيب الروح من غيرك أحبه
من هو يستاهل في قلبي يعيش دايم
إنت وحدك حاكم إحساسي محبه
إنت وحدك لي وأنا اللي فيك هايم
إسمك اللي لو نطقته فيه رهبة
يكفي ياحبي تحملت الظلايم
صرت أنا والهم والآلام صحبة
لأني صاحي ياحبيبي ولأني نايم
نظرتك لو هي عتب في القلب عذبه
وياحلاتك لو تجي ياروحي لايم
الحياة من غير قربك حيل صعبه
خلني في بحر حبك دوم عايم




ماأذكر متى

كلمات : تــــــــــــركي
ألحان : طارق محمد

ماكنت بحياتي التفت ماألقى سواك
إنت عمري اللي ابتدى وأول حياتي
مولدي لحظة لقاك
هاك هاك كلي ضمني لك احتويني حنني
أنا من لي شوف عينك غير دربك دلني
تتلخص الدنيا بحبك إي وربك
ياللي ماغيرك ضروري
عالمي والناس إنت وحدك إنت
فيك متمادي غروري






سمعني غنية

كلمات : مروان خوري
ألحان : مروان خوري

سمعني سمعني سمعني غنية
وديها لعيوني رد الهنا ليه
سمعني واسمعني بحبك يابايعني
صالح ورجعني لقلبك أنا خطيه
نزعل ياروحي نزعل ونرضى بغنية
سمعني أغاني أحلى من الكلام
تحكي عن حناني وليالي الغرام
عن قلبي اللي دايب عافراق الحبايب
حلفتك ياغايب بتبعتلي سلام
أنا والله حرام
أخدتنا الملامه وضيعنا الطريق
رجعلي بالسلامة ياحبي البريء
فرحني وداويني بالنغمه الحزينة
حلفتك لاقيني أنا بعدك غريق
أنا بعدك غريق


ثلاث أيام

كلمات : فــــــــــــزاع
ألحان : فايز السعيد

ثلاث أيام مرن في حياتي غير
ثلاث أيام عشت الحب واغليتك
ثلاث أيام وأتهجى كلام الطير
كلام اعذب من أعذب من تفديتك
رسالة حب شاهدها غلى وتعمير
على فؤادي تربع واسكن في بيتك
أقول أيش قد أنا عطشان وإنت البير
دلو فكري نضح من كلمتي ليتك
حبيبي والعطا يحتاج للتقدير
إذا صرحت أنا إللي حيك وميتك
ثلاث ايام لكن ماأدري ويش التفسير
بس أدري من ثلاث أيام حبيتك






لين شافوني

كلمات : تـــــــــركي
ألحان : طارق محمد

لين شافوني اسكتوا
مايتمون الكلام
إللي قبل ماأوصل بدو
الأكيد إنه علينا
وعن نهايتنا الحزينة
يحسبون إن إنتهينا مادروا
يوم نتوادع تبادلنا القلوب
قبل تفريق المواني والدروب
كل منا لانبض قلبه يذوب
أبعدونا قربونا ماقصدوا
يحسبون إن إنتهينا مادروا
كنت قدامي وبعيوني أراك
صرت اغمضها وألقاني معاك
إنت يادايم هنا وإنت هناك
أبعدونا قربونا ماقصدوا
يحسبون إن إنتهينا مادروا
ماتغير شي غير الحب زاد
لهفة العشاق قايدها البعاد
توصلك لو بيني وبينك بلاد
أبعدونا قربونا ماقصدوا
يحسبون إن انتهينا مادروا



يعني تحسبين

كلمات : شـــــــــــــاعر
ألحان : منــــــــــــــذر

يعني تحسبين أكبر همي إنتي
لا والذي سواك غيرك زيون
ماني قليل شر يمكن فطنتي
ومن يخطي بوحده أرده بمليون
وإن سألوا ربعك علامك ذبلتي
قولي لهم من حب ذالي تشوفون
ياصلك حكي وإنتي له إستجبتي
ماتشوفين إلي بالقلب مكنون
ترى العقل نعمه وذا عيبك إنتي
غزالة تسرح على وين مايكون
ماعاد عندي إلا ماسمعتي
ولو تصبرين شوي يمكن يزيدون




ماكان الفراق

كلمات : فيصل بن خالد بن سلطان
ألحان : رابح صقر

والله ماكان الفراق إختياري
ولاعمري إخترت الوصال ولقيته
وأنا اعشقك عشق المطر للصحاري
مهما قسى وقتك علي ماجفيته
ماكان بعدي عنك بالبال طاري
إخترت بعدي عنك منك ورضيته
لو كنت داري بس لو كنت داري
ماأعطيت لك قلبي وحبك مشيته
لو مل صبري حنين إنتظاري
ماقلت أبيك ولارجوعك رجيته
أذبلت من طبعك ورود إعتذاري
عطشان ذوق ولطفكم ماأرتويته
ليت الزمن يقدر يرد إعتباري
ويبري لهايب قلبي إلي كويته
روح مراح الليل والليل ساري
لو كان مهما كان حبك نسيته




ياأكحل العين

كلمات : شـــــــــــاعر
ألحان : منـــــــــــــــذر

ياأكحل العين لاتبطي عنا
فناظرك ويل وفقلبي ونة
شوقي لك لا طرى لي وعنا
ياخذ القلب دنه على دنه
يمشي في حاله عذره جماله
هذا لحاله قلبي حلاله
بسأل نجوم ليلي في وصوفه
هو القمر فوق ولا إلي أشوفه
القمر غاب وأدري ويش ظروفه
يوم شافه تعذر في خسوفه
مسكين جيله ماله وسيلة
إلا كلام وحيلة قليلة
ياسما نجد غني وتهني
دام هالزين بأرضك تمني
ليت يانجد ظنك على ظني
وتخبرينه لايبطي عني




هدوء

كلمات : محمد عبدالرحمن
ألحان : صالح الشهري

هدوء سكون صمت شاحب
لارفيق لاصديق لاصوت صاحب
ماأدري لوين راحوا الناس
يم الجفا أو يم الإحساس
حتى الدموع في العيون ذبلت
حتى الظنون في الجروح كبرت
ياغربة الروح قولي وين اروح
في عيني سراب وفهمي وضوح
ياصمتي الساكن في جرحي العتيق
ضاع السفر لكن باقي الطريق
مابقى لي غير الخوف يونسني
صوت الماضي بوجودي يذكرني
مابقى لي أنا إلا أنا
وروح كلها حزن وعنا



غنوا لحبيبي

كلمات : شــــــــــــــاعر
ألحان : ممدوح سيف

غنوا لحبيبي وقدموا له التهاني
في عيد ميلاده عساها مية عام
إفرح حبيبي وإطلب أغلى الأماني
الليلة ياعمري تناديك الأحلام
ودعت عام وقابلك عام ثاني
تعال نقضي العمر في حب وهيام
إنسى الهموم اليوم وإضحك عشاني
والله إبتسامة منك تسعدني أعوام
أحاول أشرح لك بقلبي معاني
والله الفرح نساني هموم والام
وأجمع افكاري ويعجز لساني
من فرحتي معور والله ماأنلام
إحترت ويش أهديك غير الأغاني
ويهديك قلبي إلي معك في الهوى هام
وأطلب من الله ياحبيبي عشاني
ماأنحرم من شوفتك طول الأيام

نجودهـ

ربي يحفظج

مشكوره يالشيخه

العفو علعول

مشكووووووووووورين موووووووضع مرررره حلو
عساكم على القوه

كان ودي اكبتلكم اغنيه
بس ممكن اذا احد يكتبلي اغنية تركي نسيت الناس ..
بكون شاااااااكره لكم
ادري مو موضوع طلبات بس اذا ممكن؟؟
وان شالله اجيبلكم كم اغنيه تعجبكم ....

تحياتي
مشكوره كشوخه على هيك موازيع